ಸುಕ್ರನ್ ಸುಳ್ಳ್ ಸ್ಟೋರಿ…. !!! ಸುಳ್ಳ್ ಹೇಳಾ ಸುಕ್ರ ಅಂದ್ರೆ…

ಚಿತ್ರ ಕೃಪೆ: flicker ( ಹ್ವಾಯ್ ಚಿತ್ರಕ್ಕೂ ಕತಿಗೂ ಸಂಬಂದ ಇಲ್ಲ… ಸಂಬಂಧ ಇದ್ದಿರೆ ಚಿತ್ರಕತೆ ಆತಿದ್ದಿತ್ 🙂 )
ಇದೇ ವಿಷ್ಯ ನಂದ್ ಇನ್ನೊಂದ್ ಬ್ಲಾಗ್ “ಮನಸಿನ ಮರ್ಮರ”ದಗೆ ಬರ್ದಿದೆ. ಅದ್ ಗ್ರಾಂಥಿಕ ಕನ್ನಡದಗೆ ಬರ್ದದ್. (ಕೆಲ್ವರ್ ಗ್ರಾಂಥಿಕ ಕನ್ನಡಕ್ಕೆ ಶುದ್ಧ ಕನ್ನಡ ಅಂತ್ರ್… ಅಂತರ್ ಕೈಗ್ ಸಿಕ್ರ್ ಕೆಪ್ಪಿ ಮೇಲ್ ಎರ್ಡ್ ಬಾರ್ಸಿ… ಕುಂದಾಪ್ರ ಕನ್ನಡ ಶುದ್ದ ಅಲ್ದಾ ಹಾಂಗಾರೆ? :-)) ಅದನ್ನೇ ಕುಂದಾಪ್ರ ಕನ್ನಡದ ಒಗ್ಗರ್ಣಿ ಹಾಕಿ ನಿಮ್ಮ್ ಎದ್ರಿಗ್ ಇಡ್ತೆ. ಇದು ಕುಂದಾಪ್ರ ಬದಿಯರಿಗೆ ಹೆಚ್ಚಿನರಿಗೆ ಗೊತ್ತಿಪ್ದೇ ಬಿಡಿ

ನಾವೆಲ್ಲ ಸಣ್ಣಕಿಪ್ಪತ್ತಿಗೆ ಸುಮಾರ್ ಕತಿ, ಗಾದಿ ಮಾತ್, ಎದ್ರ್ ಕತಿ ಎಲ್ಲಾ ಕೇಂಡಿರತ್ತ್ ಅಲ್ದಾ. ಈಗ್ಳಿನ್ ಕಣಗೆ ಮಕ್ಳ್ ಬಾಯಿಂದ್ ಬೆಟ್ಟ್ ತೆಗು ಮೊದ್ಲೇ ಟುಸ್ಕು-ಪುಸ್ಕು ಇಂಗ್ಲೀಷ್ ಹಾರ್ಸು ಕಾಲ ಅಲ್ಲ ಕಾಣಿ. ಹಾಂಗಾಯಿ ನಮ್ ಹಿರಿಯರಷ್ಟ್ ಅಲ್ದಿರೂ ಚೂರ್-ಪಾರ್ ಆರೂ ಕೆಮಿ ಮೇಲ್ ಬಿದ್ದಿರತ್ತ್. ಕೇಂಬುಕ್ ಸುಮಾರ್ ಕೇಂಡಿರತ್ತ್. ಆರೆ ಕೆಲವ್ ಮಾತ್ರ ಹಶಿ ಗ್ವಾಡಿ ಮೇಲ್ ಕಲ್ಲ್ ಹರ್ಲ್ ಕೂರ್ಸಿದಾಂಗೆ ನೆನ್ಪಗೆ ಉಳ್ದಿರತ್ತ್. ಹಾಂಗಿಂದೇ ಒಂದ್ ಕತಿ ಈ ಸುಕ್ರಂದ್. ಕುಂದಾಪ್ರ ಬದಿಯರಿಗೆಲ್ಲ ಈ ಕತಿ ಖಂಡಿತಾ ಗೊತ್ತಿರತ್ತ್. ಎಲ್ಲಾರೂ ನೆನ್ಪ್ ಹೋದ್ದಿದ್ರೆ ನೆನ್ಪ್ ಮಾಡುವಾ ಅಂದೇಳಿ

ಕತಿ ಎಂತ ಕೇಂಡ್ರ್ಯಾ, ಹೇಳ್ತೆ ತಡಿನಿ ಮರ್ರೆ… ಎಂತ ಕೆಸಿನ್ ಬುಡಕ್ಕ್ ಕರು ಕಟ್ಟಿ ಬಂದರ್ ಕಣಗೆ ಗಡ್ಬಿಡಿ ಮಾಡ್ತ್ರಿ… 🙂

“ಸುಳ್ ಹೇಳೋ ಸುಕ್ರಾ ಅಂದ್ರೆ… ವಾಟಿ ಅಂಡಿಯೊಳ್ಗೆ ಒಂಬತ್ ಆನಿ ಹೋಯಿ, ಮರಿಯಾನಿ ಬಾಲ ಸಿಕ್ಕಂಡ್ ಬಿದ್ದಿತ್ತ್ ಅಂದ ಅಂಬ್ರ್”

ಇದ್ರ್ ವಿವರ್ಣಿ ಹೀಂಗೆ… ಒಂದ್ ಊರಗೆ ಸುಕ್ರ ಅಂಬ ಒಬ್ಬ ದೊಡ್-ಭೂತ್ ಲಾಟ್ ಬಿಡುವನ್ ಇದ್ದ ಅಂಬ್ರ್. ಯಾರಾರೂ ಅವ್ನ್ ಹತ್ರ ಹೋಯಿ, ಸುಕ್ರಾ…ಸುಕ್ರಾ… ಒಂದ್ ಸುಳ್ಳ್ ಹೇಳ್ ಮರಯಾ ಅಂದ್ರ್ ಕೂಡ್ಲೇ ಅಂವ ಬಿಡು ರೈಲ್ ಇದ್. ‘ವಾಟಿ ಅಂಡಿ ಒಳ್ಗೆ ಒಂಬತ್ ಆನಿ ಹೋಯ್ತಂಬ್ರ್; ಒಂಬತ್ತ್ ಆನಿ ದಾಟಿ ಹೋರ್ ಮೇಲ್ ಒಂದ್ ಮರಿ ಆನಿ ವಾಟಿಯಂಡಿಯೊಳ್ಗೆ ಹೋಪತಿಗೆ, ಅದ್ರ್ ಬಾಲ ಸಿಕ್ಕಂಡ್ ಬಿತ್ತಂಬ್ರ್’. ಇಲ್ಲ್ ಸುಕ್ರನ ಸುಳ್ಳಿನ್ ಘಾಟ್ ಎಷ್ಟಿತ್ತ್ ಕಾಣಿ… ವಾಟಿ ಅಂಡಿಯೊಳ್ಗೆ ಆನಿ ಹೋಪುದಂಬುದೇ ಹಶೀ ಸುಳ್ಳ್. ಅಂತಾದ್ರಗೆ ಒಂಬತ್ತ್ ಆನಿ ಸೀದಾ ನುಗ್ಗಿ ಹೆರ್ಗ್ ಬಂದಾರ್ ಮೇಲೆ, ಒಂದ್ ಶೆಣ್ಣ್ ಮರಿ ಆನಿದ್ ಬಾಲ ಸಿಕ್ಕಂಡ್ ಬಿತ್ತ್ ಅಂದ್ರೆ ನೀವೇ ಲೆಕ್ಕ ಹಾಕಿ ಸುಕ್ರನ್ ಬಾಯ್ ಪಟಾಕಿ. ಅಲ್ಲ… ಮರಿ ಆನಿ ಸಿಕ್ಕಂಡ್ ಬಿದ್ದಿತ್ ಅಂದಿರಾರು ಒಂದ್ ಲೆಕ್ಕ ಮರ್ರೆ… ಅದ್ ಬಿಟ್ಟ್ ಅದ್ರ್ ಬಾಲ ಸಿಕ್ಕಂಡ್ ಬೀಳುದಂದ್ರೆ… 🙂

ನಮ್ ಸುಕ್ರನ್ ಕಂಡೇ ಗುರು ಕಿರಣ್ “ಬಂಡಲ್ ಬಡಾಯಿ ಮಾದೇವ…” ಪದ್ಯ ಬರದ್ ಅಂದೇಳಿ ಕುಟ್ಟಿ ಯಾರತ್ರೋ ಹೇಳ್ತಿದ್ದ ಅಂಬ್ದ್ ಹಶೀ ಶುಂಠಿ 🙂
ಹೀಂಗಿಂದೇ ಹಳಿಕಾಲದ್ ಕತಿ ನಿಮ್ಗ್ ಗೊತ್ತಿಪ್ದ್ ಇದ್ರೆ ಹೇಳಿ. ಕೇಂಡ್, ಓದಿ… ನೆಗಾಡುವ

( ವಾಟಿ ಅಂಡಿ ಅಂದ್ರೂ ಗೊತ್ತಿಲ್ದೆ ಇಪ್ಪರಿಗೆ – ವಾಟಿ ಅಂಡಿ==> ಒಲಿಯಗೆ ಬೆಂಕಿ ಉರ್ಸುಕೆ ಉಪ್ಯೋಗ ಮಾಡು ಬೆದ್ರಿನ್ ಅಂಡಿ… ಕಬ್ಣದ್ ಅಂಡಿ ಅಂತ್ ಬೇಕಾರೂ ಅನ್ಕಣ್ಲಕ್ )

ಕಿಚ್ಚ್ ಹಿಡದ್ ಮಳಿ ಬಿಡುದೂ ಇಲ್ಲಪ್ಪ… :-)

ನೂರನೇ ಪೋಸ್ಟ್ ಹಾಕಿ ಈ ಬದಿಗ್ ಮಂಡಿ ಹಾಕಿ ಮಲ್ಕಣಲ್ಲ ಈ ಜನ ಅಂದ್ಕಂಡ್ರ್ಯಾ ಹ್ಯಾಂಗೆ? ನೂರನೇ ಪೋಸ್ಟ್ ಹಾಕಿದ್ ವಿಜಯ ಕರ್ನಾಟಕದ ಬ್ಲಾಗ್ ಪರಿಚಯದಗೆ ಬಂದಿತ್ತ್ ಮರ್ರೆ ಗೊತ್ತಾ. ಕಂಡ್ ಮಸ್ತ್ ಖುಷಿ ಆಯ್ತ್. ಹಾಂಗಾಯ್ ನೂರ ಒಂದ್ನೇದ್ ಬರ್ದೆ ಇದ್ರ್ ಆತ್ತಾ. ಒಟ್ಟ್ ಕೌರವರ ಸಂಖ್ಯೆ ಮುಟ್ಟತ್ ಅಲ್ಲಿಗೆ 🙂

ಚಿತ್ರ ಕೃಪೆ: udayavani ಮತ್ತು wavesofudupi

ಈ ವರ್ಷ ಯುಗಾದಿ ಸುರಿಗೆ ಪಂಚಾಂಗ ಓದುವತಿಗೆ ಬೌಷ ಮಳಿ ಬಪ್ಪ ಕೊಳಗದ ಅಳತೆ ತಪ್ಪಿ ಹೋಯಿತಾ ಕಾಂತ್. ಅಲ್ಲ ಈ ನಮನಿ ಮಳಿ ಬಪ್ಪುದಾ ಹಂಗಾರೆ? ಯಾರ್ ಬಾಯಗ್ ಕೇಂಡ್ರೂ ಈ ನಮನಿ ಮಳಿ ಕಾಣಲ್ಲಪ್ಪ. ಕಡ್ಲ್ ಬದಿಯಗ್ ಇದ್ದರಂತೂ ಯಾವ ರಿಜಿಸ್ತ್ರೀ ಸತೇ ಇಲ್ದೆ ಸಮುದ್ರಕ್ಕೆ ಅವ್ರ್ ಜಾಗ ಬರ್ಕೊಡ್ಕ್ ಆಯ್ತ್. ಒಂದ್ ವರ್ಷಕ್ ಆಪ ಮಳಿ ಕಳ್ದ್ ಒಂದ್ ತಿಂಗ್ಳಗೇ ಸೊರ್ದ್ ಬಿಟ್ಟಿತ್. ಅಲ್ಲಾ ಮಾರ್ರೆ ಹಂಗಾರೆ ಆಕಾಶ ಎಂತ ಒಟ್ಟಿ ಆಯಿತಾ… ಈ ನಮನಿ ಸೊರಿತ್ತಲೆ ಪುರ್ಸೊತ್ ಇಲ್ದೆ. ಇದೆಲ್ಲಾ ತಕಂಡ್ ಹೋಪ ಕಾಲ ಅಲ್ದೇ. ಪ್ರಳಯ ಅಪ್ದ್ ಅಂದ್ರೆ ಮತ್ತೆಂತ? ಈ ಮಳಿ ಸಾಲ ಅಂದೇಳಿ ಅದ್ರೊಟ್ಟಿಗೆ ಈ ಸರ್ತಿ ಜೋರ್ ಗಾಳಿ ಬೇರೆ ಶುರುವಾಯಿತ್. ಇಷ್ಟ್ ಸಮ್ಯ ಇರ್ತಿಲ್ಲ ಅಂದಲ್ಲ… ಆದ್ರೂ ಈ ಸರ್ತಿ ಸ್ವಲ್ಪ ಗಾಳಿ ಹೊಡ್ತ ಬಿಗುವೇ ಇದ್ದಿತ್. ಟೀವಿಯಗೆ ಬ್ರೇಕಿಂಗ್ ನ್ಯೂಸ್ ಅಂದ್ರೆ ರೈನಿಂಗ್ ನ್ಯೂಸ್ ಅಂಬಲ್ಲಿವರಿಗೆ ಮಳಿ-ಗಾಳಿ ಉಪದ್ರ. ಕರಾವಳಿ-ಮಲ್ನಾಡ್ ಬದಿಯರಿಗೆ ಜೋರ್ ಮಳಿ, ನೆರಿ ಇದೆಲ್ಲ ಹೊಸ್ತೇನಲ್ಲ. ಕಳ್ದ್ ವರ್ಷ ಚೂರ್ ಕಮ್ಮಿ ಬಿಟ್ರೆ ಪ್ರತೀ ವರ್ಷವೂ ಮಳ್ಗಾಲದ ನಾಕ್ ತಿಂಗ್ಳ್ ಮಳೆಯಂದ್ರೆ ಮಳೆ. ನೀರ್ ಆಂದ್ರೆ ನೀರ್… ಆರೂ ಈ ವರ್ಷ ಸ್ವಲ್ಪ ಅತಿರೇಕ ಅಂಬಷ್ಟ್ ಸೊರಿತ್ತಪ್ಪ. ಹೀಂಗಿನ ಮಳ್ಗಾಲ ಕಂಡ್ ಭಾರೀ ವರ್ಷ ಆಯಿತ್ತ್… ಪ್ರಾಯ ಆದರೆಲ್ಲ ಹೇಳುದ್ ಕೇಣ್ಕ್… ನಾ ಸಣ್ಣಕಿಪ್ಪತಿಗೆ ನಮ್ಮನಿ ಮೆಟ್ಲ್ ಕಲ್ಲ್ ಬುಡಕ್ ನೀರ್ ಬಂದಿತ್ ಅಂದೇಳಿ, ಅದ್ ಬಿಟ್ರೆ ಈ ಸರ್ತಿಯೇ ಸೈಯಪ್ಪ ಮಳಿರಾಯನ ಹೊಡ್ತ ಅಂದೇಳಿ. ಮಳಿ ಎಷ್ಟೇ ಬರ್ಲಿ ಮಳ್ಗಾಲದಗೆ ರಸ್ತಿ ಅಂದ್ರೆ ಅವಸ್ಥಿ ಅಂದೇಳಿಯೇ ಅಭ್ಯಾಸ ಆಯಿ ಹೋಯಿತ್ತಲ್ಲ ನಂಬದಿಯರಿಗೆ. ಅದ್ರಗೂ ಈ ಸರ್ತಿ ಹೆದ್ದಾರಿ ಅಗ್ಲ ಮಾಡು ಹೆಳಿಯೊಳಗೆ ಕೆಲವ್ ಬದಿ ಕಂಬ್ಳ ಗೆದ್ದಿ ಆರೂ ಬೇಕ್, ರಸ್ತಿ ಬ್ಯಾಡ.

ಅಂತೂ ಮಳಿ ಕತಿ ಹೀಂಗಾಯ್ತಾ… ನಾ ಶುರು ಮಾಡದ್ ಮಳಿ ಸುದ್ದಿಯೇ ಆದ್ರೂ… ಹೇಳುಕ್ ಹೊರ್ಟದ್ ಭಾಷಿಯೊಳಗಿಪ್ಪ ಗಮ್ಮತ್ತಿನ ವಿಷ್ಯ. ಜೋರ್ ಮಳಿ ಬಂದ್ರೆ ಎಂತ ಹೇಳುದ್ ನಾವೆಲ್ಲಾ? ಈ ಕಿಚ್ಚ್ ಹಿಡದ್ ಮಳಿಯೊಂದ್ ನಿಲ್ಲುದೇ ಇಲ್ಲಪ್ಪ ಅಂದೇಳಿ ಅಲ್ದಾ? ಇಲ್ಲೇ ಇಪ್ಪದ್ ಕಾಣಿ ಗಮ್ಮತ್. ಮಳಿ ಅಂದ್ರೆ ನೀರ್… ಅದಕ್ಕ್ ಕಿಚ್ಚ್ ಹಿಡುದ್ ಹ್ಯಾಂಗೇ 🙂 ಅದೇ ಭಾಷಿಯ ಗಮ್ಮತ್. ಅಂದ್ರೆ ಭಾಷಿದ್ ವಾಚ್ಯ ಅರ್ಥ ತಕಂಡ್ರೆ ಅರ್ಥ ಅನರ್ಥ ಆತ್ತ್. ಆದ್ರೆ ಅದ್ರ ಸೂಚ್ಯ ಅರ್ಥ ‘ಕೆಟ್ಟ’ ಮಳೆ ಅಂತ ಇಟ್ಕಣ್ಲಕ್. ನೀವ್ ಕೇಂಬುಕೂ ಸಾಕ್. ಮಳಿಯಗೆ ಕೆಟ್ಟ ಮಳಿ ಒಳ್ಳೇ ಮಳಿ ಅಂದೇಳಿ ಇತ್ತಾ? ಕಾಲ ಕಾಲಕ್ಕ್ ಎಷ್ಟ ಬೇಕೋ ಅಷ್ಟ್ ಬಂದ್ರೆ ಅದ್ ಒಳ್ಳೇ ಮಳಿ. ನಾವ್ ಹೀಂಗೆ ಇದ್ದ್ ಬದ್ದ್ ಗೆದ್ದಿನೆಲ್ಲಾ ಮಣ್ಣ್ ತುಂಬ್ಸಿ ತುಂಡ್ ತುಂಡ್ ಮಾಡಿ ಸೈಟ್ ಅಂದೇಳಿ ಮಾರುಕ್ ಹೊರ್ಟ್ ಮೇಲೆ, ರಸ್ತಿ ಅಗ್ಲ…ಮಣ್ಣ್ ಮಶಿ ಅಂದೇಳಿ ನೂರಾರ್ ವರ್ಷ ಬಾಳಿ ಬದ್ಕಿದ್ ಮರದ್ ಬುಡಕ್ ಕೊಡ್ರಿ ಹಾಕ್ರೆ ಹೀಂಗೆ ಆಪ್ದ್ ಅಲ್ದಾ?ಹಳ್ಳಾಡಿ ಜಯ್ರಾಮ್ ಶೆಟ್ರ್ “ಹುಲಿಯಾದ ಕಾಳ”ದಗೆ ಹೇಳು ಹಾಂಗೆ ಕೆಲವ್ ವರ್ಷ ಹನ್ನೊಂದ್ ತಿಂಗ್ಳೂ ಮಳಿ, ಕೆಲವ್ ವರ್ಷ ಒಂದ್ ತಿಂಗ್ಳೂ ಮಳಿ ಇಲ್ದೆ ಹೋದಾಂಗ್ ಆಪ ಕಾಲ ಬತ್ತ್. ಹೆಚ್ಚ್ ದೂರ ಏನಿಲ್ಲ. ಹೇಳುವರ್ ಹೇಳುದ್…ಮಾತಿಗೆ… ಕಾಲ ಕೆಟ್ಟ್ ಹೋಯ್ತ್… ಕೆಟ್ಟ್ ಹೋದ್ದ್ ಕಾಲ ಅಲ್ಲ. ಅದ್ ಓಡುವಾಂಗೇ ಓಡ್ತಾ ಇತ್ತ್. ಕೆಟ್ಟ್ ಹೋದ್ದ್ ನಾವ್… ಹೌದಾ ಸುಳ್ಳಾ?

ಹೀಂಗೆ ಮಾತಾಡ್ತಾ ಮಾತಾಡ್ತಾ ನೆನ್ಪಾಯ್ತ್. ಮೊನ್ನೆ ಇತ್ಲಾಯಿ ದೂರದರ್ಶನ ಚಂದನದಗೆ ನಮ್ಮ ಕುಂದಾಪ್ರದಗೆ ನೆಡದ್ ಮಧುರ ಮಧುರವೀ ಮಂಜುಳಗಾನ ಬಂದಿತ್. ಅದ್ರಗೆ ಏಎಸ್ಸೆನ್ ಹೆಬ್ಬಾರ್ರ್ ಮತ್ತ್ ವೈದೇಹಿ ಮಾತಾಡಿದ ಕುಂದಾಪ್ರ ಕನ್ನಡ ಕೇಂಡ್ ಮಸ್ತ್ ಖುಷಿ ಆಯ್ತ್. ನೀವೂ ಕಂಡ್ ಖುಷಿಪಟ್ಟಿರಿ ಅಲ್ದಾ?

ಮತ್ತೆ ನಿಮ್ಗೆ ಈ “ಕಿಚ್ಚ್ ಹಿಡಿದ್ ಮಳಿ” ನಮೂನಿದೆ ಬೇರೆ ಶಬ್ದ ಸಿಕ್ರ್ ಹೇಳಿ, ಭಾಷಿ ಚಂದ ಎಲ್ಲರೂ ಒಟ್ಟಾಯಿ ಕಾಂಬ-ಕೇಂಬ

ತಳಿಕಂಡಿಯಗೆ ನೀಕಿ ಕಂಡ್ರೆ… ನೂರನೇ ಪೋಸ್ಟ್ ಬಂದಿತ್ತ್… !!!

ಅಂತೂ ಇಂತೂ ಕುಂದಾಪ್ರ ಕನ್ನಡದ ತಳಿಕಂಡಿಯಗೆ ನೀಕಿ ಕಂಡ್ರೆ 100ನೇ ಪೋಸ್ಟ್ ಮಂಡಿ ಹಾಕದ್ದ್ ತೋರ್ತಾ ಇತ್ತ್ 🙂

“ಕುಂದಗನ್ನಡದ ಅಂದಕ್ಕೊಂದು ಪುಟ್ಟ ತಳಿಕಂಡಿ” ಅಂದೇಳಿ ಟ್ಯಾಗ್ ಲೈನ್ ಇಟ್ಟ ಈ ಬ್ಲಾಗ್ ಶುರು ಮಾಡಿ ಮೊನ್ನೆ ಮೇ 11ಕ್ಕ್ ಭರ್ತಿ ಐದ್ ವರ್ಷ ತುಂಬ್ತ್ ಕಾಣಿ…

ಬ್ಲಾಗಿನ ಬಾಗ್ಲಿಗ್ ಬಂದ್ ನೀಕಿ ಕಂಡರ್, ಹೊಸ್ಲ್ ಮೇಲೆ ನಿಂತ್ಕಂಡ್… ಹ್ವಾಯ್ ಈ ಭಾಷಿ ನಮ್ಗ್ ಬತ್ತಿಲ್ಲ ಮರ್ರೆ ಅಂದೇಳಿ ಹೊಸ್ಲ್ ದಾಟುದಾ ಬ್ಯಾಡದಾ ಅಂದ್ ಅನ್ಮಾನದಗೆ ಈ ಬದಿಗ್ ಬಂದರ್… ಎಂತಾ ಬರ್ದರೂ ಲಾಯ್ಕಿತ್ತ್ ಅಂದ್ ಬೆನ್ನ್ ತಟ್ಟಿದರ್, ಬರುಕ್ ಎಂತದೂ ಸಿಕ್ದೇ… ಯಾವ್ದಾರೂ ಪಿಚ್ಚರಿನ್ ಪದ್ಯ ಹಿಡ್ಕಂಡ್…ಅದಕ್ ಒಂಚೂರ್ ಕುಂದಾಪ್ರ ಕನ್ನಡ ಒಗ್ಗರ್ಣಿ ಹಾಕ್ರೂ, ಬೇಜಾರ್ ಮಾಡ್ಕಣದೇ ಬರೀ ಒಗ್ಗರ್ಣಿ ಪರಿಮಳಕ್ಕೆ ಬಂದ್ ಓದಿ ಹೊದರ್, ಕುಂದಾಪ್ರ ಕನ್ನಡ ಬ್ಲಾಗಿಗೆ ಖಾಯಂ ಆಯಿ ಬಂದ್… ಕಂಡ್ ಖುಷಿಯಾದ್ದ್ ಹೇಳಿ, ಬರುಕ್ ಉಮೇದ್ ಬರ್ಸಿದರ್… ನಾ ಬರ್ದ್ ಬರಹ, ಅಣಕ, ಜೋಕ್ ಇದಕ್ಕೆಲ್ಲಾ ಎಷ್ಟೋ ಸರ್ತಿ ಬರುಕ್ ಉಮೇದ್ ಬಪ್ಪಂಗ್ ಅವ್ರೂ ಬರ್ದ್ ಓದಿ ಮೆಚ್ಚಿ ಜೈ ಅಂದರ್…. ನೆನ್ಪ್ ಮಾಡ್ಕಂಬ್ಕ್ ಹೋರೆ… ಸುಮಾರ್ ಜನ ಇದ್ರ್… ಅವರಿಗೆಲ್ಲಾ ಬರ್ದೇ ಒಂದ್ ಥ್ಯಾಂಕ್ಸ್ ಹೇಳಿ ಬಿಟ್ರ್ ಸಾಕಾ?
ಹಂಗಾರ್ ಅವರ ಪ್ರೋತ್ಸಾಹಕ್ ನಾ ಕೊಡು ಮರ್ಯಾದಿ ಅಂದ್ರೆ… ಹೀಂಗೇ ಎಂತಾರೂ ಮಂಡಿಗ್ ಬಂದದ್ದ್ ನಾಕ್ ಅಕ್ಷರ ಬರ್ದ್ ಅಷ್ಟೇ. ಅದ್ ಬಿಟ್ರೆ ನಂಗ್ ಬೇರೆ ಎಂತದೂ ಬತ್ತಿಲ್ಲ, ಅದ್ ಬಿಟ್ರ್ ನನ್ನತ್ರ ಬೇರೆ ಎಂತದೂ ಇಲ್ಲ ಅಂದೇಳಿ ಗಟ್ಟಿ ಗೊತ್ತಾಯಿತ್.

ಈ ಐದ್ ವರ್ಷದಗ್ ಹಾಂಟ್ ಹಾಕದ್ದ್ ಎಷ್ಟ್? ನನ್ ಇನ್ನೊಂದ್ ಬ್ಲಾಗ್ ಮನಸಿನ ಮರ್ಮರಕ್ಕ್, ಅಲ್ ಬರು ಅಣಕಕ್ಕ್ ಕೊಟ್ಟ್ ಸಮ್ಯದಗೆ ಒಂದ್ ಚೂರೂ ಪಾಲ್ ನಂಗ್ ಕೊಡುದಿಲ್ಯಾ ಅಂದೇಳಿ ಈ ಬಡಬ್ಬಿ ಮಗು ಮರ್ಕತ್ತಲೇ ಮರ್ರೆ… 🙂 ಆ ಕಿಚ್ಚ್ ಹಿಡದ್ದ್ ನೆನಪಿನ ಕವನ ಅಂದೇಳಿ ನಯಾ ಪೈಸೆ ಉಪ್ಯೋಗ್ ಇಲ್ದಿದ್ದ್ ಕುಟ್ಟಿ ಬೆನ್ನ್ ತಟ್ಕಂಬ್ದ್ ಎಂತಕೆ, ಈ ಬದಿಗೂ ಚೂರ್ ನೀಕಿ ಕಾಣ ಮಾರಾಯಾ ಅಂತ್ ಹೇಳ್ದೆ ಇದ್ರೂ ನಂಗ್ ಅರ್ಥ ಆತ್ತ್. ಆ ಬ್ಲಾಗ್ ಈ ಬ್ಲಾಗ್ ಶುರು ಆದ್ದ್ ಹೆಚ್ಚು ಕಡ್ಮಿ ಒಂದೇ ಸುರಿಗೆ. ಇದ್ ಒಂದ್ 35-40 ದಿನ ತಡ್ದ್ ಹುಟ್ಟಿತ್ ಅಂಬ್ದ್ ಬಿಟ್ರೆ… ಹೆಚ್ಚು ಕಡ್ಮಿ ಒಟ್ಟೊಟ್ಟಿಗೆ ಶುರುವಾದ್ದ್ ಈ ಎರ್ಡ್ ದೋಣಿ ಯಾಪಾರ 🙂 ಅಲ್ 228 ಪೋಸ್ಟ್ ಹಾಕಿದೆ… ಇಲ್ಲ್ ಮಾತ್ರ ಇನ್ನೂ ಗುರ್ಟತಾ ಇತ್ತಲೇ ಕಾಣ ಅಂದೇಳಿ ನನ್ನ್ ಹಂಗ್ಸುಕ್ ಸುರು ಮಾಡ್ತ್. ಅದ್ರ್ ದೆಸಿಯಿಂದ್ಲೆ ಇವತ್ತ್ ನೂರನೇ ಮೆಟ್ಲ್ ಕಲ್ ಬುಡಕ್ಕ್ ಬಂದ್ ನಿಂತಿತ್…

ಇದೆಲ್ಲದ್ರ್ ಮಧ್ಯ ನಂಗ್ ಸಮ್ಧಾನ ಮತ್ ಖುಷಿ ಕೊಟ್ಟದ್ದ್ ಅಂದ್ರೆ ಈ ಬ್ಲಾಗಿನ ಪೋಸ್ಟಿನ್ ಹೆಳಿಯಗೆ ನಂಗ್ ಒಟ್ ಮಾಡುಕ್ ಸಿಕ್ಕಿದ್ ಕುಂದಾಪ್ರ ಕನ್ನಡ ಶಬ್ದ… ಕುಂದಾಪ್ರ ಪದಾರ್ಥ ಅಂತ್ ಒಂದ್ ಪೋಸ್ಟ್ ಹಾಕಿ ಸುಮಾರ್ ಶಬ್ದ ಸಿಕ್ಕಿತ್… ಅದನ್ನ ಹುಡ್ಕುಕೆ ಎಷ್ಟೋ ಜನ ಉಪ್ಕಾರ ಮಾಡಿರ್. ಅವ್ರನ್ನ್ ನೆನ್ಪ್ ಬಿಟ್ರ್ ಹ್ಯಾಂಗ್ ಹೇಳಿ. ಅಣಕ್-ಪಣಕ್ ಜೋಕ್-ಗೀಕ್ ಅಂದೇಳಿ ಸುಮಾರ್ ಇತ್ಲಿತ್ಲಾಯ್ ಹೆಚ್ಚ್ ಬರದ್ದ್ ಒಂದ್ ನಮನಿ ಗಮ್ಮತ್ತಿನ ಬರಹ. ಆದ್ರೂ ಸೈತ ಬ್ಲಾಗ್ ಶುರು ಮಾಡು ಸುರಿಗ್ ನಾ ಇಟ್ಟ “ಕುಂದಾಪ್ರ ಕನ್ನಡದ ಅಂದಕ್ಕೊಂದು ಪುಟ್ಟ ತಳಿಕಂಡಿ”ಅಂಬುದ್ ನೆನ್ಪ್ ಹೊಯ್ದೆ ಇರ್ಲಿ ಅಂಬ ಆಸಿ ಸತೇ ಇತ್ತ್… ಇದನ್ನ್ ಹೇಳುವಷ್ಟತಿಗೆ ಅರ್ಧ ಬರ್ದದ್ ಕತಿ ಕುಶಾಲ್ ಮಾಡತ್ತ್… ಕಂಡ ಯಕ್ಷಗಾನ ಪ್ರಸಂಗ ನನ್ ಬಗ್ಗೆ ಬರುಕ್ ಏನ್ ಧಾಡಿ ನಿಂಗ್ ಅನ್ನತ್. ವೈದೇಹಿ ಕತಿ ಪುಸ್ತಕ ಹೇಳತ್ತ್… ಒಂದೊಂದ್ ಕತಿ ಬಗ್ಗೂ ಬರ್ದಿರೆ ಅದೇ ನೂರ್ ಪೋಸ್ಟ್ ಆತಿತ್ತಲೇ ಮಾರಾಯ ಅಂತ್ ಕಣ್ಣಿಗ್ ಕೈ ಹಾಕಿ ಕಾಂಬು ಹಂಗ ಮಾಡತ್ತ್. ಕಾಂಬ ಎಲ್ಲದನ್ನೂ ನೆನ್ಪ್ ಇಟ್ಕಂತೆ. ಹೀಂಗೇ ನಿಮ್ಮಂತರ್ ಪ್ರೋತ್ಸಾಹ ಕೊಟ್ರೆ… ಯಾಕಾತಿಲ್ಲ ಒಂದ್ ಕೈ ಕಂಡೇ ಬಿಡ್ಕ್ ಅಂಬ್ ಉಮೇದ್ ಇತ್ತ್… 🙂

ಇನ್ನೊಂದ್ ವರ್ಷ ಆಪಲ್ಲಿವರಿಗ್ ಅದ್ರಗ್ ಎಷ್ಟ್ ಕೈ ಹಿಡ್ದ್ ಬರ್ಸತ್ತ್ ಕಾಂಬ… ಆಶಿ ಅಂತೂ ಇತ್ತ್… ಆತ್ತಾ… ಕಾಂಬ 🙂

ಇಷ್ಟ್ ಬರುಕ್ ಕಲ್ಸಿ ಕೊಟ್ಟ ಕುಂದಾಪ್ರ ಕನ್ನಡ ಭಾಷಿಗೊಂದ್ ಪ್ರೀತಿಯ ನಮಸ್ಕಾರ ಹ್ವಾಯ್…

ನೀಲಿ ಮತ್ ಜೂಲಿ ಕತಿ ಗೊತ್ತಿತಾ? ಕುಂದಾಪ್ರ ಪಿ.ಜೆ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 18

ನಿಮ್ಗೆ ನೀಲಿ ಮತ್ ಜೂಲಿ ಕತಿ ಗೊತ್ತಿತಾ?

ಗೊತ್ತಿಲ್ದೀರ್ ಈ ಪೀಜೆ ಓದಿ ಕಾಣಿ… ಓದಿ ಆರ್ ಮೇಲ್ ಗೊತ್ತಾತ್ತ್ 🙂

ಕುಂದಾಪ್ರದಗೆ ಜೂಲಿ ಮತ್ತೆ ನೀಲಿ ಅಂದೇಳಿ ಇಬ್ರ್ ಅವ್ಳಿ-ಜವ್ಳಿ ಅಕ್ಕ ತಂಗಿ ಇದ್ದಿರಂಬ್ರ್

ಅದ್ರಗೆ ನೀಲಿ ಅಂಬಳಿಗೆ ಬಾರಿ ಹಟ. ತಾನ್ ಹೇಳದ್ದೇ ಆಯ್ಕ್

ಅವ್ಳ್ ಹೇಳದ್ದ್ ಆಪಲ್ಲಿವರಿಗ್… ಬಿಡುದೇ ಇಲ್ಲ… ಹಸಿಗ್ ಹಿಡದ್ ಹೇಲ್ ಕಣಗೆ… ಒಂದೇ ಹಟ

ಜೂಲಿಗ್ ಎಂತ ತಂದ್ರೂ… ನೀಲಿಗೂ ತರ್ಕೇ… ಇಲ್ದಿರ್ ಗಲಾಟಿ ಬಿದ್ದ್ ಹೊತ್ತ್

ಅವ್ಳಿಗೆ ಗೊಂಬಿ ತಂದ್ರೆ ಇವ್ಳಿಗೂ ಬೇಕ್… ಅವ್ಳಿಗೆ ಹೊಸ ಅಂಗಿ ತಂದ್ರೆ ಇವ್ಳಿಗೂ ಹಾಂಗಿದ್ದೇ ಅಂಗಿ ಬೇಕ್

ಒಟ್ರಾಶಿ ಅಪ್ಪ ಅಮ್ಮನ ಕತಿ ಹೈಲ್ 🙂

ಹೀಂಗೆ ಸುಮಾರ್ ಮಳ್ಗಾಲ ಕಳಿತ್… ಇಬ್ರಿಗೂ ಮದಿ ಆಯ್ತ್.

ನೀಲಿದ್ ಹಟ ಮದಿ ಆರೂ ಕೈದ್ ಆಯಲ್ಲ. ಜೂಲಿ ಮನಿಗೆ ಫ್ರಿಜ್ ಬಂದ್ರೆ ಇವ್ಳ ಮನಿಗೂ ಬಂತ್. ಜೂಲಿ ಮನಿಗೆ ಎ.ಸಿ. ಬಂದ್ರೆ ನೀಲಿ ಮನಿಗೂ ಬಂತ್

ಒಟ್ಟ್ ಕಟ್ಕಂಡ್ ಗಂಡ ಹೈಲಾದ 🙂

ಆರೂ ಅಕ್ಕ-ತಂಗಿ ಮಾತ್ರ ಭಾರೀ ಒಗ್ಗಟ್ಟಗ್ ಇದ್ದಿರ್.

ಒಂದಿನ ಜೂಲಿ ಒಂದ್ ಬಸ್ ತಕಂಡ್ಳು… ನೀಲಿಯೂ ಗಂಡನ ಹತ್ರ ದಮ್ಮಯ್ಯ ಹಾಕಿ ಒಂದ್ ಬಸ್ ತಕಂಡೇ ಬಿಟ್ಳು

ಒಂದ್ ಆದಿತ್ಯವಾರ ಇಬ್ರೂ… ಅವ್ರ ದೊಸ್ತಿಗಳೆಲ್ಲಾ ಒಟ್ಟಾಯಿ, ಮರವಂತೆ ಬೀಚಿಗೆ ಪಿಕ್‌ನಿಕ್ಕಿಗೆ ಬಸ್ಸಗ್ ಹೋರ್

ಎರ್ಡೂ ಬಸ್ ನಿಲ್ಸಿ, ಎಲ್ಲರೂ ಬೀಚ್ ಬದಿಗ್ ಹೋಯಿ ತಿರ್ಗಾಡಿ ಬಂದ್ರ್

ನೀಲಿ ಎಲ್ಲರ್ಕಿಂತ ಮೊದ್ಲ್ ಬಂದ್, ಎರ್ಡೂ ಬಸ್ ಹೊಗ್ಗಿ ಕಂಡ್ರೆ… ಎಂಥ ಇತ್ತ್… ಬಸ್ಸಿನ ಸ್ಟೇರಿಂಗ್, ಸೀಟ್, ಗೇರ್, ಹಾರ್ನ್ ಎಲ್ಲಾ ಯಾರೋ ಕದ್ಕ ಹೋಯಿರ್… ಎರ್ಡೂ ಬಸ್ಸಿಂದ್ !!

ಇದನ್ನ್ ಕಂಡ್ಕಂಡ್… ಜೂಲಿಯತ್ರ ಮರ್ಕತಾ ಮರ್ಕತಾ… ನೀಲಿ ಎಂತ ಹೇಳಿದ್ಲ್ ಗೊತ್ತಾ?
.
.
.
.
.
.
.
.
.
.
.
.
.
.
.
.
.
.
ನಾ ಕುಚ್ ‘ತೇರೇ ಬಸ್’ ಮೇ ಜೂಲಿ…… ನಾ ಕುಚ್ ‘ಮೇರೆ ಬಸ್’ ಮೇ…… 🙂 🙂 🙂

ಕುಂದಾಪ್ರ ಪಿ.ಜೆ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 17

ಕುಂದಾಪ್ರ ಕನ್ನಡ ಪಿ.ಜೆಗಳು (Kundapura kannada PJs)…

ಇಲ್ಲ್ ಒಟ್ಟ್ ಮೂರ್ ಕುಂದಾಪ್ರ ಕನ್ನಡ ಪೀಜೆ ಇತ್ತ್ … ಎಲ್ಲಾ ಗಮ್ಮತ್ ಇತ್ತ್ ಕಾಣಿ 🙂

PJ 1
ಒಂದ್ ಕೆರಿಯಗೆ ಹತ್ತ್ ಮೀನ್ ಇದ್ದಿದೋ. ಅದ್ರಗೆ ಒಂದ್ ಮೀನ್ ಸತ್ತೋಯ್ತ್.

ಅದ್ ಸತ್ ಹೋರ್ ಮೇಲೆ, ಕೆರಿ ನೀರ್ ಒಂದ್ ಇಂಚ್ ಜಾಸ್ತಿ ಆಯ್ತಂಬ್ರ್ ಎಂತಕೆ?

.

.

.

.

.

.

.

.

.

.

.

.

.

.

.

ಎಂತಕಂದ್ರೆ, ಉಳದ್ದ್ ಒಂಬತ್ ಮೀನ್ ಮರ್ಕತ್ವಲಾ ಅದಕ್ಕೆ 🙂 🙂 🙂

__________________________________________________________________________
PJ 2
ಒಂದ್ ಮನಿ ಗ್ವಾಡಿ ಮೇಲ್ ಸುಮಾರ್ ಹಲ್ಲಿ ಇದ್ದಿದೋ. ಅದ್ರಗೆ ಒಂದ್ ಹಲ್ಲಿ ಪದ್ಯ ಹೇಳ್ತ್ ಅಂಬ್ರ್

ಪದ್ಯ ಮುಗ್ದ್ರ್ ಕೂಡ್ಲೇ, ಪದ್ಯ ಹೇಳದ್ದ್ ಹಲ್ಲಿ ಒಂದ್ ಬಿಟ್ಟ್… ಉಳದವೆಲ್ಲಾ ನೆಲಕ್ಕ್ ಬಿದ್ದೋ ಅಂಬ್ರ್ ಎಂತಕೆ?

.

.

.

.

.

.

.

.

.

.

.

.

.

.

.

.

.

.

ಎಂತಕಂದ್ರೆ, ಪದ್ಯ ಲಾಯ್ಕ್ ಇದ್ದಿತ್ ಅಂದೇಳಿ ಉಳ್ದವೆಲ್ಲಾ… ಚಪ್ಪಾಳೆ ತಟ್ದೊ ಅದಕ್ಕೇ 🙂 🙂 🙂
__________________________________________________________________________
PJ 3
ಈಶ್ವರ ದೇವ್ರಿಗೆ ಬಿಲ್ಪತ್ರಿ (ಬಿಲ್ವ ಪತ್ರೆ) ಕಂಡ್ರೆ ಕುಶಿ ಅಂಬ್ರು

.

.

.

.

.

.

ಕೃಷ್ಣ ದೇವ್ರಿಗೆ ತುಳ್ಸಿಪತ್ರೆ ಕಂಡ್ರೆ ಕುಶಿ ಅಂಬ್ರು…

.

.

.

.

.

.

ಹಂಗಾರೆ ಯಮರಾಯನಿಗೆ ಎಂತ ಕಂಡ್ರೆ ಕುಶಿ ಹೇಳಿ ಕಾಂಬ…?

.

.

.

.

.

.

ಆಸ್ಪತ್ರಿ… 🙂 🙂 🙂
__________________________________________________________________________

ಆನಿ ಬಾಳಿಹಣ್ಣಿನ್ ಕತಿ ಗೊತ್ತಾ? ಕುಂದಾಪ್ರ ಪಿ.ಜೆ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 16

ನಿಮ್ಗ್ ಆನಿ ಮತ್ ಬಾಳಿ ಹಣ್ಣಿನ್ ಕತಿ ಗೊತ್ತಿತಾ ನಿಮ್ಗೆ?

ಗೊತ್ತಿಲ್ದೀರ್ ಇಲ್ಲಿತ್ತ್ ಕಾಣಿ ಆ ಕತಿ  🙂

ಕುಂದಾಪ್ರ ಕನ್ನಡ ಪಿ.ಜೆ (Kundapura kannada PJ)
_____________________________________________________________

 

 

 

 

 

 

 

 

 

ಚಿತ್ರ ಕೃಪೆ: tech-queries.blogspot.com

ಒಂದ್ ಆನಿ ಇದ್ದಿತ್… ಆ ಆನಿಗ್ ಜೋರ್ ಹಸು ಆಯಿದ್ದಿತ್ತ್… ಅದ್ರ ಎದ್ರ್ 5 ಬಾಳಿಹಣ್ಣ್ ಇದ್ದಿತ್
ಆರೂ ಆನಿ ಬಾಳಿಹಣ್ಣ್ ತಿನಲ್ಲ ಎಂತಕೆ?
.
.
.
.
.
.
ಎಂತಕಂದ್ರ್ ಆ ಬಾಳಿಹಣ್ಣ್ ಪ್ಲಾಸ್ಟಿಕ್ಕಿದ್……ಹೆ…ಹೆ…
.
.
.
.
.
.
ಈಗ ನಿಜವಾದ್ ಬಾಳಿಹಣ್ಣೇ ಇದ್ದಿತ್… ಆದ್ರೂ ಆನಿ ಬಾಳಿಹಣ್ಣ್ ತಿನ್ಲಿಲ್ಲ… ಎಂತಕೆ?
.
.
.
.
.
.
ಎಂತಕಂದ್ರ್ ಈ ಸರ್ತಿ ಆನಿ ಪ್ಲಾಸ್ಟಿಕ್ಕಿದ್……ಹೆ…ಹೆ…
.
.
.
.
.
.
ಈಗ ಆನಿ, ಬಾಳಿಹಣ್ಣ್ ಎರ್ಡೂ ನಿಜವಾದ್ದೇ… ಆದ್ರೂ ಆನಿ ಬಾಳಿಹಣ್ಣ್ ತಿನಲ್ಲ ಎಂತಕೆ?
.
.
.
.
.
.
ಎಂತಕಂದ್ರ್ ಬಾಳಿಹಣ್ಣ್ ಟಿ.ವಿ.ಯೊಳಗೆ ಇದ್ದಿತ್……ಹೆ…ಹೆ…
.
.
.
.
.
.
ಈಗ ಆನಿ ಬಾಳಿಹಣ್ಣ್ ಎರ್ಡೂ ನಿಜವಾದ್ದೇ… ಎರ್ಡೂ ಟಿ.ವಿ.ಯೊಳಗೆ ಇದ್ದಿತ್ತ್… ಆದ್ರೂ ಆನಿ ಬಾಳಿಹಣ್ಣ್ ತಿನಲ್ಲ ಎಂತಕೆ?
.
.
.
.
.
.
ಎಂತಕಂದ್ರ್ ಈ ಸರ್ತಿ… ಎರ್ಡೂ ಬೇರೆ ಬೇರೆ ಚಾನಲ್ ಒಳ್ಗ್ ಇದ್ದಿತ್……ಹೆ…ಹೆ…
.
.
.
.
.
.
ಈಗ ಆನಿ ಬಾಳಿಹಣ್ಣ್ ಎರ್ಡೂ ನಿಜವಾದ್ದೇ… ಎರ್ಡೂ ಟಿ.ವಿ.ಯೊಳಗೆ ಇದ್ದಿತ್ತ್… ಎರ್ಡೂ ಒಂದೇ ಚಾನಲ್ ಒಳ್ಗೆ ಇದ್ದಿತ್… ಆದ್ರೂ ಆನಿ ಬಾಳಿಹಣ್ಣ್ ತಿನಲ್ಲ ಎಂತಕೆ?
.
.
.
.
.
.
ಎಂತಕಂದ್ರ್ … ಟಿ.ವಿ. ಆಫ್ ಆಯಿದ್ದಿತ್……ಹೆ…ಹೆ… 🙂  🙂  🙂

ಹಚ್ ನಾಯಿ ಹುಚ್ಚ್… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 15

ಇದು ಸುಮಾರ್ ಹಿಂದಿನ ಕತಿ…(ಇದ್ ಬರ್ದೂ ಸುಮಾರ್ ಸಮಿ ಆಯ್ತ್) ಆಗ್ಳಿಕೆ ಟಿವಿಯಗೆ ಹಚ್ ಎಡುಟೈಸ್ ಬತ್ತಿತ್ತ್ ಅಲ್ದಾ? ಅದ್ರಗೆ ಒಂದ್ ನಾಯ್ ಮರಿ ಬತ್ತಿತ್ತ್ ನೆನ್ಪಿತ್ತಾ? ಅದನ್ ಒಂದಿನ ಕುಟ್ಟಿಯಣ್ಣ ಕಂಡ್ರ್ ಅಂಬ್ರ್. ಅದನ್ನ ಕಂಡರಿಗೆ ಆ ನಾಯಿ ಮರಿ ಹಾಂಗಿದ್ದೇ ಒಂದ್ ನಾಯಿ ಮರಿ ಸಾಕ್ಕ್ ಅಂದೇಳಿ ಭಾರೀ ಮನ್ಸ್ ಆಯ್ತ್. ಹುಚ್ ನಾಯಿ ಆರೂ ಅಡ್ಡಿಲ್ಲೆ ಹಚ್ ನಾಯಿ ಕಣಗಿದ್ರೆ ಸಾಕ್ ಅಂಬ್ ಹುಚ್ಚ್ ಹೆಚ್ಚಾಯಿ, ಅವ್ರ್ ಕಿಶಿಯಿಂದ ಸಾವ್ರ್ ರುಪಾಯಿ ಕರ್ಚಾಯಿ… ಕಡಿಕೂ ಒಂದ್ ಹಚ್ ನಾಯಿ ತಕಂಡೇ ಬಂದ್ರ್

ನಾಯಿ ಬಂತ್ ಹೌದ್… ಆರೇ ಅದಕ್ ಉಳ್ದ್ ಬಳ್ವಟಿ ನಾಯ್ ಕಣಗೆ ಸಿಕ್ಕದ್ ಸುಡ್ಗಾಡ್ ಎಲ್ಲಾ ಹಾಕುಕಾತ್ತಾ… ಸಾವ್ರ್ ರೂಪಾಯಿ ನಾಯಿ ಅಲ್ದಾ ಮರ್ರೆ? ಸರಿ… ಹಂಗಾರ್ ನಾಯಿಗ್ ತಿಂಬುಕೆ ಎಂತಾ ಕೊಡುದ್….? ಕುಟ್ಟಿಯಣ್ಣ ಮಂಡಿ ಬಿಸಿ ಮಾಡ್ಕಂಡ್ ಆಲೋಚ್ನಿ ಮಾಡ್ರ್. ಸುಮಾರ್ ಹೊತ್ತ್ ಪಕ ಪಕ ಅಂದ್… ಕಡಿಗೂ ಟ್ಯೂಬ್ ಲೈಟ್ ಪಳ್ಕ್ ಅಂದೇಳಿ ಬೆಳ್ಕಾಯ್ತ್… 🙂

ಕುಟ್ಟಿಯಣ್ಣನ ದೋಸ್ತಿ ಒಬ್ಬ ಜೀನ್ಸಿನ ಅಂಗಡಿ ಇಟ್ಕಂಡಿದ. ಆ ಜೀನ್ಸಿನ ಅಂಗಡಿಯನ ಹತ್ರ ನಾಯಿಗೆ ತಿಂಬುಕ್ ಹಾಕುಕೆ ಎಂತಾರು ಸಿಕ್ಕುಕೂ ಸಾಕ್. ಅವನತ್ರವೇ ಕೇಂಬ ಅಂದೇಳಿ ಕುಟ್ಟಿಯಣ್ಣ ಆಲೋಚ್ನಿ ಮಾಡಿ, ಕೊಡಿ ಜಲ್ ಹಿಡ್ಕಂಡ್ ಹಗೂರ ಅಂಗ್ಡಿ ಬದಿಗ್ ಹೊರ್ಟ್ರ್. ಆರೇ ಇಲ್ಲೊಂದ್ ಗುಟ್ಟಿನ್ ವಿಷ್ಯ ಇತ್ತ್ ಮರ್ರೆ. ಮತ್ತೆಂತ ಅಲ್ದೇ… ಜೀನ್ಸಿನ ಅಂಗ್ಡಿಯಗೆ ಇವ್ರದ್ ಒಂದ್ಸಾವ್ರ್ ರುಪಾಯ್ ಕಡ ಇದ್ದಿತ್. ಆ ಕಡ ತೀರ್ಸುದ್ ಬಿಟ್ಕಂಡ್ ಇವ್ರ್ ಹಚ್ ನಾಯ್ ಮರಿ ಯಾಪಾರ ಮಾಡದ್ದ್ ಸುದ್ದಿ ಹಗೂರ ಜೀನ್ಸಿನ ಅಂಗ್ಡಿಯನ್ ಕೆಮಿಗೂ ಯಾರೋ ಹಾಕಿ ಇಟ್ಟಿರ್. ಅಂವ ‘ಅವ್ರ್ ಈ ಬದಿಗ್ ಬರ್ಲಿ… ಅವ್ರ ಬಳಿ ಬಿಡ್ಸತೆ ಇವತ್’ ಅಂತ ಲೆಕ್ಕ ಹಾಯ್ಕಂಡ್ ಕಾಯ್ತಾ ಕೂಕಂಡಿದ್ದ.

ಕುಟ್ಟಿಯಣ್ಣ ಹಗೂರ ಕೊಡಿ ಜಲ್ ಊರ್ಕಂಡ್… ಅಂಗ್ಡಿ ಬುಡಕ್ ಬಂದ್, ಜಗಲಿ ಮೇಲ್ ಕೂಕಂಡ್ರ್. ಮಳಿ ಬತ್ತಾ ಇದ್ದಿಪ್ಪುಕೋಯಿ ಅಂಗ್ಡಿ ಬಾಗ್ಲಗ್ ಸುಮಾರ್ ಜನ ಇದ್ದಿರ್. ಕುಟ್ಟಿಯಣ್ಣನ್ ಕಂಡ್ ಅಂಗ್ಡಿಯವ ಕೇಂಡ… “ಹ್ವಾಯ್, ಏನ್ ಬಂದದ್ದ್ ಈ ಬದಿಗೆ… ಇತ್ಲಾಯಿ ಭಾಳಾ ಅಪ್ರೂಪ” ಅಂದ ಹಗೂರಕ್ಕೆ ಕೊಯ್ಸಾಣಿ ನೆಗಿ ಸ್ವರದಗೆ. ಕುಟ್ಟಿಯಣ್ಣ ಹೇಳ್ರ್… “ಮತ್ತೆಂತ ಅಲ್ದಾ… ನಿಮ್ ಅಂಗ್ಡಿಯಗೆ… ನಾಯಿ ಬಿಸ್ಕತ್ತ್ ಇತ್ತನಾ?”

ಮೊದ್ಲೇ ಸಾವ್ರ್ ರುಪಾಯ್ ಬಾಕಿ ಕೊಡು ಬದ್ಲ್ ನಾಯಿ ತಕಂಡ್ ಬಂದಿರ್ ಅಂಬ್ ಸಿಟ್ ಇದ್ದಿತಾ? ಈಗ ಉರಿತಿಪ್ಪ್ ಬೆಂಕಿಗ್ ತುಪ್ಪ ಹಾಕ್ವರ್ ಕಣಗೆ ನಾಯಿ ಬಿಸ್ಕತ್ತ್ ಕೇಂಡ್ರಾ ಇಲ್ಯಾ, ಅವ್ನಿಗ್ ಪಿತ್ತ ನೆತ್ತಿಗ್ ಏರಿ ಎಲ್ಲಿಲ್ಲದ್ ಸಿಟ್ ಬಂದ್ ಬಿಡ್ತ್. “ನಾಯಿ ಬಿಸ್ಕತ್ತಾ… ಇತ್ತ್ ಕಾಣಿ… ಎಂತಾ… ಇಲ್ಲೇ ತಿಂತ್ರಿಯಾ ಪೆಕೆಟ್ ಕಟ್ಟಿ ಕೊಡುದಾ?” ಕೇಂಡ 🙂 ಅಲ್ಲಿದ್ದ ಹೆಣ್ಗಳೆಲ್ಲಾ… ಕಿಸ-ಕಿಸ ನೆಗಾಡುಕ್ ಸುರು ಮಾಡದೋ… ಮಕ್ಳೆಲ್ಲಾ ಹಲ್ ಚಿಲ್ದೋ.., ಹಳಿಯರ್ ಬೀಡಿ ಎಳ್ದರ್ ಕೆಮ್ಸು ಕಣಗ್ ಮಾಡಿ, ಕುಸ್ಕು ಕುಸ್ಕು ನೆಗಾಡುಕ್ ಶುರು ಮಾಡ್ರ್.

ಕುಟ್ಟಿಯಣ್ಣನ್ ಕತಿ ಹೈಲಲ್ದೆ…? ಮನಿಗ್ ಬಂದರೇ… ಗೋಣಿ ಚೀಲದಗ್ ನಾಯಿ ಮರಿನ್ ಕಟ್ಟಿ, ಸಾವ್ರ್ ರೂಪಾಯ್ ಕಿಚ್ಚ್ ಹಿಡ್ದ್ ಹೋಯ್ಲಿ ಅತ್ಲಾಯ್ ಅಂದೇಳಿ ಅದನ್ ರಸ್ತಿ ಬದಿ ಬಿಟ್ ಬಂದ್ರಂಬ್ರ್. ಈಗ್ಳೂ ಯಾವ್ದಾರೂ ನಾಯ್ ಕಂಡ್ರ್ ಸಾಕ್… ಕುಟ್ಟಿಯಣ್ಣನಿಗೆ ಹಳ್ತೆಲ್ಲಾ ನೆನ್ಪಾಯ್ ಸಿಟ್ ಬಂದ್ ಕಲ್ ಹೊಡ್ದ್ ಬೇರ್ಸ್ತ್ರ ಅಂಬ್ರ್ ಮರ್ರೆ 🙂

ನೆಂಟ್ರ್ ಉಪ್ಚಾರ… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 14

ಕುಟ್ಟಿ ಮದಿ ಆಯ್ ಐದ್ ವರ್ಷ ಆಯ್ತ್…ಆ ಖುಷಿಯಗೆ ಕುಟ್ಟಿ ಹೆಂಡ್ತಿ ಹತ್ರ ಹೇಳ್ದಾ…
“ನಮ್ಮ ಮದಿ ಆಯಿ 5 ವರ್ಷ ಆಯ್ತ್ ಕಾಣ್… ನಿಂಗ್ ಎಂತಾರು ಆಸಿ ಇದ್ರ್ ಹೇಳ್”

ಹೆಂಡ್ತಿ ಸಿಕ್ಕದ್ದೇ ಚಾನ್ಸ್ ಅಂದ್ಕಂಡ್ ಹೇಳಿದ್ಲ್…
“ಹ್ವಾಯ್… ನಮ್ಮದಿ ಆಯಿ ಇಷ್ಟ್ ಸಮಿ ಆಯ್ತ್ ಹೌದ…
ನನ್ನ್ ಯಾವ್ದಾರೂ ಕ್ವಾಷ್ಟ್ಲೀ ಜಾಗಕ್ಕ್ ಒಂದ್ಸಲ ಆರೂ ಕರ್ಕಂಡ್ ಹೊಯಿರ್ಯಾ? ಇವತ್ತಾರೂ ಕರ್ಕಂಡ್ ಹೋಯ್ನಿ ಕಾಂಬ”

ಕುಟ್ಟಿ ಅಲ್ಲೇ ಇದ್ದ ಅವ್ನ್ ಅಮ್ಮನ ಕರ್ದ್ ಹೇಳ್ದ…
“ಅಮ್ಮಾ… ಬಾಗ್ಲ್ ಸಾಂಚ್ಕೋ.. ನಾವಿಬ್ರ್ ಇಲ್ಲೇ ಪೆಟ್ರೋಲ್ ಬಂಕಿಗ್ ಹೋಯ್ ಬತ್ತೋ…” 🙂 🙂 🙂

_______________________________________________________________________________________
ಮನಿಗ್ ನೆಂಟ್ರ್ ಬಂದ್ರಂಬ್ರ್

ಮನಿ ಯಜ್ಮಾನ್ರ್ ಕುಟ್ಟಿಯಣ್ಣ ಬಂದರತ್ರ ಕೇಂಡ್ರ್ …
“ಹ್ವಾಯ್ ಬನಿ ಬನಿ… ಕೂಕಣಿ… ನಿಮ್ಗೇ ಕುಡುಕ್ ಎಂತ ಬಿಸಿ ಅಡ್ಡಿಲ್ಯಾ ಎಂತಾರೂ ತಣ್ಣಗಿದ್ದ್ ಬೇಕಾ?”

ಕುಟ್ಟಿಯಣ್ಣ ಭಯಂಕರ ಕಂಜೂಸ್ ಅಂದ್ ಹೆಸ್ರವಾಸಿ ಆಯಿದ್ದರ್… ಅಂತಾ ಜನ ಹೀಂಗೆ ಕೇಂತ ಇಪ್ಪತಿಗೆ ಬಿಡುದ್ ಎಂತಕೆ ಅಂದೇಳಿ ಬಂದ್ ನೆಂಟ್ರ್ ಹೇಳ್ರಂಬ್ರ್…
“ಹ್ವಾಯ್ ನಂಗ್ ಒಂದ್ ಬಿಸಿ ಒಂದ್ ತಣ್ಣಗೆ… ಎರ್ಡೂ ಇರ್ಲಿ”

ಕುಟ್ಟಿಯಣ್ಣ ಮಗನ್ನ್ ಕರ್ದ್ ಹೇಳ್ರ್…
“ಏ ಮಾಣಿ, ಇಲ್ ಬಾ… ಇಗಾ ಇವ್ರಿಗೆ ಎರ್ಡ್ ಚೆಂಬ್ ನೀರ್ ತಕಂಡ್ ಬಾ… ಒಂದ್ ಫ್ರೀಜರಿದ್… ಒಂದ್ ಬಚ್ಲ ಮನಿ ಹರೀದ್… 🙂

ನೆಂಟ್ರ್ ಧಾತ್ ತಪ್ಪಿ ಬಿದ್ದರ್ ಇನ್ನೂ ಏಳಲ್ಲ ಅಂಬ್ರ್… 🙂 🙂 🙂

ಕುಟ್ಟಿ ಕುಂದಾಪ್ರ ಜೋಕ್ಸ್…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 13

ಮಾಷ್ಟ್ರು: ಕುಟ್ಟಿ, ಸಮುದ್ರ ಮಧ್ಯದಗ್ ಒಂದ್ ಮಾಯ್ನ್ ಮರ ಇತ್ತ್… ಅದ್ರಗೆ ಮಾಯ್ನ್ ಹಣ್ ಆರೆ ಹ್ಯಾಂಗ್ ಕೊಯ್ಕಂಡ್ ಬತ್ತೆ?

ಕುಟ್ಟಿ : ನಾ ಹಾರ್ಕಂಡ್ ಹೋಯ್ ಕೊಯ್ಕ ಬತ್ತೆ… ಸರ್

ಮಾಷ್ಟ್ರು: ಹಾರ್ಕಂಡ್ ಹೋಪ್ಕೆ ರೆಕ್ಕಿ ಯಾರ್ ನಿನ್ನ ಅಜ್ಜ ಕೊಡ್ತನಾ?

ಕುಟ್ಟಿ: ಮತ್ತೆಂತ… ಸಮುದ್ರ ಮಧ್ಯದಗ್ ಮಾಯ್ನ್ ಮರ ನಿಮ್ಮ ಅಜ್ಜಿ ನೆಟ್ ಬತ್ರಾ ? 🙂
_____________________________________________________________

ಕುಟ್ಟಿ ಬಾಲ್ವಾಡಿ ಬಿಟ್ಟ್ ಮನಿಗ್ ಬಂದ

ಕುಟ್ಟಿಯ ಅಮ್ಮ ಕುಟ್ಟಿ ಹತ್ರ ಕೇಂಡ್ಳು…
“ಮಗಾ, ಇವತ್ತ್ ಶಾಲ್ಯಗೆ ಎಂತ ಕಲ್ತೆ?”

ಕುಟ್ಟಿ ಹೇಳ್ದಾ…
“ಅಮ್ಮಾ… ಇವತ್ ನಂಗೆ ಬರುಕೆ ಹೇಳಿ ಕೊಟ್ರ್”

ಅಮ್ಮ ಹೇಳ್ರ್…
“ಹೌದಾ ಮಗಾ… ಭಾರಿ ಒಳ್ಳೇದ್.., ಎಂತೆಲ್ಲಾ ಹೇಳಿ ಕೊಟ್ಟಿರ್… ಬರದ್ದ್ ಓದಿ ಹೇಳ್ ಕಾಂಬ”

ಕುಟ್ಟಿ ಹೇಳ್ದಾ…
“ಎಂತ ಅಂದೇಳಿ ಗೊತ್ತಿಲ್ಲ ಅಮ್ಮ… ಇವತ್ತ್ ಬರುಕ್ ಮಾತ್ರ ಹೇಳಿ ಕೊಟ್ಟದ್ದ್. ಓದುಕೆ ಹೇಳಿ ಕೊಡಲ್ಲ  🙂

_____________________________________________________________

ಕುಟ್ಟಿ ಹತ್ರ ಒಬ್ರು ಬ್ಯಾಂಕಿನ ಮೆನೆಜರ್ ಹೇಳ್ರ್…..

ಹ್ವಾಯ್ ಕುಟ್ಟಿಯಣ್ಣ… ನೀವ್ ನಮ್ ಬ್ಯಾಂಕಿಗ್ ಒಂದಿನ ಪುರ್ಸೊತ್ತ್ ಮಾಡ್ಕಂಡ್ ಬನಿ… ನಾವ್ ನಿಮ್ಗ್ ಇಂಟರೆಸ್ಟ್ ಇಲ್ಲದೆ ಸಾಲ ಕೊಡತ್…

ಕುಟ್ಟಿ ಹೇಳ್ದ… “ಹೊಯ್ಲಿ ಬ್ಯಾಡ ಬಿಡಿ… ನಿಮ್ಗ್ ಕೊಡುಕೇ ಇಂಟರೆಸ್ಟ್ ಇಲ್ದೀರ್ ಮೇಲೆ ಸುಮ್ನೆ ಬಪ್ಕೆ ನಂಗ್ ಮರ್ಲಾ? ಊರಗ್ ಬೇರೆ ಬ್ಯಾಂಕಿಲ್ಯಾ” 🙂

_____________________________________________________________

BBA-MBA ಒಟ್ಟಿಗ್ ಮಾಡ್ಕಾ…ಓದಿ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 12

ಒಂದ್ ಮಾತಿತ್ತ್ ಕಾಣಿ…

ಎಂತದಂದ್ರೆ… ದೇವ್ರ್ ಹತ್ರ ಮತ್ತ್ ಡಾಕ್ಟ್ರ ಹತ್ರ ಸಿಟ್ಟ್ ಮಾಡ್ಕಂಬ್ಕಾಗ ಅಂಬ್ರ್

ಎಂತಕ್ ಕೇಂತ್ರಿಯಾ…?

ಎಂತಕ್ ಅಂದ್ರೆ…

ದೇವ್ರ್ ಹತ್ರ ಸಿಟ್ಟ್ ಮಾಡ್ಕಂಡ್ರೆ… ಅಂವ ಡಾಕ್ಟ್ರ ಹತ್ರ ಕಳ್ಸತಾ ಅಂಬ್ರ್

ಡಾಕ್ಟ್ರ ಹತ್ರ ಸಿಟ್ಟ್ ಮಾಡ್ಕಂಡ್ರೆ… ಅವ್ರ್ ದೇವ್ರ್ ಹತ್ರ ಕಳ್ಸತ್ರ್ ಅಂಬ್ರ್… 🙂
______________________________________________________________________________________

ಚೀಂಕ್ರ: ಹ್ವಾಯ್ ನೀವ್ ಈಗ ಎಂತ ಮಾಡ್ಕಂಡಿದ್ರಿ?
ಕುಟ್ಟಿ : ನಾನ್ ಬೆಳಿಗ್ಗೆ BBA ಮಾಡ್ತೆ… ಸಾಯಂಕಾಲ ಆರ್ ಮೇಲೆ MBA ಮಾಡ್ತೆ
ಚೀಂಕ್ರ: ಅದ್ ಹ್ಯಾಂಗ್ ಮರ್ರೆ ಎರ್ಡೆರ್ಡ್ ಕೋರ್ಸ್ ಒಟ್ಟಿಗೆ ಮಾಡ್ತಾ ಇದ್ರಿ?
ಕುಟ್ಟಿ : ಎಂತ ಸುಟ್ಟ ಕೋರ್ಸೂ ಇಲ್ಲ ಮರಾಯಾ…
BBA ಅಂದ್ರೆ ಬೀಡಾ ಬೀಡಿ ಅಂಗಡಿ…MBA ಅಂದ್ರೆ ಮೆಣ್ಸಿನ್ಕಾಯ್ ಬಜ್ಜಿ ಅಂಗಡಿ

ಚೀಂಕ್ರ ಅಲ್ಲೇ ಚಂಯ್ಕ ಆದನ್ ಇನ್ನೂ ಮೇಲ್ ಏಳಲ್ಲ ಅಂಬ್ರ್… 🙂
______________________________________________________________________________________

ಕುಟ್ಟಿ ಒಂದ್ನೇ ಕ್ಲಾಸಗ್ ಇದ್ದಲ್ ನೆಡದ್ದ್ ಇದ್…

ಟೀಚರ್ ಮಕ್ಳಿಗೆ ಕೂಡ್ಸುದ್ ಕಳುದ್ ಲೆಕ್ಕ ಹೇಳಿ ಕೊಡ್ತಿದ್ರ್

ಟೀಚರ್: ಕುಟ್ಟಿ… ಎರಡರಗೆ ಎರಡ್ ಕಳದ್ರೆ ಎಷ್ಟ್ ಉಳಿತ್ತ್?

ಕುಟ್ಟಿ: ಟೀಚರೇ, ಸಮಾ ಗೊತ್ತಾಯ್ಲ… ಸ್ವಲ್ಪ ಬಿಡ್ಸಿ ಹೇಳಿ ಕಾಂಬ

ಟೀಚರ್ : ನನ್ ಕರ್ಮ… ಇನ್ನೆಂತ ಬಿಡ್ಸಿ ಹೇಳುದು… ಹೊಯ್ಲಿ… ಇಲ್ಕಾಣ್ ಕುಟ್ಟಿ, ನಿನ್ ಪ್ಲೇಟಗೆ 2 ಇಡ್ಲಿ ಇತ್ತ್
ನೀನ್ ಎರ್ಡೂ ಇಡ್ಲಿ ತಿಂದೆ… ಪ್ಲೇಟಗೆ ಎಂಥ ಉಳಿತ್ತ್…?

ಕುಟ್ಟಿ: ಪ್ಲೇಟಗೆ ಚಟ್ನಿ ಮತ್ತ್ ಸಾಂಬರ್ ಉಳಿತ್ತ್ ಟೀಚರ್ 🙂
______________________________________________________________________________________

ಕುಟ್ಟಿ ಕೋಳಿಗ್ ಬಿಸ್ನೀರ್ ಕುಡ್ಸಿದ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 11

ಒಟ್ಟ್ ಕುಶಾಲ್ ಮರ್ರೆ… 🙂
ಮೂರ್ ಸಣ್ಣ ಸಣ್ಣ ಕುಂದಾಪ್ರ ಜೋಕ್ಸ್… ಓದಿ ಗಮ್ಮತಗೆ 🙂

ಹೆಂಡ್ತಿ: “ಹ್ವಾಯ್… ನಿಮ್ಗೆ ನನ್ನ ಮದಿ ಆಯ್ಕಿದ್ರೆ ಮೊದ್ಲೇ ರಾಣಿ ಅಂದೇಳಿ ಒಬ್ಳ್ ಹೆಂಡ್ತಿ ಇದ್ಲ್ ಅಂತ್ ನೀವ್ ನಂಗ್ ಹೇಳ್ಲೇ ಇಲ್ಲ”

ಗಂಡ: “ಸ್ವಲ್ಪ ಸುಮ್ನಾಯ್ಕಂತ್ಯಾ? ನಾ ಹೇಳಲ್ಯ… ಅವತ್ತೇ ಹೇಳಿದೆ…

ನಿನ್ನ ಮದಿಯಾರ್ ಮೇಲೆ ರಾಣಿ ಕಂಡಗೆ ಕಂಡ್ಕಂತೆ ಅಂದೇಳಿ… ನಿಂಗ್ ಸೂಕ್ಷ್ಮ ಅರ್ಥ ಆಯ್ದಿರ್ ನಾ ಎಂತ ಮಾಡುದ್?”
___________________________________________________________________________

ಗಂಡ ಹೆಂಡ್ತಿ ಹತ್ರ ಕೇಂಡ… “ಏ ಇವಳೇ… ಎಲ್ಲಾರೂ ನಾ ಸತ್ತ್ ಹೋರೆ, ನೀ ಬೇರೆ ಮದಿ ಮಾಡ್ಕಂತ್ಯ?”

ಹೆಂಡ್ತಿ ಹೇಳ್ಲ್… “ಇಲ್ಲ ಮರ್ರೆ… ನಾ ನನ್ ತಂಗಿ ಒಟ್ಟಿಗ್ ಹೋಯಿ ಆಯ್ಕಂತೆ”

ಈಗ ಹೆಂಡ್ತಿ ಕೇಂಡ್ಳು… “ನಾ ಎಲ್ಲಾರು ಸತ್ತ್ ಹೋರೆ, ನೀವ್ ಬೇರೆ ಮದಿ ಮಾಡ್ಕಂತ್ರ್ಯಾ?”

ಗಂಡ ಹೇಳ್ದ… “ಇಲ್ಲ ಮರೈತಿ… ನಾನು ಸತೇ ನಿನ್ ತಂಗಿ ಒಟ್ಟಿಗೇ ಹೋಯ್ ಇರ್ತೆ… 🙂
___________________________________________________________________________

ಒಂದಿನ ಕುಟ್ಟಿ ಬೆಳಿಗ್ಗೆ ಎದ್ದನೇ ಒಂದ್ ಲೋಟದಗೆ ಬಿಸ್ನೀರ್ ಹಿಡ್ಕಂಡ್ ಕೋಳಿಗೆ ಕುಡ್ಸತಾ ಇದ್ದ

ಇದನ್ನ್ ಕಂಡ್ ಚೀಂಕ್ರ ಕೇಂಡ…
“ಹ್ವಾ ಕುಟ್ಟಿ… ಇದೆಂತಕೆ ಕೋಳಿಗೆ ಬಿಸ್ನೀರ್ ಕುಡ್ಸತಾ ಇದ್ದೆ ?”

ಚೀಂಕ್ರ ಹೇಳ್ದಾ…
“ಅದಾ… ಮತ್ತೆಂತ ಅಲ್ದಾ… ಇವತ್ತ್-ನಾಳೆಯಗೆ ಕೋಳಿ ಮೊಟ್ಟಿ ಇಡುಕೂ ಸಾಕ್… ಇಡುದಾರೆ ಬೇಯ್ಸದ್ ಮೊಟ್ಟಿಯೇ ಇಡ್ಲಿ ಅಂದೇಳಿ” 🙂
___________________________________________________________________________

ನೆಗಾಡಿ ಅಷ್ಟ್ ಸಾಕ್… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 10

ಮೂರು ಸಣ್ಣ ಸಣ್ಣ ಕುಂದಾಪ್ರ ಕನ್ನಡ ಜೋಕ್ಸ್ ಮರ್ರೆ… ಓದಿ ಲಾಯ್ಕಿದ್ರ್ ಹೇಳಿ 🙂

ಚೀಂಕ್ರ: ಹ್ವಾಯ್ ಪರ್ಸ್ ಮನಿಯಲ್ ಬಿಟ್ಟ್ ಬಂದೆ ಮರ್ರೆ… ಅರ್ಜೆಂಟ್ ಒಂದ್ ಸಾವ್ರ್ ರೂಪಾಯಿ ಇದ್ರೆ ಕೊಡಿ

ಕುಟ್ಟಿ: ಅದಕ್ ಮಂಡಿ ಬಿಸಿ ಎಂತಕಾ… ಇಗ… ಈ 20 ರುಪಾಯ್ ತಕೋ… ರಿಕ್ಷದಲ್ ಮನಿಗ್ ಹೋಯ್ ಪರ್ಸ್ ತಕಂಬಾ ಅಕಾ? 🙂

______________________________________________________________________________________

ಕುಟ್ಟಿ : ಡಾಕ್ಟ್ರೆ… ನಂಗ್ ಜೋರ್ ಕೆಮ್ಮ ಮರ್ರೆ… ಸುರು ಆಯ್ ಮೂರ್ ತಿಂಗ್ಳ್ ಆಯ್ತ್

ಡಾಕ್ಟ್ರು: ಅಲ್ಲ ಮರ್ರೆ… ಸುರು ಆಯ್ 3 ತಿಂಗ್ಳ್ ಆಯ್ತ್ ಅಂತ್ರಿ… ಇಷ್ಟ್ ದಿನ ಎಂತಾ ಮಾಡ್ತಿದ್ರಿ…?

ಕುಟ್ಟಿ: ಡಾಕ್ಟ್ರೆ… ನೀವ್ ಬರಿ ಹೊಟ್ಟಿತಿಪ್ಪು ಮಾತಾಡ್ಬೇಡಿ… ಎಂತ ಮಾಡ್ತಿದ್ದೆ ಅಂಬ್ರ್… ಮತ್ತೆಂತ… ಕೆಮ್ಸತಾ ಇದ್ದಿದೆ ಮರ್ರೆ 🙂
______________________________________________________________________________________

ಹೆಂಡ್ತಿ: ಹ್ವಾಯ್… ವಿಷ್ಯ ಗೊತ್ತಾಯ್ತಾ? ನಮ್ ಮದಿ ಮಾಡ್ಸಿರಲೇ…. ಆ ಪುರೋಹಿತ್ರು ತೀರಿ ಹೋರ್ ಅಂಬ್ರ್.

ಕುಟ್ಟಿ: ಅಲ್ದಾ ಮತ್ತೆ… ಮಾಡದ್ ಪಾಪ ಸುಮ್ನೆ ಬಿಡತ್ತಾ?

______________________________________________________________________________________

ಕೊಡ್ಪಾನಕ್ ಜ್ವರ ಬಂದ್ರ್ ಎಂತ ಮಾಡ್ಕ್?…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 9

ಕೊಡ್ಪಾನಕ್ ಜ್ವರ ಬಂದ್ರ್ ಎಂತ ಮಾಡ್ಕ್ ? ನಮ್ ಕುಟ್ಟಿ ಹತ್ರ ಕೇಂಬ ಬನಿ… 🙂

ಇದ್ ನಮ್ಕು ಕುಂದಾಪ್ರ ಕುಟ್ಟಿ ಬುದ್ದಿವಂತ ಆಯ್ಕಿದ್ರೆ ಮೊದ್ಲ್ ನೆಡದ್ದ್ 🙂

ಕುಟ್ಟಿ ಮನ್ಯಗೆ ಒಂದ್ ಎಲಿಮನ್ ಕೊಡ್ಪಾನ ಇದ್ದಿತ್. ಅದ್ ಒಂದಿನ ಹೆರ್ಗ್ ಬಿಸ್ಲಗೇ ಇದ್ದಿತ್ ಅಂಬ್ರ್. ಬಿಸ್ಲ್ ಜೋರಿದ್ದಿತ್ತಾ ಕಾಂತ್. ಕುಟ್ಟಿ ಸಾಂಯ್ಕಾಲ ಶಾಲಿ ಬಿಟ್ಟ್ ಮನಿಗ್ ಬಪ್ಪತಿಗೆ ಕೊಡ್ಪಾನ ಸಮಾ ಬಿಸಿ ಆಯಿದ್ದಿತ್. ಕುಟ್ಟಿ ಬಂದನೇ ಕೊಡ್ಪಾನ ಮುಟ್ಟಿ ಕಂಡ. ಕೊಡ್ಪಾನ ಬಿಸಿ ಕೊದಿತಿತ್ತ್.
ಅವ್ರ್ ನೆರ್ಮನಿಯಗ್ ಒಬ್ರ್ ಕಂಪೌಂಡ್ರ್ ಇದ್ದಿರ್. ಕುಟ್ಟಿ ಸೀದಾ ಬಂದನೇ ಚೀಲ ಮನಿ ಒಳ್ಗ್ ಬಿಸಾಕಿ, ಅವರತ್ರ ಹೋಯಿ ಹೇಳ್ದಾ… “ಹ್ವಾಯ್ ಕಂಪೌಂಡ್ರೆ… ನಮ್ಮನಿ ಕೊಡ್ಪಾನಕ್ ಜ್ವರ ಬಂದಿತ್ತ್ ಮರ್ರೆ… ಔಷಿದ್ದಿ ಎಂತಾರೂ ಕೊಡಿನಿ”

ಕಂಪೌಂಡ್ರ್ ಇನ್ ಈ ಭಾಷಿ ಬರ್ದಿದ್ದನಿಗ್ ಯಾರ್ ಇದನ್ನ್ ಬಿಡ್ಸಿ ಹೇಳುದ್ ಅಂದೇಳಿ, ಹೇಳ್ರ್…”ಈ ಜ್ವರಕ್ ಮಾತ್ರಿ ಎಂತ ಬ್ಯಾಡ… ಕೊಡ್ಪಾನಕ್ಕ್ ಬಳ್ಳಿ ಹಾಕಿ, ಒಂದ್ಸಲ ಬಾಮಿಗ್ ಇಳ್ಸ್… ಜ್ವರ ಬಿಡತ್ತ್”.

ಕುಟ್ಟಿ ಅವ್ರ್ ಹೇಳ್ದಂಗೆ ಮಾಡ್ದ. ಮೇಲ್ ಬಂದ್ ಕೊಡ್ಪಾನ ಬಿಸಿ ಇಲ್ದಿದ್ದ್ ಕಂಡ್ ಭಾರಿ ಖುಷಿ ಆಯ್ತ್ ಅವ್ನಿಗ್. ನೆರ್ಮನಿಗ್ ಹೋಯಿ ಬಾಳಾ ಉಪ್ಕಾರ ಆಯ್ತ್ ಮರ್ರೆ ನಿಮ್ಮಿಂದ ಅಂದ್ ಕಂಪೌಂಡ್ರ್ ಹತ್ರ ಹೇಳಿ ಬಂದ.

ಮಾರನೆ ದಿನ ಕುಟ್ಟಿ ಅಜ್ಜಿಗೆ ಜ್ವರ ಬಂತ್… 🙂

ಜೋಕ್ ಇಲ್ಲಿಗೇ ಮುಗಿತ್… ಹಾಂಗೆ ಕುಟ್ಟಿಯ ಅಜ್ಜಿ ಕಥಿಯೂ… 🙂

ನೆಗಿ ತಕಂಡ್ ಹೊತ್ತಾ ಅಂಬಷ್ಟ್…ನೆಗಾಡಿ… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 8

ಕುಟ್ಟಿ ದೋಸ್ತಿ ಒಬ್ರು ಆಸ್ಪತ್ರಿಯಗೆ….ಐ.ಸಿ.ಯು ನಗೆ ಇದ್ದಿರಂಬ್ರ್
ಅವ್ರ್ ಮನಿಯರ್ ಕುಟ್ಟಿ ಮೇಲ್ ಪೋಲಿಸ್ ಕಂಪ್ಲೇಂಟ್ ಕೊಟ್ಟಿರಂಬ್ರ್… ಇವ್ನಿಗೆ ಹೀಂಗ್ ಆಪುಕ್ ಕುಟ್ಟಿಯೇ ಕಾರಣ ಅಂದೇಳಿ.

ಪೋಲಿಸ್ರು ಕುಟ್ಟಿನ್ ಹುಡ್ಕಂಡ್ ಬಂದ್ ತನ್ಕಿ ಮಾಡ್ರ್

ಪೋಲಿಸ್ರ್ ಕೇಂಡ್ರ್…
“ಏಯ್… ಆ ಗಂಡಿನ ಮನಿಯರ್ ನಿನ್ ಮೇಲ್ ಕಂಪ್ಲೆಂಟ್ ಕೊಟ್ಟಿರ್. ನೆಡದ್ದ್ ಎಂತಾ ವಿಷ್ಯ ಅಂದೇಳಿ ಹೇಳ್”

ಕುಟ್ಟಿ ಏಂಕತಾ ಏಂಕತಾ ಹೇಳ್ದಾ…
“ಆ ಗಂಡ್ ಹೊಟ್ಟಿಯೊಳ್ಗ್ ಒಂದ್ ನಮೂನಿ ಆತಾ ಇತ್ತ್… ಹೆಗ್ಗುಳ ಓಡ್ದ್ ಹಾಂಗ್ ಆತ್ತ್ ಅಂದ.
ಹಂಗಾರೆ ಹೆಗ್ಗುಳ ಸತ್ ಹೋಯ್ಲಿ ಅಂಡ್ಕಂಡ್ ಒಂದ್ ಬಾಟ್ಲ್ ಎಲಿ ಪಾಷಾಣ ಕುಡ್ಸದ್… ಅಷ್ಟೇ ಮಾರ್ರೇ ವಿಷ್ಯ” 🙂

_______________________________________________________________________________

ಚೀಂಕ್ರ ಅವ್ನಿಗೆ ತಾಪತ್ರ್ಯ ಬಂದಾಗ್ಳಿಕೆಲ್ಲ ಕಿಶಿಯಿಂದ ಹೆಂಡ್ತಿ ಚೀಂಕ್ರಿ ಫೋಟೋ ತೆಗ್ದ್ ಕಾಂತಿರ್ತಿದ್ದ

ಇದನ್ನ್ ಕಂಡ್… ಸ್ವಾಂಪ್ರ ಒಂದಿನ ಚೀಂಕ್ರನ ಹತ್ರ ಕೇಂಡ…
“ಅಲ್ಲ ಚೀಂಕ್ರಣ್ಣ… ಅದೆಂಥಕೆ ನೀವ್ ಒಂದೊಂದ್ ಸರ್ತಿ ನಿಮ್ ಹೆಂಡ್ತಿ ಫೊಟ ತೆಗ್ದ್ ತೆಗ್ದ್ ಕಾಂತ್ರಿ?
ನಿಮ್ಗೆ ತೊಂದ್ರಿ ಬಂದಲ್ ಅವ್ರ್ ನೆನ್ಪಾರೆ ನಿಮ್ ಕಷ್ಟ ಪರಿಹಾರ ಆಪುಕ್ ದಾರಿ ತೋರತ್ತಾ?”

ಚೀಂಕ್ರ ಹಗೂರಕ್ ಹೇಳ್ದ…
“ಹಾಂಗೆಂತ ಇಲ್ಯೇ.. ಯಾರತ್ರೂ ಹೇಳ್ಬೆಡಿ… ಅವ್ಳ್ ಫೊಟ ಕಂಡ್ರ್ ಮೇಲ್…
ಇವ್ಳ್ ಮುಂದೆ ನಂಗೆ ಬಂದ್ ಕಷ್ಟ ಯಾವ್ ದೊಡ್ಡ್… ಅನ್ಸಿ ಸಮ್ಧಾನ ಆತ್ತ್ ಮರ್ರೆ” 🙂
_______________________________________________________________________________

ಚೀಂಕ್ರ ಒಬ್ಬನೇ ಮರ್ಕತಾ ಕೂಕಂಡಿದ್ದ.

ಅದನ್ನ್ ಕಂಡ್ ಅವ್ನ ಚೆಡ್ಡಿ ದೋಸ್ತಿ ಸ್ವಾಂಪ್ರ ಕೇಂಡ…
“ಏ ಗಡೆ ಚೀಂಕ್ರಾ… ಎಂತಕ್ ಮರ್ಕುದ್?”

ಅದ್ಕೆ ಚೀಂಕ್ರ ಹೇಳ್ದಾ…
“ನಾನ್ ಒಂದ್ ಹೆಣ್ಣಿನ್ ಮರೀಕ್ ಅಂದೇಳಿ ಪ್ರಯತ್ನ ಮಾಡ್ತಾ ಇದ್ದೆ”

ಸ್ವಾಂಪ್ರ ಹೇಳ್ದಾ…
“ಅದಕ್ಕೆಲ್ಲಾ ಮರ್ಕುದಾ ಮರಾಯಾ… ಆ ಹೆಣ್ಣ ಒಬ್ಳೆಯಾ ಇಪ್ಪುದ್. ಅವ್ಳ್ ಅಲ್ದಿರ್ ಇನ್ನೊಬ್ಳ್ ಸಿಕ್ಕತ್ಲ್”

ಚೀಂಕ್ರ ಹೇಳ್ದಾ …
“ವಿಷ್ಯ ಅದಲ್ಲ ಮರಾಯಾ… ಎಷ್ಟ್ ಹೊತ್ತಿಂದ್ ಆಲೋಚ್ನಿ ಮಾಡ್ರೂ ಅವ್ಳ್ ಯಾರ್ ಅಂದೇಳಿಯೇ ನೆನ್ಪ್ ಬತ್ತಿಲ್ಲ ಕಾಣ್” 🙂
_______________________________________________________________________________

ನೆಗಾಡುಕೊಂದ್ ಹೆಳಿ ಬೇಕಾ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 7

ನೆಗಾಡುಕೊಂದ್ ಹೆಳಿ ಬೇಕಾ… ನೆಗಾಡಿ ಎಷ್ಟ್ ಎಡಿತ್ತೋ ಅಷ್ಟ್… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 7 🙂

ಚೀಂಕ್ರ ಮತ್ತ್ ಸ್ವಾಂಪ್ರ ಒಂದಿನ ಕುಂದಾಪ್ರ ಸಂತಿಯಗ್ ನಿಂತ್ಕಂಡ್ ಜಗ್ಳ ಮಾಡ್ತಾ ಇದ್ರ್

ಅಷ್ಟೊತ್ತಿಗೆ ಅಲ್ಲಿಗ್ ಕುಟ್ಟಿ ಬಂದ್ ಕೇಂಡ…
“ಹ್ವಾಯ್ ನೀವಿಬ್ರು ಎಂತಕೆ ಜಗ್ಳ ಮಾಡ್ಕಂತಾ ಇದ್ರಿ? ವಿಷ್ಯ ಎಂತ?”

ಚೀಂಕ್ರ ಹೇಳ್ದಾ…
“ನಮ್ಗ್ ಬಪ್ಪತಿಗ್ ದಾರಿ ಮೇಲೆ ಒಂದ್ ನೂರ್ ರುಪಾಯಿದ್ ನೋಟ್ ಸಿಕ್ಕಿತ್.
ಅದನ್ನ ಯಾರ್ ಒಂದ್ ಬಿಗಿಯಾದ್ದ್ ಲಾಟ್ ಬಿಡ್ತ್ರೋ ಅವ್ರಿಗೆ ಅಂತ್ ಮಾತಾಡ್ಕಂಡಿತ್…
ಯಾರ್ ಮೊದ್ಲ್ ಹೇಳುದ್ ಅಂದೇಳಿ ಜಗ್ಳ ಅಷ್ಟೇ…”

ಕುಟ್ಟಿ ಹೇಳ್ದಾ…
“ಥೂ… ನಿಮ್ಗ್ ನಾಚ್ಕಿ ಆತಿಲ್ಯಾ…?
ನಾ ನಿಮ್ಮ್ ಪ್ರಾಯದಗ್ ಇಪ್ಪತಿಗ್ ನಂಗ್ ಸುಳ್ ಅಂದ್ರ್ ಎಂತ ಅಂದೇಳಿಯೇ ಗೊತ್ತಿರ್ಲಾ”

ಇದನ್ನ್ ಕೇಂಡ್ ಸ್ವಾಂಪ್ರ ಹಗೂರಕ್ ಹೇಳ್ದಾ…
“ಚೀಂಕ್ರಣ್ಣ ಕೆಂತಾ…. ಇದಕ್ಕಿಂತ್ ದೊಡ್ಡ್ ಲಾಟ್ ನಮ್ಗ್ ಹೇಳುಕ್ ಎಡುವಾ?
ನೂರ್ ರುಪಾಯ್ ಕುಟ್ಟಿಯಣ್ಣನಿಗೆ ಕೊಡುವ ಆಗ್ದಾ?” 🙂
____________________________________________________________________________________
ಕುಟ್ಟಿ ಅಬ್ಬಿ ತೀರಿ ಹೋದ್ರ್… ಸುದ್ದಿ ಗೊತ್ತಾಯಿ ಅವ್ನ ನೆಂಟ್ರೆಲ್ಲಾ ಕುಟ್ಟಿ ಮನಿಗ್ ಬಂದ್ರ್

ಒಬ್ಬ: “ಅಯ್ಯೋ… ಒಬ್ಳೇ ಹೋಯ್ಬಿಟ್ಯಾ… ನನ್ನನ್ನಾರೂ ಕರ್ಕಂಡೇ ಹೋಯ್ಲಕಿತ್ತಲ್ಲ…”

ಇನ್ನೊಬ್ಬ: “ಅಮ್ಮಾ… ನಮ್ಮನ್ನೆಲ್ಲಾ ಬಿಟ್ಟಿಕಿ ಹೋಯ್ ಅನಾಥ್ರನ್ನಾಯ್ ಮಾಡ್ದೆ… ನಮ್ನೂ ಕರ್ಕಂಡ್ ಹೊಪ್ಕಾಗ್ದಿತ್ತಾ?”

ಮತ್ತೊಬ್ಬ: “ಅಯ್ಯೋ… ನೀವಿಲ್ದಿರ್ ನಾನಿಲ್ಲ ಅಂದ್ ಗೊತ್ತಿದ್ದೂ ನನ್ನ್ ಬಿಟ್ಟಿಕಿ ಹೋರ್ಯಾ ಅಮ್ಮ…”

ಕುಟ್ಟಿ: “ಸಾಕಾ ಬಾಯ್ ಮುಚ್ಕಣಿ… ನಿಮ್ಮನ್ನೆಲ್ಲಾ ಕರ್ಕಂಡ್ ಹೋಪ್ಕೆ ಅಮ್ಮ ಏನ್ ಟಾಟಾ ಸುಮೋ ಮಾಡ್ಕಂಡ್ ಹೋಯಿದ್ಲಾ?” 🙂
____________________________________________________________________________________
ಕುಟ್ಟಿ ಕುಂದಾಪ್ರ ಸಂತಿಗೆ ಹೋತಿದ್ದ

ದಾರಿ ಮೇಲ್ ಎಂತದೋ ಕಪ್ಪ್ ಇದ್ದದ್ದ್ ಬಿದ್ಕಂಡ್ ಇದ್ದಿತ್

ಇದ್ ಎಂತಾ ಕಾಂಬ ಅಂದೇಳಿ ಹತ್ರ ಹೋಯಿ ಗಾಳಿ ಉರ್ಸಿ ಕಂಡ. ಅದ್ ಹನಿ ಹಂದಲಿಲ್ಲ.
ಶಬ್ದ ಮಾಡಿ ಕಂಡ. ಅದ್ ಅಲ್ಲಾಡಲ್ಲ. ಕಡಿಗ್ ಬೆರ್ಲಗ್ ಮುಟ್ಟಿ ಚೂರ್ ನಾಲ್ಗಿಗ್ ತಾಗ್ಸಿ ಕಂಡ್ ಹೇಳ್ತ್ನಂಬ್ರ್…

“ಹೋ… ಇದ್ ಶೆಗ್ಣಿ… ಪುಣ್ಯಕ್ಕ್ ನೆಕ್ಕಿ ಕಂಡೆ… ಗೊತ್ತಾಯ್ತ್… ಇಲ್ದಿರ್ ಮೆಟ್ಟಿ ಬಿಡ್ತಿದ್ನಲೇ… 🙂
____________________________________________________________________________________

ನೆಗಾಡಿ ಹೊಟ್ಟಿ ನೋವಾಪಲ್ಲೊರಿಗೆ… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 6

ನೆಗಾಡಿ ಹೊಟ್ಟಿ ನೋವಾಪಲ್ಲೊರಿಗೆ… ಇದ್ ಕುಂದಾಪ್ರ ಕನ್ನಡ ಜೋಕ್ಸ್ 🙂

ಕುಟ್ಟಿ ಒಂದ್ಸರ್ತಿ ಒಂದ್ಸಲ ಬಸ್ರೂರ್ ಮೂರ್ಕೈಯಿಂದ ಬಸ್ಟ್ಯಾಂಡಿಗ್ ರಿಕ್ಷ ಮಾಡ್ಕಂಡ್ ಬಂದ.
ಇಳ್ದ್ರ್ ಮೇಲೆ ರಿಕ್ಷದನ್ ಹತ್ರ “ಬಾಡ್ಗಿ ಎಷ್ಟ್ ಆಯ್ತ್” ಅಂದೇಳಿ ಕೇಂಡ

ರಿಕ್ಷದನ್ ಹೇಳ್ದ… “ಇಪ್ಪತ್ ರೂಪೈ ಆಯ್ತ್”

ಸರಿ… ಅಂದ್… ಕುಟ್ಟಿ ಹತ್ ರೂಪೈ ನೋಟ್ ಕೊಟ್ಟ್ ರಿಕ್ಷ ಇಳ್ದ

ರಿಕ್ಷದನ್… “ಹೋಯ್ ನಾ ಹೇಳದ್ದ್ ಇಪ್ಪತ್… ಆರೇ ನೀವ್ ಬರಿ ಹತ್ತೇ ರೂಪೈ ಕೊಟ್ಟಿರಿ”

ಕುಟ್ಟಿ ಹೇಳ್ದಾ…”.ಹ್ವಾ… ಎಂತ ನೀ ನನ್ನ್ ಮಂಗ ಮಾಡುದಾ… ನನ್ನೊಟ್ಟಿಗೆ ನೀನೂ ಕೂಕಂಡ್ ಬರಲ್ಯಾ?

ನಂದ್ ಹತ್ತ್… ನಿಂದ್ ಹತ್ತ್… ಅಲ್ಲಿಂದಲ್ಲಿಗೆ ಸಮಾ ಆಯ್ತ್… ಅಂದೇಳಿ ಇಳ್ಕಂಡ್ ಹೋತೆ ಇದ್ದ

ರಿಕ್ಷದನ್ ಆವತ್ತೇ ರಿಕ್ಷ ಮಾರಿ ಗೂಡ್ ಅಂಗಡಿ ಹಾಕಿದ ಅಂದೇಳಿ ಸುದ್ದಿ 🙂
___________________________________________________________________________________

ಚೀಂಕ್ರ : ಕುಟ್ಟಿಯಣ್ಣ … ಎಲ್ಲಿಗ್ ಹೋಯಿರಿ?

ಕುಟ್ಟಿ : ಗರ್ಲ್ ಫ್ರೆಂಡ್ ಒಟ್ಟಿಗೆ ಪಿಚ್ಚರಿಗೆ ಹೋಯಿದೆ ಮರ್ರೆ

ಚೀಂಕ್ರ : ಎಷ್ಟು ಖರ್ಚ್ ಆಯ್ತೇ?

ಕುಟ್ಟಿ: ಒಂದ್ ಸಾವ್ರ ಕರ್ಚ್ ಆಯ್ತ್ ಕಾಣಿ

ಚೀಂಕ್ರ : ಒಂದ್ ಸಾವ್ರ ಕರ್ಚ್ ಆಯ್ತಾ !!

ಕುಟ್ಟಿ : ನಂಗ್ ಇನ್ನೂ ಕರ್ಚ್ ಮಾಡೂಕ್ ಮನ್ಸ್ ಇದ್ದಿತ್ತ್… ಆರೇ ಎಂತ ಮಾಡುದ್… ಪಾಪ ಅವ್ಳ್ ಹತ್ರ ಇದ್ದದ್ದ್ ಅಷ್ಟೇ.. 🙂
___________________________________________________________________________________

ಕುಟ್ಟಿ : ಚೀಂಕ್ರಣ್ಣಾ, ಎಂತಕ್ ಬಾರೀ ಬೇಜಾರಗ್ ಇದ್ದಂಗ್ ಕಾಣತ್ತ್?

ಚೀಂಕ್ರ: ಎಂತಾ ಹೇಳುದ್ ಮರಾಯಾ… ನಿನ್ನೆ ನನ್ ಹೆಂಡ್ತಿ ಕಾರ್ ಡ್ರೈವರ್ ಒಟ್ಟಿಗೆ ಓಡಿ ಹೋಯಿಳ್

ಕುಟ್ಟಿ: ಥೋ… ಹೌದಾ… ಇನ್ನೀಗ ಎಂಥ ಮಾಡ್ತ್ರಿ?

ಚೀಂಕ್ರ: ಮತ್ತೆಂತ ಮಾಡುದ್… ಹೊಸ ಡ್ರೈವರ್ ಹುಡ್ಕತಾ ಇದ್ದೇ.. ಅಲ್ಲೀವರಿಗ್ ನಾನೇ ಕಾರ್ ಓಡ್ಸಕಲೇ ಅಂದೇಳಿ ಬೇಜಾರ್ ಮರ್ರೆ ಅಷ್ಟೇ 🙂
___________________________________________________________________________________

ಟ್ರಿಣ್ ಟ್ರಿಣ್… ಸೈಕಲ್ ಮರ್ಲ್…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 5

ಇದು ಮಸ್ತ್ ಹಳೀ ಜೋಕ್… ನೀವ್ ಮೊದ್ಲೇ ಕೇಂಡಿಪ್ಕೂ ಸಾಕ್… ಕೇಣದಿದ್ರೆ ಇಲ್ಕೇಣಿ 🙂

         ಚಿತ್ರ ಕೃಪೆ: http://www.frozenmercury.com

ಒಂದ್ ಹುಚ್ ಆಸ್ಪತ್ರಿಯಗೆ ಒಬ್ಬ ಹುಚ್ಚ ಇದ್ದಿದ ಅಂಬ್ರ್. ಅವನ ಹುಚ್ ಎಂತ ಅಂದ್ರೆ ಸೈಕಲ್ ಬಿಡು ಹುಚ್. ಇಪತ್ನಾಕ್ ಗಂಟಿಯೂ ಅದೇ ಆಲೋಚ್ನಿ…
ಸೈಕಲ್ ಮೇಲ್ ಇಲ್ದೇ ಇಪ್ಪತಿಗೂ… ಕೂಕಂಡಲ್…ಮಲ್ಕಂಡಲ್ಲ್… ಸೈಕಲ್ ಪೆಡ್ಲು ಮೆಟ್ಟುದ್… ಬೆಲ್ ಹೊಡುದ್… ಯಾಕ್ಷನ್ ಮಾಡ್ತಾ ಇರ್ತಾ.
ಮನಿಯರಿಗ್ ಕಂಡ್ ಕಂಡ್ ಸಾಕಾಯಿ ಆಸ್ಪತ್ರಿಗೆ ಸೇರ್ಸ್ರ್. ಸೇರ್ಸ್ರ್ ಮೇಲೂ ಅವ್ನ್ ಮರ್ಲ್ ಏನ್ ಕಡ್ಮಿ ಆಯಲ್ಲ.

ಹೀಂಗಿಪ್ಪತಿಗೆ ಒಂದಿನ ಡಾಕ್ಟ್ರು ಇವ್ರನ್ನೆಲ್ಲಾ ಕಾಂಬುಕ್ ಬಂದ್ರ್. ಡಾಕ್ಟ್ರಿಗ್ ಭಯಂಕರ ಆಶ್ಚರ್ಯ ಆಯ್ತ್. ಎಂತಕಂದ್ರೆ… ಇಂವ ಸುಮ್ನ್ ಕೂಕಂಡಿದ್ದ.
ಆಯ್ಲಿ… ಇಂವ ಒಬ್ಬ ಆರೂ ಸಮಾ ಆದ್ನಲ ಅಂದ್ ಎಣ್ಸಿ ಡಾಕ್ಟ್ರು ಖುಷಿಯಗ್ ಅವ್ನತ್ರ ಕೇಂಡ್ರ್ “ಹ್ವಾ… ಎಂತಾ ಸೈಕಲ್ ಮರ್ಲ್ ಪೂರ್ತಿ ಬಿಡ್ತನಾ?”

ಅಂವ ಹೇಳದ್ ಎಂತಾ ಗೊತ್ತಿತಾ… “ಹ್ವಾಯ್ ನಾ ಡವ್ನಗೆ ಹೋತಾ ಇದ್ದೆ… ಮಾತಾಡ್ಸ್ ಬೆಡಿ… ಬ್ಯಾಲೆನ್ಸ್ ತಪ್ಪತ್ತ್…”

ಡಾಕ್ಱು ಈಗ ಅದೇ ಆಸ್ಪತ್ರಿಗೆ….ಎಡ್ಮಿಟ್ ಆಯೀರ್ ಅಂತ್ ಸುದ್ದಿಯಪ…!! 🙂

ಕುಟ್ಟಿ ಬೆಂಗ್ಳೂರಿಗ್ ಹೋದ್ ಕತಿ…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 4

ನಮ್ಮ ಕುಟ್ಟಿ ಬರೀ ಕುಂದಾಪ್ರಕ್ಕ್ ಮಾತ್ರ ಅಲ್ದೇ… ಬೆಂಗ್ಳೂರಿಗ್ ಸತೇ ಹೋದ್ದ್ ಕತಿ ಗೊತ್ತಿತಾ? ಗೊತ್ತಿಲ್ದಿರ್ ನಾ ಹೇಳ್ತೆ ಆ ಕತಿ. ನೀವ್ ಬಾಯ್ ಕಳ್ಕಂಡ್ ಕೇಣಿ ಅಕಾ 🙂

ಕುಟ್ಟಿನ್ ಒಂದ್ಸಲ ಅವ್ನ್ ಅಂಗ್ಡಿ ಸವ್ಕಾರ್ರ್ ಬೆಂಗ್ಳೂರಿಗ್ ಕಳ್ಸಿರ್. ಸವ್ಕಾರ್ರ್ ಹೇಳದ್ ಕೆಲ್ಸ ಎಲ್ಲಾ ಮುಗ್ಸಿ, ಕುಟ್ಟಿ ಬೆಂಗ್ಳೂರ್ ತಿರ್ಗಕ್ ಅಂದೇಳಿ ಬೈಕಗ್ ಅವ್ನ ದೋಸ್ತಿ ಬೆಂಗ್ಳೂರಗ್ ಇದ್ದ ಚೀಂಕ್ರನ ಒಟ್ಟಿಗ್ ತಿರ್ಗತಾ ಇದ್ದಿದ. ಹೀಂಗೇ ಬಳೀತಾ-ತಿರ್ಗತಾ ಅರ್.ಟಿ ನಗರ-ಗಂಗಾನಗರ ಬದಿಗ್ ಹೋರ್ ಇಬ್ರೂ. ಅರ್.ಟಿ. ನಗರ ಹತ್ರ ಬಪ್ಪುಕೂ ಸಣ್ಣಕ್ ಮಳಿ ಬಪ್ಕ್ ಸುರು ಆಯ್ತ್. ಇದೆಂತಾ ಕಿಚ್ಚ್ ಹಿಡದ್ದ್ ಮಳಿ… ಬೆಂಗ್ಳೂರ್ ತಿರ್ಗುಕೂ ಬಿಡುದಿಲ್ಯಲೇ ಅಂದೇಳಿ ಗೊಣ ಗೊಣ ಅಂತಾ ಒಂದ್ ಲೋಟಿ ಚಾ ಕುಡುವನಾ ಚೀಂಕ್ರ ಅಂದ್ ಕುಟ್ಟಿ ಕೇಂಡ. ಸರಿ ಮತ್ತೆಂತ ಮಾಡುದ್ ಮಳಿಯಗ್ ಮೈ ಚಂಡಿ ಆತ್ತಲೇ ಅಂದೇಳಿ ಬೈಕನ್ ಅಲ್ಲೇ ಮುಲ್ಲಿಗ್ ಹಾಕಿ, ಒಂದ್ ಸಣ್ಣ್ ಗೂಡ್-ಅಂಗ್ಡಿ ಕಣಗಿದ್ದ್ ಹೋಟ್ಲಿಗ್ ಹೋಯಿ… ಮೂರ್ ಕಾಲಿಂದ್ ಒಂದ್ ಬೆಂಚಿನ್ ಮೇಲ್ ಇಬ್ರೂ ಹಗೂರ ಕೂಕಂಡ್ರ್. ಚೀಂಕ್ರ ಹೇಳ್ದಾ… “ನಂಗ್ ಚಾ ಬ್ಯಾಡ ಕುಟ್ಟಿ, ನಿಂಗ್ ಬೇಕಾರ್ ಕುಡಿ”

ಅಲ್ಲೇ ವರ್ಸತಾ ಇದ್ದಿದ್ ಸಪ್ಲಯರ್ ಗಂಡಿನ್ ಕರ್ದ್…”ಏ ಗಡಾ… ಒಂದ್ ಪೆಶಲ್ ಚಾ ತಕಂಬಾ” ಅಂದ ಕುಟ್ಟಿ

ಗಂಡೂ ಕುಂದಾಪ್ರದ್ದೇ… ಹಂಗಾಯಿ ಅವ್ನಿಗ್ ಇವ್ರ್ ಹೇಳದ್ ಗೊತ್ತಾಯ್ತ್

ಒಳ್ಗ್ ಹೋದ್ ಗಂಡ್ ಐದ್ ನಿಮ್ಷ ಬಿಟ್ ಹೆರ್ಗ್ ಬಂತ್… ಕುಟ್ಟಿ ಕಾಂತಾ ಇದ್ದ… ಆ ಗಂಡ್ 1-2-3-4-5-6 ಹೀಂಗೆ 6 ಲೋಟ ಚಾ ಒಂದಂದಾಯಿ ಇವ್ನ್ ಎದ್ರ್ ಇಡ್ತ್.

ಕುಟ್ಟಿಗ್ ಅನ್ಮಾನ ಆಯ್ತ್… ಎಂತಾ ಈ ಗಂಡಿಗೆ ಅಂಗ್ಡಿ ದೂರವಾ ಹ್ಯಾಂಗೆ? ನಾ ಹೇಳದ್ದ್ ಒಂದ್ ಪೆಶಲ್ ಚಾ. ಆರೇ ಇಂವ ಆರ್ ಚಾ ತಂದಿನಲಾ… ಅಂದೇಳಿ ಆಲೊಚ್ನಿ ಮಾಡ್ತಾ ಕೇಂಡ…” ಗಡೇ… ನಾ ಹೇಳದ್ ಒಂದ್ ಪೆಶಲ್ ಚಾ, ನೀ ಎಂತಕೆ ಆರ್ ಚಾ ತಕ ಬಂದೆ?”

 

 

 

 

 

 

 

 

 

ಗಂಡ್ ಹೇಳ್ತ್…. “ಹ್ವಾಯ್… ನಿಮ್ಗ್ ಈ ಊರಿನ್ ಹೆಸ್ರ್ ಗೊತಿತಲ್ದಾ? ಇದ್ “ಅರ್ ಟೀ“ ನಗರ ಮರ್ರೆ… ಅದಕ್ಕೇ ಆರ್ ಚಾ ತಕಂಡ್ ಬಂದೆ”

ಕುಟ್ಟಿ ಅಲ್ಲೇ ಚಂಯ್ಕ… ಕುಟ್ಟಿ ಕುಂದಾಪ್ರಕ್ಕ್ ಹೋದ್ ಕತಿ ಕಣಗೆ ಕುಟ್ಟಿ ಆರ್-ಟೀ ಕುಡದ್ ಕತಿಯೂ ಈಗ ಕುಂದಾಪ್ರದಗೆ ವಲ್ಡ್ ಪೇಮಸ್ 🙂

ಟಾಸ್… ಪುಲ್ಟಾಸ್… ಗಪ್ಳಾಸ್…ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 3

ಟಾಸ್… ಪುಲ್ಟಾಸ್… ಗಪ್ಳಾಸ್… ಎಷ್ಟ್ ಆತ್ತೋ ಅಷ್ಟ್ ಹಾರ್ಸ್ 🙂

ಇದು ಕುಂದಾಪ್ರದಗ್ ನೆಡದ್ ಸತ್ಯ ಘಟನೆ… ಸುಮಾರ್ ವರ್ಷದ ಹಿಂದೆ ನೆಡದ್ದ್ 🙂

 

 

 

 

 

 

 

 

 

 

 

 

 

 

 

 

 

 

 

 

 

(ಚಿತ್ರ ಕೃಪೆ : http://vecto.rs/design/vector-of-a-cartoon-coach-tossing-a-coin-coloring-page-outline-by-ron-leishman-22462)

 

ಶಾಲಿಯಗೆ 7ನೇ ಕ್ಲಾಸಿನ ವಾರ್ಷಿಕ ಪರೀಕ್ಷೆ ನಡಿತಿದ್ದಿತ್. ನಮ್ ಕುಟ್ಟಿ ಇದ್ದ್ ವರ್ಷ ಆ ಶಾಲಿಯಗೆ ಮಕ್ಳ್ ಬರೀ ಬಡ್ಡ್ ಅಂಬ್ರ್. ಅದಕ್ಕೇ ಮಾಷ್ಟ್ರೆಲ್ಲಾ ಒಟ್ಟಾಯಿ ಈ ಸರ್ತಿ ಈ ಮಕ್ಳನ್ನೆಲ್ಲಾ ಹ್ಯಾಂಗಾರೂ ಮಾಡಿ ದೂಡ್ವಾ, ಇವ್ ಹತ್ತಾ ಪಣ್ಕ್ ಮಕ್ಕಳ್ ಅಂದೇಳಿ, ಪರಿಕ್ಷೆಯಗೆ ಬರೀ ಸರಿ-ತಪ್ಪು ಹೇಳುವ ಪ್ರಶ್ನೆ ಮಾತ್ರ ಕೇಂಡಿರ್. ಪರಿಕ್ಷೆ ಸುರು ಆಯ್ತ್… ಮಕ್ಕಳೆಲ್ಲಾ ಅಡ್ಡ ಬಿದ್ಕ ಬರುಕ್ ಸುರು ಮಾಡಿದೋ.

ನಮ್ಮ ಕುಟ್ಟಿ ಲಾಸ್ಟ್ ಬೆಂಚಗೆ ಕೂಕಂಡ್ ಇದ್ದಿದಾ. ಮಾಷ್ಟ್ರು ಎಲ್ಲ ಮಕ್ಳನ್ನೂ ಕಾಂತಾ ಇದ್ದಿರ್… ಎಲ್ಲರೂ ಬರುದ್ರಗೇ ಇದ್ದಿರ್. ಆರೆ ಕುಟ್ಟಿ ಮಾತ್ರ ಮಧ್ಯ ಮಧ್ಯ ಬರುದ್ ನಿಲ್ಸಿ ಚಡ್ಡಿ ಕಿಸಿಗ್ ಕೈ ಹಾಕಿ ಎಂತದೊ ಹುಡ್ಕತಾ ಇದ್ದಿದ. ಇಂವ ಕಾಪಿ ಚೀಟಿ ಏನಾರೂ ತಕಂಡ್ ಬಂದಿನಾ ಕಾಂಬ ಅಂದೇಳಿ ಮಾಷ್ಟ್ರು ಹತ್ರ ಹೋಯಿ ಕಂಡ್ರೆ ಅಂವ ಎಂಟಾಣಿ ಹಿಡ್ಕಂಡ್ ಟಾಸ್ ಹಾರ್ಸ್ತಾ ಇದ್ದ

ಮಾಷ್ಟ್ರು ಕೇಂಡ್ರ್… “ಎಂಥದಾ ಕುಟ್ಟಿ, ಬರುದ್ ಬಿಟ್ಕಂಡ್ ಟಾಸ್ ಎಂತಕೆ ಹಾರ್ಸ್ತಾ ಇದ್ದೆ?”

ಕುಟ್ಟಿ ಹೇಳ್ದಾ… “ಅದಾ… ಮಾಷ್ಟ್ರೇ… ನೀವ್ ಪರೀಕ್ಷೆಯಗೆ ಸರಿ-ತಪ್ಪು ಉತ್ರ ಹೇಳುಕ್ ಪ್ರಶ್ನೆ ಕೇಂಡಿರಿ ಅಲ್ದಾ? ಕಿಚ್ಚ್ ಹಿಡಿದ್ದ್ ಉತ್ರ ಒಂದೂ ಗೊತ್ತಿಲ್ಲ ಮರ್ರೆ… ಅದ್ಕೆ ಟಾಸ್ ಹಾರ್ಸ್ತಾ ಇದ್ದೆ. ಹೆಡ್ ಬಿದ್ರ್ ಸರಿ ಅಂದೇಳಿ ಟೇಲ್ ಬಿದ್ರೆ ತಪ್ಪು ಅಂದೇಳಿ ಉತ್ರ ಬರಿತಾ ಇದ್ದೆ”

ಮಾಷ್ಟ್ರಿಗೆ ಇವ್ನ್ ಬುದ್ವಂತ್ಕಿ ಕಂಡ್ ತಲಿ ತಿರ್ಗ್ತ್… ಆರೂ ಸುಧಾರ್ಸ್ಕಂಡ್… “ನೀ ಏನ್ ಬೇಕಾರೂ ಮಾಡಿ ಸಾಯ್ ಮಾರಾಯಾ… ಓಟ್ಟ್… ನಮ್ ಶಾಲಿಗ್ ನಿನ್ನ್ ರಗ್ಳಿ ಒಂದ್ ಕೈದ್ ಆರ್ ಸಾಕ್” ಅಂದ್ರ್.
ಸುಮಾರ್ ಅರ್ಧ ಗಂಟಿ ಆಪ್ಕೂ ಕುಟ್ಟಿ ಎದ್ ನಿಂತ್ಕಂಡ್ ಕೇಂಡಾ… “ಸರ್ ನಂದ್ ಬರ್ದ್ ಆಯ್ತ್… ನಾ ಮನಿಗ್ ಹೋಪ್ದಾ“

ಮಾಷ್ಟ್ರು ಹೇಳ್ರ್… “ಎಂತ ಗಡ್ಬಿಡಿ ನಿಂಗೆ ? ಕೆಸಿನ್ ಬುಡಕ್ಕ್ ಕರಿನ್ ಕಟ್ಟಿ ಬಂದಿದ್ಯಾ? ಎಲ್ಲರದ್ ಬರ್ದ್ ಆರ್ ಮೇಲೆ ಒಟ್ಟಿಗ್ ಹೋಯ್ಲಕ್… ಸುಮ್ನ್ ಕೂಕೋ ಈಗ”

ಸರಿ ಕುಟ್ಟಿ ಕೂಕಂಡ… ಸುಮಾರ್ ಹೊತ್ತ್ ಆರ್ ಮೇಲ್ ಮಾಷ್ಟ್ರು ಕಾಂತ್ರ್ ಕುಟ್ಟಿ ಮತ್ತ್ ಟಾಸ್ ಹಾಕ್ತಾ ಇದ್ದ… ಮಾಷ್ಟ್ರು ಹತ್ರ ಹೋಯಿ ಕೇಂಡ್ರ್… “ಆಗ್ಲೇ ಬರ್ದ್ ಆಯ್ತ್ ಅಂದೆ… ಈಗ ಮತ್ತ್ ಎಂತಕ್ ಟಾಸ್ ಹಾರ್ಸ್ತಾ ಇದ್ದೆ?”

ಕುಟ್ಟಿ ಹಗೂರ ಹೇಳ್ದಾ… “ಎಂತದಿಲ್ಯೇ… ಪುರ್ಸೊತ್ತ್ ಇದ್ದಿತಲ್ದಾ… ಅದ್ಕೆ ಬರದ್ ಉತ್ರ ಸರಿಯಾ ತಪ್ಪಾ ಅಂತ ಟಾಸ್ ಹಾರ್ಸಿ ಒಂದೊಂದಾಯಿ ಚಕ್ ಮಾಡಿ ಕಾಂತಾ ಇದ್ದೆ 🙂

ಇದಾರ್ ಮೇಲ್ ಆ ಶಾಲಿಗೆ ಮಾಷ್ಟ್ರು ಆಯಿ ಬಪ್ಪುಕೆ ಯಾರೂ ಒಪ್ಪುದಿಲ್ಲ ಅಂದೇಳಿ ಸುದ್ದಿ !!

ಎಷ್ಟ್ ಬೇಕಾರೂ ನೆಗಾಡಿ… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ) ಭಾಗ 2 :-)

ಎಷ್ಟ್ ಬೇಕಾರೂ ನೆಗಾಡಿ… ಇದ್ ಕುಂದಾಪ್ರ ಕನ್ನಡ ಜೋಕ್ಸ್ ಭಾಗ 2 🙂

ಇದು ಕುಟ್ಟಿ ಸಣ್ಣಕಿಪ್ಪತಿಗ್ ನೆಡದ್ದ್…

ಕುಟ್ಟಿ ಒಂದ್ ಇನ್-ಲ್ಯಾಂಡ್ ಲೆಟರಗೆ ಕಾಗ್ದ ಬರ್ದ್ ಎಡ್ರಸ್ ಬರಿತಾ ಇದ್ದ
ಅವ್ನ್ ಅಮ್ಮ ಬಂದ್ ಕೇಂಡ್ರ್… ’ಮಗಾ ಯಾರಿಗ್ ಕಾಗ್ದ ಬರೀತಿದ್ದೆ?’

ಕುಟ್ಟಿ ಹೇಳ್ದಾ… ‘ನಂಗೇ ಬರದ್ದ್ ಅಮ್ಮ… ಈಗ ಪೋಸ್ಟ್ ಮಾಡಿ ಬರ್ಕ್’

ಅವ್ನ್ ಅಮ್ಮನಿಗೆ ಇದ್ಯಾವ್ ನಮನಿ ವಿಚಿತ್ರ ಅನ್ಸಿ ಕೇಂಡ್ರ್ … ‘ನಿಂಗೆ ನೀ ಕಾಗ್ದ ಬರುದಾ… ಇದೊಳ್ಳೇ ಪಂಚಾಯ್ತಿ ಮರಾಯ… ಹೋಯ್ಲಿ ಎಂತ ಬರ್ದಿದೆ?’

ಕುಟ್ಟಿ ಹೇಳ್ದಾ… ‘ಅದ್ ಈಗ್ಲೇ ಹ್ಯಾಂಗ್ ಗೊತ್ತಾತ್ತ್? ನಂಗ್ ಕಾಗ್ದ ಸಿಕ್ರ ಮೇಲೆ ಗೊತ್ತಾಪ್ದ್ ಅಲ್ದಾ…’ 🙂
—————————————————————————————————————————

ಕುಟ್ಟಿ ಮತ್ ಚೀಂಕ್ರ ದೋಣಿಯಲ್ ಹೊಳಿ ದಾಟ್ತ ಇದ್ದಿರ್…

ಹೊಳಿ ಮಧ್ಯ ಬಪ್ಕೂ ಚೀಂಕ್ರ ಹೇಳ್ದಾ… ‘ಕುಟ್ಟಿಯಣ್ಣ… ಅಲ್ಕಾಣಿ ಮರ್ರೆ… ದೋಣಿ ಒಟ್ಟಿ ಆಯಿತ್… ನೀರ್ ಒಳ್ಗ್ ಬತ್ತಾ ಇತ್ತ್’

ಕುಟ್ಟಿ ಹೇಳ್ದಾ… ‘ಚೀಂಕ್ರಣ್ಣ… ನಿಮ್ಗೆ ತಲಿಬಿಸಿ ಎಂತಕೆ… ನಾ ಇದ್ನಲ್ಲ’

ಚೀಂಕ್ರ ಕೇಂಡಾ… ‘ನೀವ್ ಎಂತ ಮಾಡ್ತ್ರಿ?’

ಕುಟ್ಟಿ ಹೇಳ್ದಾ… ’ಮತ್ತೆಂತ ಇಲ್ಯೇ… ಇನ್ನೊಂದ್ ಒಟ್ಟಿ ಮಾಡ್ರ್ ಸೈ… ಆ ಒಟ್ಟಿಯಗ್ ಬಂದ್ ನೀರ್ ಈ ಒಟ್ಟಿಯಗೆ ಹೆರ್ಗ್ ಹೋತ್ತ್…’ 🙂

ಚೀಂಕ್ರ ಅಲ್ಲೇ ತಲಿ ತಿರ್ಗಿ ಬಿದ್ದನ್ ಇನ್ನೂ ಮೇಲ್ ಏಳಲ್ಲ ಅಂಬ್ರ್ !!
—————————————————————————————————————————

ಮಾಷ್ಟ್ರು ಅಂಕಗಣಿತ ಪಾಠ ಮಾಡ್ತಾ ಪ್ರಶ್ನೆ ಕೇಂಡ್ರ್

ಮಾಷ್ಟ್ರು: ಕುಟ್ಟಿ… ನಿನ್ನತ್ರ 2000 ರೂಪಾಯಿ ಇತ್ತ್. ಅದ್ರಗೆ ನೀನ್ ಒಂದ್ ಸಾವ್ರ ಚೀಂಕ್ರನಿಗೆ ಸಾಲ ಕೊಡ್ತೆ ಅಂತ ಎಣ್ಸ್ಕೋ.
ಸಾಲಕ್ಕ್ ಒಂದ್ ವರ್ಷಕ್ಕ್ 10 % ಲೆಕ್ಕದಗೆ ಬಡ್ಡಿ ಹಾಕ್ರೆ ಎಷ್ಟ್ ಬಡ್ಡಿ ಆತ್ತ್?

ಕುಟ್ಟಿ ಹೇಳ್ದಾ… ‘ನೀವ್ ಬರೀ ಹೊಟ್ಟಿತಿಪ್ಪು ಮಾತ್ ಆಡ್ಬೇಡಿ ಸರ್… ಅಸ್ಲ್ ಸಿಕ್ರೇ ನನ್ನ್ ಅಜ್ಜಿ ಪುಣ್ಯ.. ನೀವ್ ಬಡ್ಡಿಗ್ ಹೋದ್ರಿ ಮರ್ರೆ’ 🙂
—————————————————————————————————————————

ಸಮಾ ನೆಗಾಡಿ… ಆಪಲ್ಲಿವರಿಗ್ ಲಗಾಡಿ… ಇದ್ ಕುಂದಾಪ್ರ ಕನ್ನಡ ಜೋಕ್(ಕೇ)… ಹ್ವಾಯ್ :-)

ಕುಂದಾಪ್ರ ಕನ್ನಡ ಜೋಕ್ಸ್… ಸಮಾ ನೆಗಾಡಿ… ಆಪಲ್ಲಿವರಿಗ್ ಲಗಾಡಿ… 🙂

 

 

 

 

ಒಂದಿನ ಕುಟ್ಟಿ ಕುಂದಾಪ್ರಕ್ಕೆ ಬಂದಿದ್ದ. ಮನಿ ಬದಿಗೆ ಹೋಪುಕೆ ಬಸ್ಸಿಗೆ ಕಾಯ್ತ ಶಾಸ್ತ್ರಿ ಸರ್ಕಲ್ಲಗೆ ನಿಂತಿದ್ದ

ಅಷ್ಟೊತ್ತಿಗೆ ಅಲ್ಲಿಗೆ ಒಬ್ಬ ಬೇಡುವವ ಅವ್ನತ್ರ ಬಂದ

‘ಹ್ವಾಯ್… ಒಂದ್ ರುಪಾಯ್ ಇದ್ರೆ ಕೊಡಿ ಮರ್ರೆ…’ ಅಂತ ಕುಟ್ಟಿ ಹತ್ರ ಕೇಂಡ

ಕುಟ್ಟಿ ಯಾವ್ ಸಿಟ್ಟಗೆ ಇದ್ದಿನೋ ಏನೋ….. ‘ನಿಂಗ್ ನಾಚ್ಕಿ ಆತಿಲ್ಯನಾ, ರಸ್ತಿ ಮೇಲ್ ನಿಂತ್ಕ ಬೇಡುಕೆ…’ ಅಂದೇಳಿ ಬೈದ

ಬೇಡುವವ ಹೇಳ್ದಾ, ‘ಹೋಯ್ನಿಯೇ… ನೀವ್ ಕೊಡ್ದಿರೆ ಅಷ್ಟೇ ಹೋಯ್ತ್… ನೀವ್ ಕೊಡು ಆ ಒಂದ್ರುಪಾಯಿಗೆ ನಾನ್ ರಸ್ತಿ ಮೇಲ್ ನಿಂತ್ಕಣ್ದೆ ಇನ್ನೆಂತಾ ಆಪಿಸ್ ಕಟ್ಟಿ ಕೂಕಂಬ್ಕ್ ಆತ್ತಾ?’ 🙂

ಇದಾದ್ರ್ ಮೇಲೆ ದೂರದಗೆ ಯಾರಾರು ಬೇಡುವರ್ ಕಂಡ್ರೂ ಸಾಕ್ ಕುಟ್ಟಿ, ಕಲ್ ಕುಟ್ಟಿ ಬೆರ್ಸತಾ ಅಂಬ್ರ್ ಅಂದೇಳಿ ಸುದ್ದಿ 🙂

_______________________________________________________________________________

ಕುಟ್ಟಿ ಒಂದ್ ಸಲ ಕಾರಗೆ ಕುಂದಾಪ್ರಕ್ಕೆ ಹೋಯಿದ್ದ. ಅವ್ನೊಟ್ಟಿಗೆ ಚೀಂಕ್ರ ಸತೇ ಹೋಯಿದ್ದಿದ

ಸರಿ ಕುಂದಾಪ್ರ ಬಂತ್… ಕಾರ್ ನಿಲ್ಸಿ ಕುಟ್ಟಿ ಕಾರಿನ ಚಕ್ರ ಬಿಚ್ಚುಕ್ ಶುರು ಮಾಡ್ದ

ಚೀಂಕ್ರ ‘ಬೌಷ ಕಾರಿನ್ ಚಕ್ರ ಪಂಚರ್ ಆಯಿತ್ತೆನೋ’ ಅಂದೇಳಿ ಎಣ್ಸಕಂಡ್ ಸುಮ್ನೆ ಕೂಕಂಡಿದ.

ಸಲ್ಪ ಹೊತ್ತಾರ್ ಕೂಡ್ಲೆ ಕುಟ್ಟಿ ಇನ್ನೊಂದ್ ಚಕ್ರ ಕಳ್ಚುಕೆ ಸುರು ಮಾಡ್ದ

ಚೀಂಕ್ರನಿಗೆ ಹೆದ್ರಿಕಿ ಸುರು ಆಯ್ತ್. ಕಾರಿಂದ್ ಕೆಳ್ಗ್ ಇಳ್ದ್… ‘ಕುಟ್ಟಿಯಣ್ಣ ಎಂತ ಮಾಡ್ತಿದ್ರಿ… ಚಕ್ರ ಎಂತಕೆ ಕಳ್ಚತಾ ಇದ್ರಿ’ ಅಂದ್ ಕೇಂಡ

ಕುಟ್ಟಿ ಮಂಡಿ ನೆಗ್ಗಿ ಹೇಳ್ದ… ‘ಹ್ವಾಯ್… ನಿಮ್ಮ್ ಕಣ್ ಹೊಟ್ಟಿ ಹೋಯಿತಾ ಎಂತ? ಅಲ್ಲ್ ಅಷ್ಟ್ ದೊಡ್ಡ್ ಬೋರ್ಡ್ ಬರ್ದ್ ಹಾಕಿರಲೇ…. ಇಲ್ಲಿ ಬರೀ ದ್ವಿಚಕ್ರ ವಾಹನ ಮಾತ್ರ ನಿಲ್ಲಿಸಬಹುದು ಅಂದೇಳಿ… ನಾ ಕಾರ್ ನಿಲ್ಸಕ್ ಅಲ್ದಾ… ಅದ್ಕೆ ಎರ್ಡ್ ಚಕ್ರ ಕಳ್ಚತಾ ಇದ್ದೆ…’ 🙂

_______________________________________________________________________________

ಕುಟ್ಟಿಗೆ ಬಸ್ಸಗೆ ಟಿಕೇಟ್ ಸಿಕ್ಕಲ್ಲ ಅಂದೇಳಿ ರೈಲಗೆ ಊರಿಗ್ ಹೊರ್ಟಿದ್ದ.

ಮನಿ ಮುಟ್ರ ಮೇಲೆ ಮನಿಯರತ್ರ ಹೇಳ್ದ ಅಂಬ್ರ್ …’ರಾತ್ರಿ ಪೂರ್ತಿ ನಿದ್ರಿ ಇಲ್ಲ…. ಮನ್ಕಣ್ಕ್‘

ಮನಿಯರ್ ಕೇಂಡ್ರ್ … ಎಂತಕೆ ಮನ್ಕಣಲ್ಯಾ ರೈಲಗೆ?

ಕುಟ್ಟಿ ಹೇಳ್ದ… ನಂಗೆ ಅಪ್ಪರ್ ಬರ್ತ್ ಸಿಕ್ಕಿತ್…. ಅಪ್ಪರ್ ಬರ್ತಗ್ ಮನ್ಕಂಡ್ರೆ ನಂಗ್ ನಿದ್ರಿ ಬತ್ತಿಲ್ಲ

ಆಲ್ಲ್ ಇದ್ದ ಅವ್ನ ನೆರ್ಮನಿದ್ ಒಂದ್ ಪಣ್ಕ್ ಗಂಡ್ ಕೇಂತ್… ‘ಕುಟ್ಟಿಯಣ್ಣ… ಕೆಳ್ಗಿನ ಬರ್ತಗೆ ಇದ್ದರ್ ಯಾರ್ ಹತ್ರಾರೂ ಬರ್ತ್ ಅದ್ಲ್-ಬದ್ಲ್ ಮಾಡುಕೆ ಕೇಣ್ಕ್ ಇತ್ತ್’

ಕುಟ್ಟಿ ಹೇಳ್ದ… ‘ಗಡಾ ನೀ ಸುಮ್ನಾಯ್ಕೋ… ನಂಗ್ ಅಷ್ಟೂ ಗೊತ್ತಾತಿಲ್ಲ್ಯಾ….. ನಾನೂ ಹಾಂಗೇ ಮಾಡ್ತಿದ್ದೆ…. ಆರೆ.. ಕಿಚ್ಚ್ ಹಿಡದ್ದ್… ಕೆಳ್ಗಿನ ಬರ್ತಗೆ ಯಾರೂ ಇರ್ಲೇ ಇಲ್ಲ ಬದ್ಲಾಯ್ಸಕಂಬ್ಕೆ.. 🙂

ರೈಸು – ಪುರೈಸು !!!

ಹ್ವಾಯ್ ಇದೆಂತ ದರ್ಶಿನಿ ಹೋಟ್ಲಗೆ ಜೀರಾ ರೈಸು, ಘೀ ರೈಸು ಅಂದೇಳಿ ಬೋರ್ಡ್ ಬರ್ದ್ ಹಾಕಿದಂಗಿತ್ತಲೆ.. ಎಂತಾ ಮರಾಯ್ರೆ ಹೋಟ್ಲ್ ಗೀಟ್ಲ್ ಇಟ್ಟಿರ್ಯಾ ಎಂತ ಕತಿ ಅಂದೇಳಿ ಮಂಡಿ ಗಿಂಡ್ಕಂಬ್ಕೆ ಶುರು ಮಾಡ್ಬೇಡಿ… ಹೋಟ್ಲ್ ಇಟ್ಟರೇ ಈಗ ಹ್ಯಾಂಗ್ ಸುಧಾರ್ಸುದಂದೇಳಿ ಮಂಡಿ ಬಿಶಿ ಮಾಡ್ಕಂಡಿದ್ರ್ ಮರ್ರೆ..ನೀವ್ ಎಂತದೋ ಹೇಳ್ತ್ರಿ… 🙂

ಮತ್ತೆಂತ ಅಲ್ಲ ಇದ್ ನಾನ್ ಇವತ್ತ್ ಹಿಡ್ಕಂಡ್ ಬಂದ್ ಕುಂದಾಪ್ರ ಕನ್ನಡ ಶಬ್ದ. ಈ ಶಬ್ದದ್ ಕತಿ ಎಂತ ಕಾಂಬ ಬನಿ ಹಂಗಾರೆ…

ರೈಸು = ಗಡದ್ದಾಗಿರು, ಭರ್ಜರಿಯಾಗಿರು, ಮಿಂಚುವುದು, ಕಳೆಕಟ್ಟುವುದು, ಮೆರೆಯು

ಯಾರಾರು ಬೆಂಗ್ಳೂರ್ ಬದಿಯರ ಹತ್ರ ರೈಸು ಅಂದ್ರೆ ಎಂತ ಅಂದೇಳಿ ಕೇಂಡ್ರೆ ಅವ್ರಿಗ್ ಗೊತ್ತಿಪ್ದ್ ಇಷ್ಟೇ.. “ವೈಟ್ ರೈಸು, ಜೀರಾ ರೈಸು, ಕಲರ್ಡ್ ರೈಸು, ಘೀರೈಸು, ರೈಸ್ ಬಾತ್ ಗೊತ್ತು ನಂಗೆ. ಇದ್ರಲ್ಲಿ ಯಾವ ರೈಸ್ ನೀವ್ ಹೇಳಿದ್ದು? ಇಲ್ಲ ನೀವು ಬಾಸ್ಮತಿ ರೈಸ್ ಬಗ್ಗೆ ಹೇಳ್ತಿದ್ದಿರಾ?” ಹೀಂಗಂದೇಳಿ ನಿಮ್ಮನ್ನೇ ಕೇಂತ್ರ್. ಅದನ್ನೂ ಕನ್ನಡದಗೆ ಕೇಂಡ್ರೆ ನಿಮ್ಮಜ್ಜಿ ಪುಣ್ಯ!!

ಇನ್ನೊಂದ್ ಬಾಯಲ್ಡ್ ರೈಸು (ಅದೇ ಮರ್ರೆ ನಮ್ಮ್ ಕೊಚ್ಚಕ್ಕಿ ಕೂಳ್!!) ಅಂದೇಳಿ ಇತ್ತಾರು ಈ ಬದ್ಯರಿಗೆ ಅದ್ ಆಯ್ ಬತ್ತಿಲ್ಯಲೆ.

ಇರ್ಲಿ ಈಗ ನಮ್ಮ ಕುಂದಾಪ್ರದ ರೈಸು ಎಂತ ಕಾಂಬ

ಏನಾರೂ ಭರ್ಜರಿಯಾದ ಪ್ರದರ್ಶನ, ಗಮನಸೆಳೆಯುವ ವ್ಯಕ್ತಿ-ವಿಶೇಷಗಳು, ಗುಂಪಿನಲ್ಲಿ ಮಿಂಚುವುದು ಹೀಂಗೆ ಸುಮಾರ್ ಸಂದರ್ಭದಗೆ ಈ “ರೈಸುವುದು” ಉಪ್ಯೋಗ ಆತ್ತ್

ಈ ಶಬ್ದ ಇಂಗ್ಲೀಶಿನ ರೈಸ್(rise)ನಿಂದ ಬಂದಿತಾ ಅಂದೇಳಿ ನನ್ ಅನ್ಮಾನ ಅಷ್ಟೇ. ಹೇಚ್ಚೂ ಕಡ್ಮಿ ಅರ್ಥ ಸತೇ ಹೊಂದಾಣ್ಕಿ ಆತ್ತ್

ಬಳಕೆ:

೧. ಮೊನ್ನೆ ಪೆರ್ಡೂರ್ ಮ್ಯಾಳ್ದರ್ ಆಟ ಏನ್ ರೈಸಿ ಹೋಯ್ತ್ ಮರಾಯ, ಬೆಳ್ಗಾಪೊಲ್ಲೊರಿಗೂ ಒಂಚೂರ್ ಕಣ್ಣ್ ಕೂರ್ರೆ ಹೇಳ್. ಅದ್ರಗೂ ಗದಾಯುದ್ಧ ಪ್ರಸಂಗನ್ನಂತೂ ಹೊಡಿ ಹಾರ್ಸಿ ಕೊಟ್ರ್ ಕಾಣ್

೨. ಮೊನ್ನೆ ಅಷ್ಟ್ ಜನ ಪದ್ಯ ಹೇಳ್ರ್ ಸುಳ್ಳಾ.. ಆರೆ ನಿನ್ನ್ ಪದ್ಯ ರೈಸ್ದಷ್ಟ್ ಇನ್ಯಾರದ್ದೂ ರೈಸ್ಲಿಲ್ಲ ಕಾಣ್

೩. ಎಂತ ಒಳ್ಳೇ ಗಡ್ಜಾಯಿ ಮದಿ ಮನಿಗ್ ಹೋರ್ಟಂಗಿತ್ತ್…ಎಷ್ಟ್ ರೈಸುಕಿತ್ತೋ ಏನ್ ಕತಿಯೋ…

ಪುರೈಸು = ಫೂರೈಸು, ನೀಗಿಸು, ಈಡೇರಿಸು, ಪೂರ್ತಿಮಾಡು,ಭರ್ತಿ ಮಾಡು,ಸರಬರಾಜು, ಸಾಗಣೆ

 ಪೂರೈಸು ಅನ್ನುವ ಗ್ರಾಂಥಿಕ ರೂಪ ಬಳಕೆಯಲ್ಲಿದೆಯಾದರೂ ಅದನ್ನು ಕುಂದಾಪುರ ಕನ್ನಡದಲ್ಲಿ ಚಿಕ್ಕದಾಗಿ-ಚೊಕ್ಕವಾಗಿ ಪುರೈಸು ಅಂತ ಬಳಕೆಯೇ ಜಾಸ್ತಿ. ಗ್ರಾಂಥಿಕ ಕನ್ನಡದಲ್ಲಿ ಪೂರೈಸು ಅನ್ನುವುದರ ಅರ್ಥ ಹೆಚ್ಚಾಗಿ ಒದಗಿಸು, ಈಡೇರಿಸು, ಪೂರ್ತಿಮಾಡು ಅಥವಾ ಮುಗಿಸು ಅನ್ನುವ ಅರ್ಥದಲ್ಲಿಯೇ ಬಳಸಲಾಗುತ್ತದೆ. ಉದಾಹರಣೆಗೆ ವಿದ್ಯುತ್ ಪೂರೈಕೆ, ಆಸೆ ಪೂರೈಸು, ಕೆಲಸವನ್ನು ಪೂರೈಸು. ಆದರೆ ಕುಂದಾಪುರ ಕನ್ನಡದಲ್ಲಿ ಈ ಎಲ್ಲಾ ಸಂದರ್ಭಗಳಿಗೆ ಹೊರತಾದ ಬಳಕೆಯೂ ಇದೆ. ಇದಕ್ಕೆ ಬೆಂಗಳೂರಿನ ಕಡೆ ಬಳಕೆಯಲ್ಲಿರುವ, ವ್ಯಾಪಾರಿಗಳು ಉಪಯೋಗಿಸುವ “ಗಿಟ್ಟುವುದು” aಅನ್ನುವ ರೂಡಿಯಲ್ಲಿನ ಶಬ್ದಕ್ಕೆ ತೀರಾ ಹತ್ತಿರದ ಅರ್ಥದಲ್ಲಿ ವ್ಯಾಪಾರ-ವ್ಯವಹಾರಗಳ ಕೊಡು-ಕೊಳ್ಳುವಿಕೆಯಲ್ಲಿ ಬಳಸಲಾಗುತ್ತದೆ. ನನಗೆ ತಿಳಿದಂತೆ ಈ ರೀತಿಯ ಅರ್ಥದಲ್ಲಿ ಪೂರೈಸು ಪದವನ್ನು ಬೇರೆ ಕಡೆ ಬಳಸುವುದು ತೀರಾ ಕಡಿಮೆ

(ಕುಂದಾಪ್ರ ಕನ್ನಡದ್ ಬಗ್ಗೆ ಯೋಚ್ನೆ ಮಾಡುವತಿಗೆಲ್ಲಾ ನಂಗೊಂದ್ ಆಲೋಚ್ನಿ ಬತ್ತ್. ಎಂತ ಕೇಂಡ್ರ್ಯಾ? ಈ ಉಕ್ತಲೇಖನ(ಅಂದ್ರೆ ಯಾರಾರೂ ಹೇಳದ್ದನ್ನ ಬರ್ಕಂಬತಿಗೆ)ಕ್ಕೆ ಶಾರ್ಟ್ ಹ್ಯಾಂಡ್ ಅಂದೇಳಿ ಎಂತೆಲ್ಲಾ ಕೋಡ್ ವರ್ಡ್ ಮಣ್ಣ್ ಮಶಿ ಎಲ್ಲಾ ಕಲಿತ್ರಲೆ, ಅದ್ರ್ ಬದ್ಲ್ ಕುಂದಾಪ್ರ ಕನ್ನಡದಗೆ ಬರ್ಕಂಡ್ರೆ ಅದಕ್ಕಿಂತ್ ಬೇಗ್ ಬರುಕಾತ್ತಾ ಅಂದೇಳಿ!! ಈಗ ನೀವೇ ಕಾಣಿ…”ನಾನು ದಾರಿಯಲ್ಲಿ ಬರುತ್ತಿರುವಾಗ” ಇದನ್ನೇ ಕುಂದಾಪ್ರ ಕನ್ನಡದಗೆ “ನಾ ದಾರಿಲ್ ಬಪ್ಪತಿಗೆ” ಅಂದೇಳಿ ಎಷ್ಟ್ ಸಣ್ಣದ್ ಮಾಡಿ, ಲಾಯ್ಕಾಯಿ ಬರೀಲಕ್ಕ್ ಕಾಣಿ, ನಾ ಹೇಳದ್ದ್ ಸುಳ್ಳಾ ಮತ್ತೆ!! ಇರ್ಲಿ ವಿಷ್ಯ ಒಳ್ದಾರಿ ಹಿಡ್ಕಂಡ್ ಎತ್ಲಾಗೋ ಹೋಯ್ತ್

ಬಳಕೆ:

೧. ನನ್ ಒಬ್ನ್ ಕೈಲ್ ಮಾಡಿ ಪುರೈಸುಕಾಪ್ದಲ್ಲ. ಯಾರಾರೂ ನಾಕ್ ಜನ ಒಟ್ಟಿಗಿದ್ರೆ ಒಂದ್ ಕೈ ಕಾಣ್ಲಕ್ಕ್

೨. ಒಂದ್ ನಾಕ್ ದಿನ ಇದ್ದ್ ಹೋಪ್ರಿಯಲೆ, ನಾಳಲ್ಲ ನಾಡ್ದಂದ್ರೆ ಕಮ್ಲಶಿಲಿ ಹಬ್ಬ. ಹಬ್ಬ ಪುರೈಸ್ಕಂಡೇ ಹೋದಂಗಾತ್

೩. ಇಲ್ಯೇ.. ನೀವ್ ಅಷ್ಟ್ ಕಡ್ಮಿಗ್ ಕೇಂಡ್ರ್ ಹ್ಯಾಂಗೆ, ಅಷ್ಟಕ್ ಕೊಟ್ರೆ ನಮ್ಗ್ ಪುರೈಸುದಿಲ್ಲ

ಹೈಲ್ =  ಈ ಶಬ್ದಕ್ಕೆ ಹೈರಾಣ ಅನ್ನುವ ಶಬ್ದ ಅತೀ ಸಮೀಪದ ಅರ್ಥ ಕೊಡುತ್ತದೆ

(ಹೈರಾಣ =ಕಂಗಾಲಾಗುವಿಕೆ, ಕಷ್ಟ, ತೊಂದರೆ, ದಣಿವು, ಬಳಲಿಕೆ – ಸಂಕ್ಷಿಪ್ತ ಕನ್ನಡ ನಿಘಂಟು)

ಬಳಕೆ:

೧. ಅವ್ನ್ ಮಾತ್ ಕೇಂಡ್ಕಂಡ್ ನೀ ಹೈಲಾದ್ದ್ ಸಾಕ್ ಮರಾಯ. ಅವ್ನಿಗೆ ಎಂತ ಗೊತ್ತಿತಂದೇಳಿ ಅವ್ನತ್ರ ಕೇಂಬ್ಕ್ ಹೋದ್ದ್ ನೀನ್

೨. ಈ ಮಳೀನ್ ನಂಬ್ಕಂಡ್ ಗೆದ್ದಿ ಬ್ಯಾಸಾಯ ಮಾಡ್ತೆ ಅಂದ್ಕಂಡ್ರೆ…ಕಡೀಕ್ ಕತಿ ಹೈಲ್ ಆಪ್ದೇ ಸೈ

೩. ಈ ಮಳಿ ಬಪ್ಪತಿಗೆ ಕುಂದಾಪ್ರ ಸಂತಿಗ್ ಹೋಯ್ ಯಾಪಾರ ಮಾಡ್ಕಂಡ್ ಬಪ್ರೊಳ್ಗೆ ನಮ್ಮ್ ಯಾಪಾರ ಹೈಲ್ ಅಲ್ದೇ. ಒಂದ್ ಗಳ್ಗಿಯಾರೂ ಮಳಿ ಚಡಿ ಕೊಟ್ರ್ ಕಾಣಿ

ಅಂತೂ ರೈಸು-ಪೂರೈಸು ಕತಿ ಬರುದ್ರೊಳ್ಗೆ… ಕಂಪೂಟ್ರ್ ಕುಟ್ಟಿ ಕುಟ್ಟಿ ನಮ್ ಕತಿ ಹೈಲಾಯ್ತ್ ಕಾಣಿ 🙂

ತಿಂಗ್ಳ್ ಭರ್ತಿ ಆಯಿ.. ಮೇಲೊಂದ್ ತಿಂಗ್ಳಾಯ್ತ್ ಕಾಣಿ…!!!

ಈ ಬದಿಗ್ ಬಾರ್ದೆ…ಭರ್ತಿ 10 ತಿಂಗ್ಳ್ ಆಯ್ತ್. ಅದೆಂತದೊ ಗಜಗರ್ಭ ಅಂತ್ರಲ್ದಾ ಹಾಂಗಿನ್ ಕತಿ ಆಯ್ತ್. ಇವತ್ತ್ ಬರಿತೆ ನಾಳೆ ಬರಿತೆ… ನಾಡ್ದಿಗಂತೂ ಬರ್ದೇ ಶುದ್ಧ ಅಂದ್ಕಂಡ್ ಅಂದ್ಕಂಡ್…. ದಿನ ಮಸ್ತ್ ಆಯ್ತ್. ಇವತ್ತ್ ಎಂತಾರೂ ಸೈಯೇ… ಬರಿದೆ ಬಿಡುದಿಲ್ಲ ಅಂದೇಳಿ ಎಣ್ಸಕಂಡ್ ಉದಾಶಿನ ಎಲ್ಲ ಒಟ್ಟ್ ಮಾಡಿ ಪೆಟ್ಗಿಒಳ್ಗೆ ಹಾಕಿ ಬರುಕ್ ಕೂಕಂಡಿದೆ…ಈ ಬ್ಲಾಗಿನ್ ಕತಿಯೇ ಹೀಂಗೆ ಕಾಣಿ… ಬರಿತಾ ಇದ್ರೆ, ಒಂದಲ್ಲಾ ಒಂದ್ ವಿಷ್ಯ ಬರುಕ್ ಸಿಕ್ಕತ್ತ್… ಒಂದ್ ನಾಕ್ ದಿನ ಬರುದ್ ನಿಲ್ಸ್ರೆ ಸಾಕ್.. ಎಂತಾ ಬರುದ್ ಎಂತಾ ಬರುದ್ ಅಂದೇಳಿ ದಿನ ಹೊದ್ದೇ ಗೊತ್ತಾತಿಲ್ಲ..ಮೊದ್ಲ್ ಎಷ್ಟೇ ಬರದ್ದಿದ್ರೂ ಈಗ ಪುನ ಗಣ್ಪತಿ ಪದ್ಯದಿಂದ್ಲೇ ಶುರು ಮಾಡ್ಕಾತ್ತ್…

ಅಂದಾಂಗೆ ನಾಡ್ದ್ ಹನ್ನೊಂದ್ನೇ ತಾರೀಕ್ ಬಂದ್ರೆ ಬ್ಲಾಗಿಗೆ ಮೂರ್ ವರ್ಷ ಆತ್ತ್. ಇಷ್ಟ್ ದಿನ ಹ್ಯಾಂಗಿದ್ರೂ ಬ್ಲಾಗಿಗೆ ಉಪ್ವಾಸವೇ ಆಯ್ತ್. ಹುಟ್ದಬ್ಬನಾರೂ ಗಡ್ಜಾಯಿ ಮಾಡಿ ಹೊಟ್ಟಿ ತುಂಬಾ ಊಟ ಹಾಕುದ್ ಬ್ಯಾಡ್ದಾ ಹಂಗಾರೆ…. ಅದಕ್ಕೇ ಇವತ್ತ್ ಅರ್ಧ ದಿನ ಕೂತ್ಕಂಡ್ ಹುಟ್ದಬ್ಬಕ್ಕೆ ಅಡ್ಗಿ ಮಾಡದ್ದೇ ಮಾಡದ್ದ್…. ನೀವೂ ಬಂದ್ ಒಂದೆರ್ಡ್ ತುತ್ತ್ ತಿನ್ಕಂಡ್ ಹೋರೆ ನಂಗೂ ಖುಶಿಯಾತ್ತ್ ಕಾಣಿ.. ಹುಟ್ದಬ್ಬಕ್ಕೆ ಬರೀ ಕೈ ಬೀಸ್ಕಂಡ್ ಬರ್ಬೆಡಿ.. ಎಂತಾರೂ ಹಿಡ್ಕಂಡ್ ಬನಿ… ಅಂದ್ರೆ ಓದಿ ನಿಮ್ಮ ಅಭಿಪ್ರಾಯ ನಂಗ್ ಹೇಳ್ರೆ ಅದೇ ನೀವ್ ಕೊಡು ಉಡ್ಗ್ರಿ…  🙂

ಮೊನ್ನೆ ಮೊನ್ನೆ ಒಂದ್ ಸುದ್ದಿ ಗೊತ್ತಾಯ್ತ್… ಕುಂದಾಪ್ರ ಕನ್ನಡದಗೆ ಒಂದ್ ಆಲ್ಬಮ್ ಬಂದಿತಂಬ್ರ್.. ಯೆಂತ ಮದಿ ಆಲ್ಬಮ್ಮಾ ಕೇಣ್ಬೇಡಿ… ಮ್ಯುಸಿಕ್ ಆಲ್ಬಮ್ ಮಾರಾಯ್ರೆ…ರವಿ ಬಸ್ರೂರು ಅಂಬರೊಬ್ರ್ ಒಂದಿಷ್ಟ್ ಜನಿನ್ ಒಟ್ಮಾಡಿ ಒಂದ್ ಒಳ್ಳೆ ಕೆಲ್ಸ ಮಾಡಿರ್… ಆಲ್ಬಮ್ಮಿದ್ ಹೆಸ್ರೇ ಗಮ್ಮತಿತ್ತ್… ಪಣ್ಕ್ ಮಕ್ಕಳ್ ಅಂದೇಳಿ…ಆದ್ರದ್ ಒಂದ್ ಸಣ್ಣ್ ಶ್ಯಾಂಪಲ್ ಇಲ್ಲಿತ್ತ್ ಕಾಣಿ…

http://www.youtube.com/watch?v=XBP9LCUdlOc

ಆ ಅಲ್ಬಮ್ ಬಿಡುಗಡೆ ಸೈತ ಆಯ್ತಂಬ್ರ್…ಆ ಸಮಾರಂಭದ ಒಂದ್ ಸಣ್ಣ್ ವೀಡ್ಯೊ ಸೈತ ಇತ್ತ್…

http://www.youtube.com/watch?v=XMzSeUEIuXI&feature=related

ಇದ್ರದ್ದ್ ಸೀಡಿ ಊರ್ಬದಿಯಗೆ ಸಿಕ್ಕತ್ತಿರ್ಕ್.. ಬೆಂಗ್ಳೂರಗೆ ಎಲ್ಲಾರೂ ಸಿಕ್ಕತ್ತಾ ಕಾಣ್ಕ್…ನಿಮ್ಗೆಲ್ಲಾರೂ ಎಲ್ಲ್ ಸಿಕ್ಕತ್ತ್ ಅಂದೇಳಿ ಗೊತ್ತಿದ್ರೆ ನಂಗ್ ಹೇಳಿ ಅಕಾ? ಹನುಮಂತ ನಗರದಗೆ ಕ್ಯಾಸೆಟ್ ಕಾರ್ನರವ್ರದ್ದ್ ಒಂದ್ ಅಂಗ್ಡಿ ಇತ್ತ್.. ನಾನ್ ಯಕ್ಷಗಾನ ಸೀಡಿ ತಕಂಬ್ದೆಲ್ಲ ಅಲ್ಲೇ. ಇನ್ನೊಂದ್ ಸರಿ ಆ ಬದಿಗೆ ಹೋರೆ ಸಿಕತ್ತಾ ಕಾಣ್ಕ್

ಗಣ್ಪತಿ ಪದ್ಯ ಆಯ್ತಲ…. ಇನ್ನ್ ಹಗೂರಕ್ಕೆ ಬಾಲಗೋಪಾಲ, ಸ್ತ್ರೀವೇಷ ಒಡ್ಡೋಲ್ಗ ಶುರು ಮಾಡುಕ್ ಅಡ್ಡಿಲ್ಲ 🙂

ಅಂದ್ಹಾಂಗೆ…..ಬಾಲಗೋಪಾಲ ಸ್ತ್ರೀ ವೇಷ ಅಂದ್ರ್ ಕೂಡ್ಲೆ ನೆನ್ಪಾಯ್ತ್ ಕಾಣಿ… ಯಕ್ಷಗಾನದ ಸುಮಾರ್ ಆಡಿಯೋ ಎಲ್ಲಾ ಕನ್ನಡ ಆಡಿಯೊ.ಕಾಮ್ ಸೈಟಗೆ ಸಿಕ್ಕತ್ತ್… ಪುರ್ಸೊತ್ತಿದ್ರೆ ಕೇಂಡ್ ಕಾಣಿ ಸುಮಾರ್ ಪ್ರಸಂಗ ಇತ್ತ್

http://www.kannadaaudio.com/Songs/Yakshagana/home/

ಇವತ್ತ್ ಇನ್ನೊಂದಿಷ್ಟ್ ಕುಂದಾಪ್ರ ಬದಿ ಶಬ್ದ ಹೆಕ್ಕಿ ಹಿಡ್ಕಂಡ್ ಬಂದಿದೆ.. ಹೆಕ್ಕುಕೆ ಎಲ್ಲ್ ಬಿದ್ದೊಯಿತ್ತಾ ಅಂದೇಳಿ ಕೇಣ್ಬೇಡಿ ಮತ್ತೆ.. ಆಯ್ತ್ ಹುಡ್ಕಿ ಹಿಡ್ಕಂಡ್ ಬಂದಿದೆ.. ಹುಡ್ಕುಕೆ ಎಲ್ಲ್ ಕಳ್ದೋಯಿತ್ ಅಂದೇಳಿ ಕೇಂಡ್ರ್ಯಾ? ಇರ್ಲಿ ಬಿಡಿ… ಚೌಕಿ ಬಿಟ್ಟ್.. ಸೀದಾ ರಂಗಸ್ಥಳಕ್ಕೇ ಬಪ್ಪ ಈಗ…

ಕೈಕೋಚ್= ತೊಂದರೆ, ಇಕ್ಕಟ್ಟು (ಕನ್ನಡ ಸಂಕ್ಷಿಪ್ತ ನಿಘಂಟು)

ಈ ಶಬ್ದದ್ ಅರ್ಥ ತೊಂದರೆ,ಇಕ್ಕಟ್ಟು ಅಂದೇಳಿ ಇತ್ತಾರೂ ಇದನ್ನ್ ತುಂಟತನ-ಕಿತಾಪತಿ-ಕೀಟಲೆ ಅಂತ್ ಹೇಳುಕೆ ಹೆಚ್ಚಾಯಿ ನಮ್ ಬದಿಯಗೆ ಉಪ್ಯೋಗಿಸ್ತ್ರಾಯಿ ಕಾಣತ್

ಬಳಕೆ:

೧. ಆ ಮಾಣಿ ಒಂದ್ ಗಳ್ಗಿ ಸುಮ್ನ್ ಕೂಕಂತಿಲ್ಲ, ಹೋದಲ್ಲ್ ಬಂದಲ್ಲ್ ಸತೇ ಒಂದ್ ಕೈಕೋಚಂದ್ರೆ ಅಷ್ಟಿಷ್ಟಲ್ಲಾ… ಹೇಳಿ ಪೂರೈಸುಕಾಪ್ದಲ್ಲ

೨.ನಿನ್ನ್ ಕೈಕೋಚೆಲ್ಲ ನಿಲ್ಸಿ ಕೊಡ್ತೆ ಕಾಣ್. ದಿನಾ ಹುಣ್ಸಿ ಅಡ್ರಗೆ ಎರ್ಡೆರ್ಡ್ ಬಾರ್ಸ್ರೆ ಮಾತ್ರ ನೀ ಸುಮ್ನಾಯ್ಕಂಬ್ದಾ ಕಾಣತ್

ಚಾಷ್ಟಿ, ಚ್ಯಾಷ್ಟಿ= ತುಂಟತನ, ಕೀಟಲೆ

ಇದು ಚೇಷ್ಟೆ ಅನ್ನುವ ಪದದ ಕುಂದಾಪುರ ರೂಪ

ಇದೂ ಸೈತ ಕೈಕೋಚಿಗೆ ತೀರಾ ಹತ್ರದ್ ಶಬ್ದ. ಹೆಚ್ಚೂಕಡ್ಮಿ ಅದೇ ಅರ್ಥ ಬತ್ತ್

ಬಳಕೆ:

೧. ಶಾಲಿಗ್ ರಜಿ ಸಿಕ್ಕದ್ದೇ ಸೈ.. ಮಕ್ಳೆಲ್ಲಾ ಒಟ್ಟಾರಲ್ದಾ… ಸೈ ಬಿಡಿ.. ಇನ್ನ್ ಅವ್ರ್ ಚಾಷ್ಟಿ ತಡುಕೆಡ್ಯಾ

೨.ಮಗೂ ಸಣ್ದ್ ಅಂದ್ರ್ಯಾ… ಅಬ್ಬಾ ಅದ್ರ್ ಚ್ಯಾಷ್ಟಿಯೇ… ಬಲಾದ್ ಮಕ್ಳನ್ನಾರೂ ಸುಧಾರ್ಸಲಕ್ಕ್.. ಈ ಮಗಿನ ಸುಧಾರ್ಸುಕೆ ಎಡುದಿಲ್ಲ

ದರ್ಶಿನ= ಮೈಮೇಲೆ ದೇವ-ದೈವಗಳ ಆವಾಹನೆಯಾಗುವುದು

ಇದಕ್ಕೆ ಕುಂದಾಪ್ರ ಕನ್ನಡದಗೆ “ಮೈಮೇಲ್ ಬಪ್ಪುದ್” ಅಂತ್ ಸತೇ ಹೇಳ್ತ್ರ್.

( ಏನಾದರೂ ತೊಂದರೆ ತಾಪತ್ರಯಗಳು ಬಂದಾಗ, ಪಾತ್ರಿ ಅಂತ ಕರೆಯಲ್ಪುಡುವ ವ್ಯಕ್ತಿಯ ಮೈಮೇಲೆ ದೇವ-ದೇವತೆಗಳನ್ನು ಆವಾಹಿಸಿ ತಮ್ಮ ತೊಂದರೆ, ಸಂಕಷ್ಟಗಳನ್ನು ದೇವರ ಮುಂದೆ ನಿವೇದಿಸಿಕೊಂಡು ಅದಕ್ಕೆ ಪರಿಹಾರ,ಸಲಹೆಗಳನ್ನು ಪಡೆಯುವ ಒಂದು ವಿಶಿಷ್ಟ ವಿಧಿ-ವಿಧಾನ. ಇಲ್ಲಿ ಯಾವ ದೇವರು ಅಥವಾ ದೈವದ ಆವಾಹನೆ ನಡೆಸಲಾಗುತ್ತದೋ ಆ ದೇವರು-ಯಾ-ದೈವವೇ ಪಾತ್ರಿಯ ಬಾಯಲ್ಲಿ ತನ್ನ ನುಡಿಯನ್ನು ನುಡಿಸುತ್ತದೆ ಅನ್ನುವುದು ನಂಬಿಕೆ.ಇದರ ಸತ್ಯಾಸತ್ಯತೆಗಳ ಬಗ್ಗೆ ನಾನಿಲ್ಲಿ ಚರ್ಚಿಸಲು ಹೋಗುವುದಿಲ್ಲ. ಎಲ್ಲ ಅವರವರ ಭಾವ-ಭಕುತಿಗೆ ಬಿಟ್ಟ ವಿಚಾರ. ಆದರೆ ಈ ಪ್ರಕ್ರಿಯೆಯಲ್ಲಿ ಇರುವ ವೈಶಿಷ್ಟ್ಯವೆಂದರೆ ತುಂಬಾ ಕಷ್ಟದಲ್ಲಿರುವವರಿಗೆ ಹೇಳಿಕೊಳ್ಳಲಾಗದ ದುಃಖ ಇರುವವರಿಗೆ, ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿದವರಿಗೆ ತಮ್ಮ ಕಷ್ಟ-ಕೋಟಲೆಗಳನ್ನು ದೇವರ ಮುಂದೆ ನಿವೇದಿಸಿಕೊಂಡು ಮನಸ್ಸುಹಗರಾಗಿಸಿಕೊಂಡು ಸಮಾಧಾನ ಹೊಂದುತ್ತಾರೆ. ಅವರ ಸಮಸ್ಯೆ ಪರಿಹಾರವಾಗುತ್ತದೋ ಇಲ್ಲವೋ ಅನ್ನುವುದನು ಒತ್ತಟ್ಟಿಗಿಟ್ಟು ನೋಡಿದರೂ… ಕುಸಿದು ಹೋದ ಭರವಸೆ ಮರಳಿಸಿ ಒಂದಿಷ್ಟು ಸಮಾಧಾನವು ಅವರಲ್ಲಿ ಹೊಸ ಹುಮ್ಮಸ್ಸು ತುಂಬುತ್ತದನ್ನುವುದಂತೂ ಹದಿನಾರಾಣೆ ನಿಜ!! ನಗರಗಳಲ್ಲಿ ಕೌನ್ಸಿಲಿಂಗ್ ಎಂಬ ದೊಡ್ಡ ದೊಡ್ಡ ಶಬ್ದ ಬಳಸುತ್ತೆವೆ…. ಕೌನ್ಸಿಲಿಂಗಿನ ಎಂತಾ ಸರಳ-ಸುಲಭ ಗ್ರಾಮ್ಯ ರೂಪ ನೋಡಿ ಈ ದರ್ಶಿನ. ನಾವೂ ಮೂಢ ಅಂತ ಲೇವಡಿ ಮಾಡುವ ನಂಬಿಕೆಗಳಲ್ಲೂ ಎಂತಾ ತಿರುಳಿರುತ್ತೆ ನೋಡಿ. ನಾವು ಬರೀ ಸಿಪ್ಪೆಯನ್ನು ನೋಡಿ ಒಣಗಿದೆ ಅಂತ ತೀರ್ಮಾನಕ್ಕೆ ಬಂದು ಬಿಡುತ್ತೇವೆ. ಸಿಪ್ಪಿ ಬಿಡಿಸಿ ನೋಡಿದರೆ ಸಿಹಿಯಾದ ರಸಭರಿತ ತಿರುಳಿರಬಹುದಲ್ಲವೇ? ಇದೆಯೋ ಇಲ್ಲವೋ ಸಿಪ್ಪೆ ಸುಲಿದರೆ ತಾನೆ ಗೊತ್ತಾಗೋದು.. ಇರಲಿ, ನನ್ನ ಪುರಾಣವೇ ಉದ್ದವಾಯ್ತು

ಅಂದ ಹಾಗೆ.. ಈ ಶಬ್ದವನ್ನು ಅತಿಯಾದ ಕೋಪದಿಂದ ತರತರ ನಡುಗುವವರನ್ನು ಲೇವಡಿ ಮಾಡಲು ಸಹಾ ಬಳಸುತ್ತಾರೆ)

ಬಳಕೆ:

೧. ಮಗಿಗೆ ಏಗ್ಳಿಕ್ ಕಂಡ್ರೂ  ಹುಷಾರಿಪ್ಪುದಿಲ್ಲ. ಒಂದ್ ದರ್ಶಿನ ಮಾಡಿಯಾರೂ ಕೇಣ್ಲಕ್ಕಿತ್ತ್

೨.ಸಿಟ್ಟ್ ಬಂದ್ರ್ ಸಾಕ್… ಮೈಮೇಲ್ ದರ್ಶಿನ ಬಂದರ್ ಕಣಗ್ ಆಡ್ತ

ತಾಳ್ಸು= ಬೀಳಿಸು

(ತಾಳಿದವನು ಬಾಳಿಯಾನು ಅಂದೇಳಿ ಒಂದ್ ಗಾದಿ ಮಾತ್ ಇತ್ತಲ್ದಾ. ಅದನ್ನ ಕುಂದಾಪುರ ಕನ್ನಡದ ಅರ್ಥದಗೆ (ತಾಳು=ಬೀಳು) ಕಂಡ್ರೆ -ತಾಳಿದವನು ಹೇಗೆ ಬಾಳಿಯಾನು ಅಂತ ಕೇಣ್ಕಾತ್ತ್ ಕಾಣಿ  J)

ಬಳಕೆ:

೧. ಮಾಯ್ನ್ ಕಣ್ಣ್ ಕೈಗ್ ನೀಕುದಿಲ್ಲ. ಒಂದ್ ಅಡ್ಡ್-ಬಡ್ತಿಗೆ ಸಿಕ್ಕಿರೆ ಒಂದ್ ನಾಲ್ಕ್ ಹಣ್ಣ್ ಒಂದೇ ಪೆಟ್ಟಿಗೆ ತಾಳ್ಸುಕಾತಿತ್ತ್

೨.ಗ್ವಾಯ್ ಹಣ್ಣ್ ತಾಳ್ಸುಕಂದೇಳಿ ಕಲ್ಲ್ ಹೊಡಿಬೇಡಿ ಮಕ್ಳೇ.. ಮಿಜ್ರ್ ಪೂರಾ ಉದ್ರಿ ಹೋತ್ತ್… ಬೇಕಾರೆ ಕೊಕ್ಕಿ ತಂದ್ಕಂದ್ ಕೊಯ್ಕಣಿ

ಬಯಿನ್ ತೇರ್, ಬಯಿಂತೇರ್= ಬೈಗಿನ ತೇರು, ಸಂಜೆ ಹೊತ್ತು ರಥ ಎಳೆಯುವುದು

(ನಮ್ಮೂರ ಕಡೆ ಜಾತ್ರೆಯಲ್ಲಿ ಸಂಜೆಯ ಹೊತ್ತು ಎರಡನೆ ಬಾರಿ ರಥವನ್ನು ರಥಬೀದಿಯಲ್ಲಿ ಭಕ್ತರು ಎಳೆಯುತ್ತಾರೆ. ಅದಕ್ಕೆ ಬಯಿಂತೇರ್ ಅಂದರೆ ಬೈಗಿನ ಹೊತ್ತಿನ ತೇರು ಅನ್ನುತ್ತಾರೆ)

ಬಳಕೆ:

೧. ಬೆಳಿಗ್ಗೆ ಹಬ್ಬಕ್ ಹೋಪ್ಕಾಯಿಲ್ಲ.. ಮಧ್ಯಾನ್ಮೇಲಾರೂ ಹೋಯಿ ಬಯಿಂತೇರ್ ಆರೂ ಕಂಡ್ಕಂದ್ ಬರ್ಕಮಗಿತ್ತ್

ಹಪ್ಪು ನಾತ = ಸಹಿಸಲಾಗದಂಥ ದುರ್ವಾಸನೆ

ಬಳಕೆ:

೧. ಅವ್ರ್ ಹತ್ರ ಹೋರ್ ಸಾಕ್. ಹಪ್ಪ್ ನಾತ ಹೊಡಿತ್ತ್. ಅಂಗಿ ಪಂಜಿಗೆ ನೀರ್ ತೋರ್ಸಿ ಎಷ್ಟ್ ದಿನ ಆಯ್ತೇನೋ

೨.ಮೀಕಿದ್ರೆ ಮೊದ್ಲೇ ಬಟ್ಟಿ ಎಲ್ಲ ಒಗ್ದ್ ಬಿಡ್. ಹಾಂಗೆ ಬಿಟ್ರೆ ಅಲ್ಲೇ ಚೆಂಡಿ ಆಯಿ ನಾಳಿಗೆ ಹಪ್ಪ್ ನಾತ ಹೊಡಿತ್ತ್

ಬೆಳ್ಗಿನ ಜಾಮ, ಬೆಳಿಂಜಾಮ = ಬೆಳಗಿನ ಜಾವ, ನಸುಕು

(ಜಾವ ಅಂದರೆ ದಿನದ ಎಂಟನೇ ಒಂದು ಭಾಗ. ಒಂದು ಜಾವ ಅಂದರೆ ಸರಿಸುಮಾರು ಮೂರು ಗಂಟೆಗಳ ಕಾಲ)

ಬಳಕೆ:

೧. ನಾಳೆ ದೀಪಾವಳಿ ಅಲ್ದಾ, ಎಲ್ಲ ಬೆಳ್ಗಿನ್ ಜಾಮ ಬೇಗ್ ಎದ್ದ್ ಎಣ್ಣಿ-ನೀರ್ ಹಾಯ್ಕಂಡ್ ಮೀಕ್

೨.ಬೆಳ್ಗಿನ್ ಜಾಮಕ್ಕೆ ಎದ್ಕಂಡ್ ಆ ನಾಯಿ ಒರ್ಲುಕ್ ಶುರು ಮಾಡತ್ತ್. ಒಂದ್ಗಳ್ಗಿ ನಿದ್ರಿ ಮಾಡುಕೂ ಬಿಡುದಿಲ್ಲ

ಜಾಪ್ = ಚಾಪು

(ಇದು ಮೂಲತಃ ಮದ್ದಲೆ ಅಥವಾ ತಬಲ ಬಾರಿಸುವ ಒಂದು ಬಗೆಯ ಗತ್ತನ್ನು ಸೂಚಿಸುವ ಪದ. ಆದರೆ ಆಡುಮಾತಿನಲ್ಲಿ ಹುಸಿ ಜಂಬ, ಬಿಂಕ, ಗತ್ತು, ಒಣ ಪ್ರತಿಷ್ಟೆ ತೋರಿಸುವುದನ್ನು ಸೂಚಿಸಲು ಬಳಸಲಾಗುತ್ತದೆ)

ಬಳಕೆ:

೧. ಹೊಸ ಅಂಗಿ ಹಾಯ್ಕಂಡ್ ಬಂದಿದೆ ಅಂದೇಳಿ ಜಾಪ್ ಮಾಡುದ್ ಕಾಣ್. ಮಾತಡ್ಸರೆ ಸತೇ ಮಾತಾಡುದಿಲ್ಲ

೨.ನಿನ್ನ್ ಜಾಪೆಲ್ಲ ಇದ್ರೆ ಮನ್ಯಗ್ ಇಟ್ಕೋ.. ನನ್ನತ್ರ ಅದೆಲ್ಲ ನೆಡುದಿಲ್ಲ ಅಕಾ

ಬಿಲಾಸ್ ಬಿಡು = ಮನಬಂದಂತೆ ವರ್ತಿಸು , ಯಾರ ಅಂಕೆಗೂ ಸಿಗದಿರು

( ಈ ಶಬ್ದದ ಮೂಲದ ಬಗ್ಗೆ ಸಾಕಷ್ಟು ಹುಡುಕಿದೆ. ಆದರೆ ಖಚಿತವಾದ ಮಾಹಿತಿ ಸಿಗಲಿಲ್ಲ. ಬಿಲಾಸ್ ಅನ್ನುವುದು ವಿಲಾಸ ಅನ್ನುವ ಪದದಿಂದ ಬಂದಿರಬಹುದೇ ಅನ್ನುವುದು ನನ್ನ ಊಹೆ ಮಾತ್ರ. ಯಾರಿಗಾದರೂ ಗೊತ್ತಿದ್ದರೆ ತಿಳಿಸಿ)

ಬಳಕೆ:

೧. ಅವ ಹತ್ತಾ ಬಿಲಾಸ್ ಬಿಟ್ಟ್ ಹೋಯಿದ. ಎಂತಾರು ಹೇಳ್ರೆ ಬರೀ ಉಲ್ಟವೇ

೨. ಯಾರಾರೂ ಈ ನಮನಿ ಬಿಲಾಸ್ ಬಿಟ್ಟ್ ಹೋಪುಕಾಗ.

 

ಹೌದಾ ಸುಳ್ಳಾ ಕಾಣಿ ಬೇಕಾರೆ, ನಮ್ಮ್ ನಮ್ಮ್ ಭಾಷಿ ಚೆಂದ ಬೇರೆ ಯಾವ್ದಕ್ಕೂ ಬತ್ತಿಲ್ಲ ಅಲ್ದಾ?…

ಬಲ ಮಾಡುದ್ – ಬೆಳೆಸಿ ದೊಡ್ಡವರನ್ನಾಗಿ ಮಾಡು

ಬಳಕೆ –

೧.ದೊಡ್ಡಕೆ ಮಾತ್ ಬತ್ತ್ ಅಂದೇಳಿ ಮಾತಾಡ್ಬೆಡ, ಮಾತಾಡುಕೆ ಭಾರಿ ಸುಲ್ಭ, ನಿಮ್ಮನೆಲ್ಲ ಬಲ ಮಾಡ್ಕಿದ್ರೆ ಎಷ್ಟ್ ಕಷ್ಟ್ ಪಟ್ಟಿದೆ ಅಂದೇಳಿ ನಿಂಗೆಂತ ಗೊತಿತ್?

೨.ನಿಮ್ಗ್ ಬೇರೆ ಕೆಲ್ಸ ಇಲ್ಯಾ, ಮಕ್ಳನ್ನೆಲ್ಲ ಸಾಕಿ ಬಲ ಮಾಡುದೇ ಕಷ್ಟ, ಇನ್ನ್ ಶಾಲಿ ಗೀಲಿಗೆಲ್ಲ ಕಳ್ಸುಕೆ ಎಲ್ಲಿಗೆ ಹೋಪ್ದ್?

ಬಲಾದರ್ – ಬಲ ಆದವರು ,ದೊಡ್ಡವರು , ಹಿರಿಯರು

ಬಳಕೆ –

1. ಸಣ್ಣರಂದೇಳಿ ಇಲ್ಲ, ಬಲಾದರಂದೇಳಿ ಇಲ್ಲ, ಎದ್ರುತ್ರ ಕೊಡುಕೊಂದ್ ಸಮಾ ಕಲ್ತಿದೆ ಅಲ್ದಾ, ನಿಂಗ್ ಶಾಲ್ಯಗೆ ಮಾಷ್ಟ್ರ್ ಇದ್ನೇ ಹೇಳಿ ಕೊಟ್ಟದ್ದಾ?

೨ ನೀವ್ ನೀವೆ ಜಗ್ಳ ಮಾಡ್ಕಂಡ್ ಹೊಡ್ಕಂಬ್ದಾರೆ, ಹಂಗಾರೆ ಮನ್ಯಗೆ ಬಲಾದರ್ ಅಂದೇಳಿ ಇಪ್ದ್ ಎಂತಕೆ?

ಚಿರ್ಟು(ಚಿರಿಟು) – ಮುರುಟಿಕೊಳ್ಳು, ಸುರುಟಿಕೊಳ್ಳು,ಮುದುರು ( ಸಂಕ್ಷಿಪ್ತ ಕನ್ನಡ ನಿಘಂಟು)

ಬಳಕೆ –

೧          ಬಿಸ್ಲ್ ರಾಪ್ ಜೋರಿತ್ತ್. ಒಂದ್ ನಾಕ್ ಹನಿ ಮಳಿ ಬಿದ್ದಿರಾರೂ ಆತಿದ್ದಿತ್, ಮೆಣ್ಸಿನ ಗಿಡ್ದಗೆ ಕೋಡ್ ಪೂರಾ ಚಿರ್ಟಿ

ಹೋಯಿತ್ತ್

೨          ಒಂದ್ ನಾಕ್ ಮಾತ್ ಹೆಚ್ಚ್ ಹೇಳ್ರ್ ಸಾಕ್, ಮುಖ ಚಿರ್ಟ್ಸಕಂಡ್ ಕೂಕಂಡಾಯ್ತ್

೩          ಮಾಯ್ನ್‌ಮಿಡಿ ಉಪ್ಪಿಗ್ ಹಾಕದ್ದ್ ಉಪ್ಪಿನ್‌ಕಾಯ್ ಮಾಡ್ವ ಅಂದೇಳಿ ತೆಗ್ದ್ರೆ ಸಮಾ ಚಿರ್ಟಲೇ ಇಲ್ಲಪ್ಪ, ಉಪ್ಪ್ ಹಾಕದ್ದ್

ಸಾಕಾಯ್ಲಿಲ್ಯೋ ಏನೋ

ಉರ್ಡಕಂಬ್ದ್ – ಹೊಡೆದಾಡು, ಬಡಿದಾಡು

ಬಳಕೆ –

೧          ಉರ್ಡ್ಕಂಬ್ಕೆ ಹೋಯ್ಬೆಡ ಅಂದ್ರೆ ಕೇಂತಿಲ್ಲ. ನಾವೆಲ್ಲ ಹೇಳ್ರೆ ನಿಂಗ್ ಸಾಕಾತಿಲ್ಲ. ನಾಳೆ ಶಾಲಿಗೆ ಬಂದ್ ನಿಮ್ ಹೆಡ್ಮಾಷ್ಟ್ ಹತ್ರ ಹೇಳ್ತೆ. ಅವ್ರ್ ಬೆನ್ಮೇಲೆ ಎರ್ಡ್ ಬಿಟ್ರೆ ಎಲ್ಲ ತನ್ನಂತ್ಲೇ ಸಮಾ ಆತ್ತ್.

೨          ಸುರು-ಸುರಿಗೆ ಬೈಕಂತ ಇದ್ದಿರ್, ಒಂದ್ಗಳ್ಗಿ ಆಪ್ರೊಳ್ಗೆ ಇಬ್ರೂ ಅಂಗಿ ಕೈ ಮೇಲ್ ಮಾಡ್ಕಂಡ್ ಉರ್ಡಕಂಡದ್ದೇ ಅಲ್ದಾ, ಅಲ್ಲಿದ್ದರೆಲ್ಲ ಒಟ್ಟಾಯಿ ಬಿಡ್ಸರ್. ಅಲ್ದಿರೆ ಇವತ್ತ್ ಕಾಂತ ಕಾಂತ ಒಂದ್ ಕತಿ ಆತಿತ್ತ್

ಲಾಟ್ ಬಿಡು – ಸುಳ್ಳು ಹೇಳು, ಬೊಗಳೆ ಬಿಡು

ಬಳಕೆ –

೧          ಅಂವ ಹೇಳ್ತ ಅಂದೇಳಿ ನೀ ಅದನ್ನೆಲ್ಲ ನಂಬುಕ್ ಹೋಯ್ಬೆಡ, ಕೇಂಬರಿದ್ರೆ ಅಂವ ಎಷ್ಟೂ ಲಾಟ್ ಬಿಡ್ತ.

೨          ನಮ್ಗ್ ಗೊತ್ತಿಪ್ಕೋಯಿ ಆಯ್ತ್, ಯಾರಾರೂ ಗೊತ್ತಿಲ್ದಿದ್ದರೆ ಸಿಕ್ರೆ ಇವ ಲಾಟ್ ಬಿಡತ್ತ್ ಕೇಂಡ್ರೆ ಹೌದ್ ಅಂದೇಳಿಯೆ ಅಂದ್ಕಣ್ಕ್

ಲಗ್ತ್ ಆಯಿ – ಅನುಕೂಲವಾಗಿ, ಆ ಹೊತ್ತಿಗೆ ಸರಿಯಾಗಿ

ಬಳಕೆ –

೧          ನೀವ್ ಬಂದದ್ದ್ ಲಗ್ತ್ ಆಯ್ತ್ ಕಾಣಿ, ಇನ್ನೇನ್ ದೇವ್ರಿಗ್ ಮಂಗ್ಳಾರ್ತಿ ಶುರು ಆಪುಕಾಯಿತ್

೨          ಈಗ ಎರ್ಡ್ ಹೊಸ ಬಸ್ಸ್ ಬಿಟ್ಟಿರಲ ಭಾರಿ ಒಳ್ಳೆದಾಯ್ತ್, ನಾವ್ ಶಾಲಿಗ್ ಹೊರ್ಡು ಸುರಿಗೆ ಲಗ್ತಾಯಿ ಬತ್ತ್

೩          ಈ ಉರಿ ಬಿಸ್ಲಗೆ ಹೊರ್ಡುದ್ ಬ್ಯಾಡ, ಹೊತ್ತೋಪತ್ತಿಗೆ ಹೊರ್ಟ್ರೆ ಲಗ್ತ್ ಆತ್ತ್, ಕತ್ಲಿ ಆಪುರೊಳ್ಗೆ ಮನಿಗ್ ಹೋಯ್ಲಕ್ಕ್

ವಾರಂತ್ – ಸಾಲಾಗಿ, ಅನುಕ್ರಮವಾಗಿ

ಬಳಕೆ –

೧          ಈ ಸರ್ತಿ ಚೌತಿ ಶುಕ್ರವಾರ ಬಂದದ್ದ್ ಭಾರಿ ಲಾಯ್ಕಾಯ್ತ್, ವಾರಂತ್ ಆಯಿ 3 ದಿನ ರಜಿ ಸಿಕ್ಕತ್ತ್

೨          ಈ ಮಳ್ಗಾಲದಗೆ ಮನ್ಯಗೆ ಒಬ್ರಿಗೆ ಜ್ವರ ಬಂದದ್ದೇ ಸೈಯಲ್ಲ, ವಾರಂತಾಯಿ ಒಬ್ಬೊಬ್ರಿಗೇ ಜ್ವರ, ಬಿಡ್ಸದ್ ಹಾಸ್ಗಿ ಮಡ್ಚಲೇ ಇಲ್ಲ

ಎಬ್ಬು – ಅಟ್ಟು, ಓಡಿಸು ( ಸಂಕ್ಷಿಪ್ತ ಕನ್ನಡ ನಿಘಂಟು)

ಬಳಕೆ –

೧          ಮಧ್ಯಾಹ್ನ ಒಂದ್ ಗಳ್ಗಿ ಮಲ್ಕಂಬ ಅಂದ್ರೆ ಬಿಡ್ತ್ವಾ, ಯಾರ್ಯಾರ ಮನಿ ಗಂಟಿ ಪೂರಾ ಇಲ್ಲೇ ಸಾರ್ತಿ ಆಯಿದೊ, ಎಬ್ಬಿ ಎಬ್ಬಿ ಸಾಕಾಯ್ತ್

೨          ಇನ್ನೊಂದ್ ಸ್ವಲ್ಪ ಹೊತ್ತ್ ಮೇಯ್ಲಿ ಬಿಡ್, ಹೊತ್ತ್ ಹೋಪತಿಗೆ ಹಟ್ಟಿಗೆ ಎಬ್ಕಂಡ್ ಬಂದ್ರ್ ಸಾಕ್

ಹೊಟ್ಟಿ ಹೊರ್ಕಂಬ್ದ್ – ಉದರ ಪೋಷಣೆ (ಜೀವನ ನಿರ್ವಹಣೆ ಅನ್ನುವುದು ಸೂಚ್ಯಾರ್ಥ)

ಹೊರೆ = ಕಾಪಾಡು, ಪೊರೆ, ಪೋಷಿಸು, ಸಲಹು ( ಸಂಕ್ಷಿಪ್ತ ಕನ್ನಡ ನಿಘಂಟು)

ಬಳಕೆ –

೧          ಏನೋ ಓದದ್ದ್ ದಂಡ ಆಪುಕಾಗ ಅಂದೇಳಿ ಅಂವ ಕೆಲ್ಸಕ್ ಹೋತಾ ಬಿಟ್ರೆ, ಅದ್ರಗೇ ಹೊಟ್ಟಿ ಹೊರ್ಕಣ್ಕ್ ಅಂದೇಳಿ ಇಲ್ಲ. ಮನಿ ಬದ್ಯಗೆ ಬೇಕಾದಷ್ಟ್ ಇತ್ತಂಬ್ರಪ.

೨          ಈಗ ಏನೋ ಒಬ್ನೇ, ಹ್ಯಾಂಗೋ ಹೊಟ್ಟಿ ಹೊರ್ದ್ ಹೊತ್ತ್, ಕೆಲ್ಸ ಮಾಡ್ರೂ ಮಾಡ್ದಿದ್ರೂ ಹ್ಯಾಂಗೋ ನೆಡ್ದ್ ಹೋತ್ತ್. ಕಡಿಗೆ ಮದಿ ಗಿದಿ ಆರ್ಮೇಲಾರೂ ಹೆಂಡ್ತಿ ಮಕ್ಳ್ ಹೊಟ್ಟಿ ಹೊರುಕಾರೂ ಕೆಲ್ಸ ಮಾಡ್ಕೇ ಅಲ್ದಾ?

ಕಣ್ ಕಸ್ತ್ಲಿ(ಕಣ್ ಕತ್ಲಿ) – ಕಣ್ಣು ಕತ್ತಲೆ

ಬಳಕೆ –

೧          ನಿನ್ನೆ ರಾತ್ರಿ ಉಣಲ್ಲ ಹೌದಲ್ದಾ, ಬೆಳಿಗ್ಗೆ ಏಳುವತಿಗೇ ಒಂದ್ನಮನಿ ಸಂಕ್ಟ ಆಯಿ ಕಣ್ಣ್ ಕತ್ಲಿ ಬಂದಂಗಾಯ್ತಪ್ಪ

೨          ಜ್ವರಕ್ಕಂದೇಳಿ ತಕಂಡ್ ಮಾತ್ರಿ ರಾಪ್ ಜೋರಿತ್ತ್, ನುಂಗಿ ಸ್ವಲ್ಪ ಹೊತ್ತಿನಗೆ ಹೊಟ್ಟಿ ಸಂಕ್ಟ ಆಯಿ ಕಣ್ಣ್ ಕಸ್ತ್ಲಿ ಬಂದಾಂಗಾಯ್ತ್

ಹಳಿನ್ ಹಿಂಡ್ಲ್ – ಕಾಡುಗಿಡ ಅಥವ ಕುರುಚಲು ಗಿಡಗಳ ದಟ್ಟವಾದ ಪೊದೆ

ಹಳು=ಕಾಡು ಗಿಡ, ಅರಣ್ಯ ( ಸಂಕ್ಷಿಪ್ತ ಕನ್ನಡ ನಿಘಂಟು)

ಹಿಂಡಲು=ಪೊದರು,ಪೊದೆ,ದಟ್ಟವಾಗಿ ಬೆಳೆದ ಗಿಡಗಳ ಗುಂಪು ( ಸಂಕ್ಷಿಪ್ತ ಕನ್ನಡ ನಿಘಂಟು)

ಬಳಕೆ –

೧          ಮಕ್ಳೆ , ಕತ್ಲಿ ಆರ್ ಮೇಲೆ ಆ ಹಳಿನ್ ಹಿಂಡ್ಲ್ ಹತ್ರ ಹೋಯ್ಬೇಡಿ, ಮೊನ್ನೆ ಒಂದ್ ಹಾವ್ ತಿರ್ಗತಿದ್ದಿತ್ತ್

೨          ಈ ಹಳು ಒಂದ್ ಸವ್ರಿ ಕೊಡುಕ್ ಯಾರಾರೂ ಸಿಕ್ಕಿರ್ ಆತಿತ್ತ್, ಹಳಿನ್ ಹಿಂಡ್ಲಗೆ ಹುಲಿ ಬಂದ್ ಕೂಕಂಡ್ರೂ ಗೊತ್ತಾತಿಲ್ಲ.

ದರ್ಲಿ –ತರಗೆಲೆ

ಬಳಕೆ –

೧          ಇದ್ಯಾವ್ ನಮನಿ ಗಾಳಿಯಪ್ಪ, ಬೆಳಿಗ್ಗೆಯಷ್ಟೇ ದರ್ಲಿ ಗುಡ್ಸದ್ದ್, ಈಗ ಇನ್ನೊಂದ್ಸಲಿ ಗುಡ್ಸ್‌ಕಾಯ್ತ್

ಬಡ್ಗಿ – ಏಟು, ಪೆಟ್ಟು, ಹೊಡೆತ

ಈ ಪದ ಬಹುಶಃ ಬಡಿಗೆ (ಕೋಲು, ದೊಣ್ಣೆ) ಪದದಿಂದ ಬಂದಿರಬೇಕೆಂಬುದು ನನ್ನ ಅನಿಸಿಕೆ

ಬಳಕೆ –

೧          ಸುಮ್ನ್ ಕೂಕಂತ್ಯಾ ಇಲ್ಲ ಬಡ್ಗಿ ಬೇಕಾ ಹೇಳ್

೨          ಮನಿಗ್ ಬಾ ಇವತ್ತ್, ಅಪ್ಪಯ್ಯನಿಗೆ ಹೇಳಿ ಸಮಾ ಎರ್ಡ್ ಬಡ್ಗಿ ಬಿದ್ರೆ ನಿಂಗ್ ಬುದ್ಧಿ ಬಪ್ದ್

ಗೊಬ್ರ್ ಹೆಡ್ಗಿ – ಈ ಶಬ್ದದ ಅರ್ಥ ಗೊಬ್ಬರ ಹೊರಲು ಬಳಸುವ ಬುಟ್ಟಿ ಅಂತಿದ್ದರೂ ಕೂಡ ಇದನ್ನು ತುಂಬಾ, ಜಾಸ್ತಿ ಅನ್ನುವ ಅರ್ಥದಲ್ಲಿ ಬಳಸಲಾಗುತ್ತದೆ

ಬಳಕೆ –

೧          ನನ್ ಕೈಲ್ ಮಾಡಿ ಪೂರೈಸುಕೆ ಎಡಿಯ. ಒಂದ್ ಗೊಬ್ರ್ ಹೆಡ್ಗಿ ಕೆಲ್ಸ ಇತ್ತ್.

೨          ಆಡುಕ್ ಹೋರ್ ಅಡ್ಡಿಲ್ಲ, ಮೈ ಮಂಡಿ ಕಂಡ್ರ್ ಸಾಕಲೆ, ಒಂದ್ ಗೊಬ್ರ್ ಹೆಡ್ಗಿ ಮಣ್ಣ್ ಇತ್ತ್, ಎಂತ ಮಣ್ಣಗೇ ಬಿದ್ದ್ ಹೊಡ್ಕದ್ದಾ?

ವದ್ಕಂಬ್ದ್(ಒದ್ಕಂಬ್ದ್) – ಶ್ರಮಿಸು, ಒದ್ದಾಟ ನಡೆಸು, ಪರಿಶ್ರಮ ಪಡು

ಬಳಕೆ –

೧          ಬೆಳ್ಗಿಂದ ಸಾಂಯ್ಕಾಲದವರಿಗೂ ಒದ್ಕಂಡ್ರೂ ಸಾಕಾತಿಲ್ಲ, ನಂಗಂತೂ ಮಾಡಿ ಮಾಡಿ ಸಾಕಾಯ್ತ್

೨          ನಾನೊಬ್ನೆ ಎಷ್ಟ್ ಅಂದೇಳಿ ಒದ್ಕಂಬ್ದ್, ಮನಿ ಅಂದ್ರ್ ನಂಗೊಬ್ನಿಗೆಯಾ, ನೀನೂ ಮನಿಯನೇ ಅಲ್ದಾ?

ಕುಂದಾಪ್ರ ಕನ್ನಡದಗೊಂದು ಇಂಗ್ಲಿಷ್ ಕಾಣಿ…

ಬರೀ ಕುಂದಾಪ್ರ ಕನ್ನಡದಗೆ ಮಾತ್ರ ಎಂತಕೆ , ಈಗ ಯಾವ್ ಕನ್ನಡದಗೂ ಇಪ್ಪುದ್ ಇಂಗ್ಲೀಷೆ ಅಲ್ದಾ. ಯಾರಾರೂ ಶುದ್ಧ ಕನ್ನಡ ಮಾತಾಡುವರ್ ಇದ್ರೆ ಹುಡ್ಕಿ ಕೊಡಿನಿ ಕಾಂಬ ಹಂಗಾರೆ  ಅಂದೇಳಿ  ನೀವ್ ಕೆಂಬ್ಕೂ ಸಾಕ್.  ಅದ್ರಗೂ ಬೆಂಗಳೂರಗೆ ಹಾಂಗಿನರ್ ಯಾರಾರೂ ಇದ್ರೆ ಅವ್ರಿಗೆ ರಾಜ್ಯೋತ್ಸವ ಪ್ರಶಸ್ತಿಯೇ ಕೊಡ್ಲಕ್ಕ್ ಅಂತ್ ನೀವ್ ಹೇಳುಕೂ ಸಾಕ್.  ಆರೇ ನಾ ಹೇಳುಕ್ ಹೊರಟದ್ದ್ ಅದ್ ಅಲ್ದೆ… ಒಂದ್ ಇಂಗ್ಲಿಷ್ ಶಬ್ದ ಕುಂದಾಪ್ರ ಕನ್ನಡದೊಳಗೆ ಬಂದ್ ಕೂಕಂಡಿತ್.

ಆ ಶಬ್ದ ಯಾವ್ದ್ ಅಂದೇಳಿ ನೆನ್ಪ್ ಮಾಡ್ಕಂಕಿದ್ರೆ ಸಣ್ಣಕಿಪ್ಪತ್ತಿಗೆ ಆಟ ಆಡುವತಿಗೆ ಯಾರಾರೂ ಮೋಸ ಮಾಡ್ರೆ ಎಂಥ ಹೇಳ್ತಿತ್ತ್ ಅಂತ್  ಒಂಚೂರ್ ನೆನ್ಪ್ ಮಾಡ್ಕಣಿ ಕಾಂಬ.  ನೆನ್ಪ್ ಆಯೇ ಇರ್ಕ್ ಅಲ್ದಾ?

ಇನ್ನೂ ನೆನ್ಪ್ ಆಯ್ಲಿಲ್ಯ? ಹಂಗಾರೆ ಮುಂದ್ ಓದಿ ಕಾಣಿ… ಆಗ್ಳಿಕಾರು ನೆನ್ಪ್ ಆತ್ತ್ …

“ಅವನೊಟ್ಟಿಗೆ ಆಡುಕ್ ಹೋಪ್ಕೆ ಆಗ. ಅವಂದ್ ಬರೀ ಹಂಬಕ್ ಮಾರಾಯ ”

“ನೀ ಗೆದ್ದಿಪ್ಕು ಸಾಕ್. ನಿನ್ ಕಣಗೆ  ಹಂಬಕ್ ಮಾಡಿರೆ ನಾನೂ ಗೆಲ್ತಿದ್ದೆ ಗೊತ್ತ?”

” ಬೋಲ್ ಕಾಲಿಗೆ ತಾಗಲೇ ಇಲ್ಲ. ಆರು ಅಂಪೈರ್ ಔಟ್ ಕೊಟ್ಟ ಮಾರಾಯ. ಬರೀ ಹಂಬಕಾಟ”

ಹಾ.. ಈಗ ಗೊತ್ತಾಯ್ತಲ್ದಾ? ನಾ ಎಂತ ಹೇಳುಕೆ ಹೊರ್ಟಿದೆ ಅಂತ. ಅದೇ ಹಂಬಕ್… ಹಂಬಕ್..

“ಮೋಸ ಮಾಡುದ್” ಅಂತ್ ಹೇಳುಕೆ ನಮ್ಮ ಕುಂದಾಪ್ರ ಕನ್ನಡದಗೆ ಇಪ್ಪ ಶಬ್ದ…

ಆರೇ ಈ ಶಬ್ದ ಬಂದದ್ದ್ ಎಲ್ಲಿಂದ ಅಂದೇಳಿ ನಂಗಂತೂ ಗೊತ್ತಿರ್ಲಿಲ್ಲ. ಮೊನ್ನೆ ಒಂದ್ ಪುಸ್ತಕ ಓದ್ತಾ ಇದ್ದೆ. ಅದ್ರಗೆ

ಒಂದ್ ಇಂಗ್ಲೀಶ್ ಶಬ್ದ ಇದ್ದಿತ್. ಅದನ್ನ್ ಕಂಡ್ರ ಕೂಡ್ಲೇ ಫಕ್ನೆ ನೆನ್ಪಾಯ್ತ್.. ಹೋ ಈದ್ ಅದೇ …

ಆ ಶಬ್ದ ಹಂಬಗ್  (humbug) . ಹಾಂಗಂದ್ರೆ ಮೋಸ , ಅಪ್ರಾಮಾಣಿಕತೆ, ವಂಚನೆ, ಮೋಸಗಾರ ಅಂತೆಲ್ಲ ಅರ್ಥ ಸಿಕ್ಕತ್ತ್.

ಬೇಕಾರೆ  http://www.baraha.com/kannada/index.php ಇಲ್ಲಿಗ್ ಹೋಯಿ humbug  ಅಂತ ಬರ್ದ್ ಹುಡ್ಕಿ ಕಾಣಿ.

ಶಬ್ದ ಬೇಕಾರೆ ಇಂಗ್ಲಿಶಿದೆ ಆಯ್ಲಿ…ಅದನ್ನ್ ಸತೆ ನಮ್ಮ ಕುಂದಾಪ್ರ ಕನ್ನಡಕ್ ತಕಂಡ್ ಬಂದ್ ‘ಹಂಬಕ್’ ಅಂತ ಮಾಡಿ ಅದೀಗ ನಮ್ದೆ ಶಬ್ದ ಆಯ್ತಲ್ದ..

ನಿಮ್ಗೆಲ್ಲ ಮೊದ್ಲೇ ಗೊತ್ತಿದ್ದಿತೋ ಏನೋ. ನಂಗಂತೂ ಗೊತ್ತಿರಲ್ಲ,.. ನನ್ಕಣಗೆ ಗೊತ್ತಿಲ್ದಿದ್ದರ್ ಯಾರಾರೂ ಇದ್ರೆ ಅವ್ರಿಗ್ ಗೊತ್ತಾಯ್ಲಿ ಅಂದೇಳಿ ಇಲ್ಲೊಂಚೂರ್ ಬರ್ದ್ ಹಾಕ್ದೆ ಕಾಣಿ.. ನಿಮ್ಗೂ ಯಾವ್ದಾರೂ ಹೀಂಗಿದೆ ಶಬ್ದ ಗೊತ್ತಿದ್ರೆ ಹೇಳಿ… ನನ್ನಂತವ್ರಿಗೆ ಉಪ್ಕಾರ ಆತ್ತ್.. ಹೇಳ್ತ್ರಿ ಅಲ್ದಾ?

ಆಟದ ಗರದಗೆ ಒಂದ್ ತಿರ್ಗಾಟ…

ಮತ್ತೆ ಎಲ್ಲ ಹ್ಯಾಂಗಿದ್ರಿ? ಊರಗ್ ಮೊನ್ನೆ ಮತ್ತ್ ಮಳಿ ಬಂದಿತಂಬ್ರಲೆ… ನಿಮ್ದ್ ಕೊಯ್ಲ್ ಎಲ್ಲಾ ಆಯ್ತ್ ಕಾಣತ್ ಅಲ್ದಾ? ಹ್ಯಾಂಗೆ ಈ ವರ್ಷ ಬ್ಯಾಸಾಯ ಅಡ್ಡಿಲ್ಲ್ಯಾ? ಪೆರ್ಡೂರ್, ಸಾಲಿಗ್ರಾಮದರದ್ ತಿರ್ಗಾಟ ಶುರು ಆಯಿರ್ಕ್ ಅಲ್ದಾ?

 ಆಟ ಗೀಟ ಕಾಂಬ್ಕ್ ಹೋಯಿಲ್ಲ್ಯಾ? ಈಗೀಗ ಆಟ ಕಾಂಬ್ಕ್ ಹೋಪ್ಕೇ ಮನ್ಸ್ ಬತ್ತಿಲ್ಲಪ. ಎಲ್ಲಾ ಪಿಚ್ಚರಿದೇ ಕತಿ ಮಾಡುದಾರೆ ಆಟ ಎಂತಕ್ ಕಾಣ್ಕ್ ರಾತ್ರಿಡೀ ನಿದ್ರಿ ಬಿಟ್ಕ್ಂಡ್. ಪಿಚ್ಚರೇ ಕಾಣ್ಲಕ್. ಆರೂ ಒಂದ್ ಅಂದ್ರೆ ಬೆಂಗ್ಳೂರಗೆ ಬಂದಲ್ಲ್ ಈ ಸರ್ತಿ ಎಲ್ಲಾ ಮ್ಯಾಳದರೂ ಹೆಚ್ಚ್ ಪೌರಾಣಿಕ ಪ್ರಸಂಗವೇ ಆಡಿರ್. ನಾನೂ ಒಂಡೆರ್ಡ್ ಆಟ ಕಂಡಿನೆ. ಮ್ಯಾಳದರ್ ಹೇಳುದ್ ಎಂತ ಅಂದ್ರೆ ಹೊಸ ಪ್ರಸಂಗ ಆಡ್ರ್ ಮಾತ್ರ ಜನ ಬತ್ರೆ. ಹಳ್ತೆಲ್ಲಾ ಯಾರಿಗೂ ಬ್ಯಾಡ. ಜನ ಬರ್ದಿರೆ ನಾವ್ ಮ್ಯಾಳ ನೆಡ್ಸುದಾರೂ ಹ್ಯಾಂಗೆ ಅಂದೇಳಿ. ಅವ್ರ್ ಹೇಳುದ್ರಗೂ ಸತ್ಯ ಇಲ್ದೇ ಇಲ್ಲ. ಆರೂ ಇದ್ ಕತಿ ಹ್ಯಾಂಗಾಯ್ತ್ ಗೊತ್ತಾ, ೨೦-೨೦ ಬಂದ್ಮೇಲೆ ಟೆಸ್ಟ್ ಮ್ಯಾಚ್ ಕಾಂಬುಕೆ ಯಾರೂ ಬತ್ತಿಲ್ಲ ಅಂದೇಳ್ದಾಂಗ್ ಆಯ್ತ್. ಇದ್ ಪೂರ್ತಿ ಸತ್ಯವೂ ಅಲ್ಲ. ಹಾಂಗಂದೇಳಿ ತೀರಾ ಸುಳ್ಳ್ ಅಂದೇಳಿಯೂ ಹೇಳುಕಾತಿಲ್ಲೆ. ಈಗ ಬೆಂಗ್ಳೂರಗಾರೆ ನಾನೆ ಕಂಡಾಂಗೆ ಪೌರಾಣಿಕ ಪ್ರಸಂಗ ಆಡದಾಗ್ಳಿಕೆ ಯಾವತ್ತೂ ಜನ ಇಲ್ಲ ಅಂದೇಳಿ ಆಯಿಲ್ಲ. ಪ್ರತೀ ವರ್ಷ ದೇವಿ ಮಹಾತ್ಮೆ ಆಡ್ರೂ ಜನ ಭರ್ತಿಯಾದ್ದ್ ನಾನೇ ಕಂಡಿದೆ. ಆರೆ ಬೆಂಗ್ಳೂರಗೆ ಬಂದಾಂಗೆ ಊರಗ್ ಜನ ಪೌರಾಣಿಕ ಪ್ರಸಂಗಕ್ಕ್ ಬತ್ರಾ? ಯಾಕ್ ಬತ್ತಿಲ್ಲ ಹೇಳಿ… ಒಂದ್ ಒಳ್ಳೇ ಹತ್ತ್ ಪ್ರಸಂಗ ತಯಾರ್ ಮಾಡ್ಕಂಡ್, ಹೊಸ ಪ್ರಸಂಗದ ಸೆಟ್ಟಿಂಗಿಗೆ ಕರ್ಚ್ ಮಾಡು ದುಡ್ಡನ್ನ ಕಲಾವಿದ್ರಿಗೆ ಕೊಟ್ಟ್, ಒಳ್ಳೋಳ್ಳೇ ಕಲಾವಿದ್ರನ್ ಹಾಯ್ಕಂಡ್ ಹೊಡಿ ಹಾರ್ಸರೆ  ಎರ್ಡ್ ದಿನ ಬರ್ದಿರೂ ಕಡಿಗೆ ಆಟ ಕಂಡರ್ ಮಾತಾಡತ್ ಕೇಂಡ್ ಆರೂ ಕಾಂಬ ಹ್ಯಾಂಗಿತ್ತ್ ಅಂದೇಳಿ ಬಂದೇ ಬತ್ರೆ. ಜನ್ರಿಗೆ ಎಂತ ಗೊತ್ತಾ.. ಒಟ್ಟಾರ್ ಮೇಲ್ ಆಟ ರೈಸ್ಕ್.. ಆರೆ ಇದ ಸ್ವಲ್ಪ ಕಷ್ಟದ ಕೆಲ್ಸ. ಈಗ ಮ್ಯಾಳದರಿಗೆ ಹ್ಯಾಂಗಂದ್ರೆ… ಯಕ್ಷಗಾನ ಉಳೀಕ್ ಅಂದೇಳಿ ಇಲ್ಲ… ಒಟ್ಟಾರ್ ಮೇಲ್ ಅವ್ರ್ ಪೆಟ್ಗಿ ತುಂಬುಕ್ ಸುಲ್ಭದ್ ದಾರಿ ಆರ್ ಸಾಕ್. ಇದ್ ಹೀಂಗೆ ಮುಂದ್ ಹೋರೆ.. ಇನ್ನ್ ಮೇಲೆ ಆಟದಗೆ ನೀವ್ ಐಟಮ್ ಸಾಂಗ್ ಕಾಂಬ್ ದಿನವೂ ದೂರ ಇಲ್ಲ ಅನ್ಸತ್ತ್…

 ನಂಗೆ ಸಣ್ಣಕಿಪ್ಪತ್ತಿಗೆ ಅಷ್ಟೇನ್ ಆಟ ಕಾಂಬ್ ಗಿರ ಇರ್ಲಿಲ್ಲ. ಆಟ ಹೆಚ್ಚ್ ಕಾಂಬುಕೆ ಶುರು ಮಾಡದ್ದ್ ಬೆಂಗ್ಳೂರಿಗೆ ಬಂದ್ ಮೇಲೆ. ಊರಗಿದ್ದಾಗ್ಳಿಕೆ ವರ್ಷಕ್ ಒಂದ್ ತಪ್ರೆ ಎರ್ಡ್ ಟೆಂಟ್ ಮ್ಯಾಳದ ಆಟ. ಅದೂ ಚಕ್ರಮೈದಾನದಗೆ ಆರೆ ಮಾತ್ರ. ಆಗ ಹೆಚ್ಚ್ ಸಾಲಿಗ್ರಾಮ ಮ್ಯಾಳದ ಆಟ ಕಂಡದ್ದೇ ಹೆಚ್ಚ್. ನಂಗ್ ನೆನ್ಪ್ ಇಪ್ಪಾಂಗೆ ಮೇಘ ಮಯೂರಿ, ಶೃಂಗ ಸಾರಂಗ, ಧರ್ಮ ಸಂಕ್ರಾಂತಿ…ಶಿರ್ಸಿ ಮ್ಯಾಳದರದ್ದ್ ಭಾಗ್ಯ ಭಾರತಿ… ಹೀಂಗೆ ಸುಮಾರ್ ಆಟ ಕಂಡಿದೆ. ಅದ್ರಗೂ ಮೇಘ ಮಯೂರಿ ಮತ್ತ್ ಭಾಗ್ಯ ಭಾರತಿ ಆಗ್ಳಿಕೆ ಭಾರಿ ರೈಸಿತ್… ಮೇಘ ಮಯೂರಿ ಕತಿಯಗೆ ಬಪ್ಪ್ ಕೃಷಿಕ ಕಾಳನ ಕತಿಯೇ ಕಡಿಗೆ ‘ಹುಲಿಯಾದ ಕಾಳ’ ಕ್ಯಾಸೆಟ್ ಬಂದ್ ಭಾರಿ ಹೆಸ್ರ್ ಮಾಡಿತ್. ಆ ಕಾಳನ ಕತಿ ಸುಮಾರ್ ಮೊದ್ಲ್ ನನ್ ಬ್ಲಾಗಗೂ ಹಾಕಿದ್ದೆ… ಹೀಂಗೆ ವರ್ಷಕ್ ಒಂದೋ ಎರ್ಡ್ ಟೆಂಟಿನಾಟ ಬಿಟ್ರೆ ಮತ್ತ್ ಹರ್ಕಿ ಬಯಲಾಟ. ಮನಿ ಬುಡ್ದಲ್ಲೇ ಆಟ ಆರೆ ಆಟಕ್ ಹೋಪ್ದ್ ಅಂದೇಳಿ ಬೇಗ್ ಬೇಗ್ ಉಂಡಾಂಗ್ ಮಾಡಿ, ಎಲ್ಲರ್ಕಿಂತ ಮುಂದ್ ಹೋಯಿ ಕೂಕಂಡ್, ಕ್ವಾಡಂಗಿ, ಬಾಲಗೋಪಾಲ, ಶ್ರೀವೇಷ(ಇದ್ ಶ್ತ್ರೀವೇಷ ಆರೂ ಯಾರೂ ಹಾಂಗ್ ಹೇಳತ್ ಇಲ್ಲಿವರಿಗೂ ನಾನ್ ಕೇಣಲ್ಲಪ್ಪ) ಎಲ್ಲ ಕಂಡ್ ಇನ್ನೇನ್ ಒಡ್ಡೋಲ್ಗ ಶುರು ಆಪಲ್ಲೊರಿಗೆ ಒಂದ್ ಗಳ್ಗಿ ಆಟ ಕಂಡಾಂಗ್ ಮಾಡಿ ಆಟದ ಗರದಗೆ ಸುತ್ತ್ ಹೊಡುಕ್ ಹೋರೆ, ಆಟದ ಖರ್ಚಿಗೆ ಕಿಸಿಯೊಳ್ಗೆ ಇಟ್ಕಂಡ್ ಚಿಲ್ರಿ ಪೂರ್ತಿ ಕಾಲಿ ಆಪಲ್ಲೊರಿಗೆ ಮತ್ತ್ ಆಟದ ಬದಿಗೆ ಮುಖ ಹಾಕಿ ಕಾಂಬರ್ಯಾರ್? ಅದೆಲ್ಲಾ ಆಪಷ್ಟೊತ್ತಿಗೆ ಹ್ಯಾಂಗೂ ಕಣ್ಣ್ ಕೂರ್‌ತಿರತ್ತ್… ಆಟಕ್ಕ್ ಹೋಯ್ಕ್ ಅಂದೇಳಿ ಮಧ್ಯಾಹ್ನ ಮನ್ಕೋ ಅಂದೇಳಿ ಮನ್ಯರ್ ಒತ್ತಾಯಕ್ಕೆ ಕಣ್ಣ್ ಮುಚ್ದಾಂಗ್ ಮಾಡಿ ಅವ್ರಿಗೆಲ್ಲ ನಿದ್ರಿ ಬಂತ್ ಅಂದೇಳಿ ಗೊತ್ತಾರ್ಕೂಡ್ಲೇ ಹಗೂರ ಎದ್ದ್ ಆಡುಕೆ ಹೋದ್ದಲ್ದಾ? ಕಣ್ನ್ ಕೂರ್ದೇ ಎಲ್ಲಿಗ್ ಹೋತ್ತ್. ಮನಿಗ್ ಹೋಯ್ ಮಲ್ಕಂಡ್ರೂ ಆಯ್ತ್. ಇಲ್ದಿರೆ ಅಲ್ಲೇ ಎಲ್ಲಾರೂ ಒಂದ್ ಮುಲ್ಲಿ ಹಿಡ್ಕಂದ್ ಬಿದ್ಕಂಡ್ರೂ ಆಯ್ತ್. ಮತ್ತ್ ಆಟ ಕಾಣ್ಕಿದ್ರೆ ರಾಕ್ಷಸನ ವೇಷ ಬರ್ಕ್. ಅದ್ ಬಪ್ಪತಿಗೆ ಹ್ಯಾಂಗಿದ್ರೂ ಬೆಳ್ಗಿನ ಜಾಮ ಆಯಿರತ್ತ್. ಹಾಂಗಾಯಿ. ಅದನ್ನ್ ಒಂದ್ ಕಂಡ್ರೆ ಅಲ್ಲಿಗ್ ನಮ್ಮ್ ಆಟ ಮುಗ್ದಾಂಗೆ… ಆಟದ ಗರದಗೆ ರಾತ್ರಿಡೀ ನಿದ್ರಿ ಮಾಡ್ರೂ.. ಆಟದ ನಿದ್ರಿ ಅಂದೇಳಿ ಮಾರ್ನೆ ದಿನ ಶಾಲಿಗ್ ಹಾಂಟ್ ಬೇರೆ… ಆರೂ ಆಗ ಆಟಕ್ ಹೋಯಿ ಬಪ್ದಂದ್ರೆ ಸಣ್ಣಕೆ ಒಂದ್ ಹಬ್ಬಕ್ ಹೊಯಿ ಬಂದಷ್ಟೇ ಖುಶಿ… ಈಗ ಆಗ್ಳಿಕಿನ ನಮನಿ ಆಟವೂ ಇಲ್ಲ… ಇದ್ರೂ ಆ ಖುಷಿ ಖಂದಿತ ಬತ್ತಿಲ್ಲ… ಹಳ್ತ್ ಹೋಯಿ ಹೊಸ್ತ್ ಬಂದಾಂಗೆ… ಎಲ್ಲ ಬದ್ಲಾಯ್ಕೇ ಅಲ್ದಾ? ನಾಳಿಗೆ ಇದೂ ಹಳ್ತಾಯಿ ಮತ್ತ್ ಹೊಸ್ತ್ ಬರ್ಕೇ ಅಲ್ದಾ …. ಅಂದೇಳಿ ಹೇಳ್ತಾ ಈ ಆಟದ ಪುರಾಣಕ್ಕೆ… ಮಂಗಳ ಹಾಡ್ತೆ.

 

ಮತ್ತೆ ಊರಗೆ ನೆರಿ ಬಂದಿತಂಬ್ರಲೆ…

ನಮ್ ನಮ್ ಮಟ್ಟಿಗೆ ನಮ್ ಊರ್ ಯೇಗ್ಳಿಕೂ ನಮ್ಗ್ ಚೆಂದವೇ. ಅದ್ರಗೂ ಮಳ್ಗಾಲ ಬಂದ್ರಂತೂ ಇನ್ನೆರ್ಡ್ ಮುಷ್ಟಿ ಹೆಚ್ಚೇ ಚೆಂದ ಕಾಣತ್. ಈ ವರ್ಷ ಜೂನ್ ಸುರಿಗೆ ಒಂದ್ ನಾಕ್ ದಿನ ಮುಖ ತೋರ್ಸದಂಗ್ ಮಾಡಿ ಹೋದ್ ಮಳಿ ಪತ್ತಿ ಇಲ್ಯಲೆ, ಈ ವರ‍್ಷ ಬ್ಯಾಸಾಯ ಮಾಡುದ್ ಹ್ಯಾಂಗೆ ಅಂದೇಳಿ ಊರ್ ಬದ್ಯಗೆ ಎಲ್ರೂ ಮಂಡಿಬಿಶಿ ಮಾಡ್ಕಂಡ್ ಇದ್ದಿರ್. ಪೇಪರಗೆಲ್ಲ ಈ ಸರ್ತಿ ಬರ್ಗಾಲ ಬಂದಂಗೇ ಸೈ, ಇನ್ನ್ ಎಂಟ್ ದಿನ ಹೋರೆ ಕರೆಂಟ್ ಇರುದಿಲ್ಲ ಅಂಬ್ರ್- ಕುಡುಕೆ ನೀರಿಲ್ಲ ಅಂಬ್ರ್ ಅಂದೇಳಿ ಎಲ್ ಕಂಡ್ರೂ ಮಳೀದೇ ಸುದ್ದಿ ಇತ್ತ್. ಕತ್ತಿ ಮದಿ, ಕೆಪ್ಪಿ ಮದಿ, ಶಿವಾಳಭಿಷೇಕದ ಸುದ್ದಿ ಎಲ್ಲಾ ಚಾನಲ್ಲಗೂ ಬ್ರೇಕಿಂಗ್ ನ್ಯೂಸ್, ಫ್ಲಾಶ್ ನ್ಯುಸ್ ಅಂದೇಳಿ ತೋರ್ಸತ್ ಕಂಡ್ ಹಂಗರ್ ಈ ಸರ್ತಿ ಮಳಿ ಕತಿ ಇಷ್ಟೇ ಸೈಯ್ಯಾ ಅಂದೇಳಿ ಎಣ್ಸ್‌ತಿಪ್ಪ್ ಸುರಿಗೆ ಮಳಿ ಬಂದ ಸುದ್ದಿ ಬಂತ್.

 ಬಂದದ್ದಾರೂ ಎಂತ ಮಳಿ ಅಂತ್ರಿ, ಹೊರ್ಗ್ ಕಾಲಿಡುಕೆಡಿಯ ಅಂಬ್ ನಮನಿ ಸುರಿತಿತ್ತ್ ಅಂಬ್ರಲಾ ಹೌದೆ? ಎಲ್ಲಾ ತೋಡ್, ಹೊಳಿ ಪೂರಾ ತುಂಬಿ ಹೋಯ್ ಊರಗೆಲ್ಲ ನೆರಿ ಬಂದಿತಂದೇಳಿ ಸುದ್ದಿಯಪ್ಪ. ಆಯ್ಲಿ ಮಳಿ ಬರ್ಲಿ. ಮಳಿ ಬರ್ದೆ ಬರ್ಗಾಲ ಬಪ್ಪುದಕ್ಕಿಂತ ನಾಕ್ ದಿನ ತಿರ್ಗಾಟಕ್ ತೊಂದ್ರಿ ಆರೂ ಮಳಿ ಬಂದ್ರೆ ಒಳ್ಳೇದಲ್ದೇ? ಈ ಮಳ್ಗಾಲದಗೆ ಎಂತ ಮಣ್ಣ್ ತಿರ್ಗಾಟ ಅಂದ್ರ್ಯಾ? ಇರ್ಲಿ ತಿರ್ಗುದ್ ಬ್ಯಾಡ. ಜೋರ್ ಮಳಿ ಬತ್ತಾ ಇತ್ತ್ ಅಂದೇಳಿ ಅಟ್ಟದ ಮೇಲೆ ಕೂಡಿಟ್ಟಿದ್ದ ಗೆಣ್ಸಿನ ಹಪ್ಳ ಹಲ್ಸಿನ್ ಕಾಯ್ ಹಪ್ಳ ಪೂರಾ ಕೆಂಡದ ಒಲ್ಯಗೆ ಸುಟ್ಕಂಡ್ ಒಲಿ ಬಾಯಗೆ ಚಳಿ ಕಾಯ್ಸ್‌ತಾ ಕುತ್ಕಂಡ್ ಎಲ್ಲಾ ಹಪ್ಳ ಖಾಲಿ ಮಾಡ್‌ಬೇಡಿ ಮರಾಯ್ರೆ. ಊರಿಗ್ ಬಂದ್ರೆ ನಮ್ಗೂ ಒಂದ್ ನಾಕ್ ಹಪ್ಳ ಇರ್ಲಿ ಅಕಾ 🙂

 ಬೆಂಗ್ಳೂರಗೆ ನಾಕ್ ಹನಿ ಮಳಿ ಬಿದ್ದ ಹೊಡ್ತಕ್ಕೇ ಥಂಡಿ ಹೊಡ್ದರ್ ಕಣಗ್ ಆಡ್ತ್ರಪ… ನಮ್ ಬದಿ ಕಣಗೆ ಎಲ್ಲಾರೂ ಮಳಿ ಬಂದ್ರ್ ಇವ್ರ್ ಊರಗೆ ಆಯ್ಕಂಬ್ರಾ? ಇಲ್ಲೂ ಜೋರ್ ಮಳಿ ಬತ್ತ್ ಅಂದೇಳಿ ಸುದ್ದಿ ಇತ್ತಪ್ಪಾ. ಆರೂ ನಮ್ ಬದಿ ಮಳಿಗ್ ಹೋಲ್ಸರೆ ಇದ್ ಎಂತಾ ಜೋರ್ ಮಳಿ ಮರ್ರೆ. ಮಳಿ ಸುದ್ದಿ ಕೇಂತಾ ಇಪ್ಪತಿಗೆ ಆರ್ಕುಟಗೆ ಶಶಿಧರ ಹೆಮ್ಮಾಡಿಯವ್ರ್ ಒಂದಿಷ್ಟ್ ಊರ್ ಬದಿ ಮಳಿದ್ ಫೋಟೋ ಹಾಕದ್ ಕಾಂಬುಕೆ ಸಿಕ್ತ್. ಅವ್ರತ ಕೇಂಡ್ ಆ ಫೋಟೋ ಇಲ್ಲ್ ಹಾಕಿದೆ ಕಾಣಿ, ಊರ್ ಬದಿಯಗ್ ಇಲ್ದಿದ್ದರ್ ಫೋಟೋದಗಾರೂ ಮಳಿ ಕಂಡ್ ಕುಶಿ ಪಡ್ಲಿ ಅಂದೇಳಿ…

ನೀವೆಂತಕೆ ಮಕ್ಳಿಗೆ ಕುಂದಾಪ್ರ ಕನ್ನಡ ಕಲ್ಸುದಿಲ್ಲ…?

ಕಳ್ದ್ ತಿಂಗ್ಳ್ ನನ್ ಬ್ಲಾಗ್ ಬದಿಗೆ ಶ್ರೀಕಾಂತ ಹೆಗಡೆ ಅಂದೇಳಿ ಒಬ್ರ್ ಬಂದಿರ್. ಅವ್ರ್ ಒಂದೆರ್ಡ್ ಕಮೆಂಟ್ ಪೋಸ್ಟ್ ಮಾಡಿರ್… ಆ ಕಮೆಂಟಗೆ ಒಂದೆರ್ಡ್ ಪ್ರಶ್ನೆ ಸತೇ ಕೇಂಡಿರ್. ಅವ್ರ್ ಕೇಂಡದ್ ಇಷ್ಟೆ…ನೀವ್ ಕುಂದಾಪ್ರದರು ಪ್ಯಾಟಿಗ್ ಬಂದ್ ಸೆಟ್ಲ ಆದೋರು ನಿಮ್ಮ ಮಕ್ಕಳಿಗೆ ಅಲ್ಲಿ ಭಾಷಿ, ಸಂಸ್ಕೃತಿ ಕೊಡುಕೆ ಮರ್ತರಲ್ಲೇ ಮಾರಾಯ್ರೆ, ಇದ್ನ ಕಂಡ್ರೆ ಕೇಂಡ್ರ ಭಾಳ ಭೇಜಾರಾತ್ತಲೆ. ನೀವ್ ಕುಂದಾಪ್ರದ ಜನ ಎಂಥಕ್ಕೆ ಮಕ್ಳ ಮರಿಗೆ ನಿಂ ಕುಂದಗನ್ನಡ ಕಲಸೂದಿಲ್ಲ ? ಅವ್ರ್ ಪ್ರಶ್ನೆಗೆ ಉತ್ರ ಕೊಡುವ ಅಂದ್ರೆ… ನಂಗ್ ಮದಿಯೇ ಆಯಿಲ್ಲ ಇನ್ನ್ ಮಕ್ಳಿಗೆ ಕಲ್ಸುದ್ ಎಲ್ಲ್ ಬಂತ್. ಆರೂ ಅವ್ರ್ ಕೇಂಡದ್ ಪ್ರಶ್ನೆಗೆ ನೀವೆಲ್ಲ ಎಂತ ಹೇಳ್ತ್ರಿ ಕಾಂಬ ಅಂದೇಳಿ ಇದನ್ನ್ ಬರುಕೆ ಹೊರ್ಟದ್ದ್..

 

ಕುಂದಾಪ್ರ ಬದ್ಯರ್ ಕೆಲ್ಸಕ್ಕಂದೇಳಿಯೋ, ಯಾಪಾರ ಮಾಡುಕಂದೇಳಿಯೋ ಪರವೂರಿಗೆ ಹೋದ್ರೂ ಸೈತ, ನಾನ್ ಕಂಡ್ ಮಟ್ಟಿಗೆ ಹೇಳುದಾರೆ, ಅವ್ರವ್ರ್ ಮಟ್ಟಿಗೆ ಮನ್ಯಗೆ ಕುಂದಾಪ್ರ ಕನ್ನಡದಗೇ ಮಾತಾಡ್ತ್ರ್. ಹಾಂಗಂದೇಳಿ ಇದು ನೂರಕ್ಕ್ ನೂರ್ ಸತ್ಯ ಅಂದೇಳಿ ಹೇಳುಕ್ ಬತ್ತಿಲ್ಲ… ಈಗ ಊರ್ ಬಿಟ್ಟ್ ಸುಮಾರ್ ವರ್ಷ ಆಯಿ ಪರವೂರಗೇ ಖಾಯಂ ಆಯಿ ಬಿಡಾದ ಮಾಡ್ದರ್ ಇದ್ರೆ, ಅವ್ರ ಮಕ್ಳ್ ಅಲ್ಲೇ ಹುಟ್ಟಿ ಬೆಳದ್ದಿದ್ರೆ, ಸುತ್ತ ಮುತ್ತ ಇಪ್ಪರ್ ಎಂತ ಭಾಷಿ ಮಾತಾಡ್ತ್ರೋ ಅದೇ ಭಾಷಿಯಗೇ ದೋಸ್ತಿಗಳ್ ಹತ್ರ, ಶಾಲ್ಯಗೆ ಮಾತಾಡುದ್ರಗೆ ಎಂತ ವಿಚಿತ್ರವೂ ಕಾಂತಿಲ್ಲ. ಆರೆ ಮನ್ಯಗ್ ಮಾತ್ರ ಕುಂದಾಪ್ರ ಕನ್ನಡದಗೇ ಮಾತಾಡ್ತ್ರ್. ಅದೂ ಅಲ್ದೇ ನಾವ್ ಒಂದ್ ಜಾಗದಗೇ ಸುಮಾರ್ ವರ್ಷ ಇದ್ರೆ, ನಮ್ ಬದಿ ಭಾಷಿ ಮಾತುಡವರ್ ನಮ್ ಸುತ್‌ಮುತ್ತ ಇಲ್ದಿದ್ರೆ, ಬ್ಯಾಡ ಅಂದ್ರೂ ಒಂಚೂರಾರೂ ಅವ್ರ್ ಮಾತಾಡು ಭಾಷಿ ನಮ್ಗೇ ಗೊತಿಲ್ದಾಂಗೇ ನಮ್ ಮಾತಗೆ ಬತ್ತ್. ಹಾಂಗಾಯಿ ಕುಂದಪ್ರದರ್ ಅವ್ರವ್ರ್ ಮಕ್ಳಿಗೆ ಅವ್ರ್ ಸಂಸ್ಕೃತಿ ಭಾಷಿ ಕಲ್ಸುದಿಲ್ಲ ಅಂತ ಹೇಳ್ರೆ ನಾನಂತೊ ಒಪ್ಪುಕ್ ತಯಾರಿಲ್ಲ.

 

ಅವ್ರ ಹೇಳ್ದಾಂಗಿನರ್ ಇರ್ತ್ರ್, ಇಲ್ಲ ಅಂದೇಳಿ ಅಲ್ಲ. ಅವ್ರಿಗೆ ಕುಂದಾಪ್ರ ಕನ್ನಡ ಅಂದೇಳ್ರ್ ಏನ್, ಕನ್ನಡ ಮಾತಾಡುಕೇ ನಾಚ್ಕಿ ಆಪುಕೂ ಸಾಕ್. ಹಾಂಗಿನರ್ ಬಗ್ ಬ್ಲಾಗ್ ಶುರು ಮಾಡದ್ ಸುರಿಗೆ ನಾನೇ ಒಂದ್ ಪೋಸ್ಟ್ ಮಾಡಿದ್ದೆ.  ಒಂದ್ ನಾಲ್ಕಕ್ಷರ ಟುಸ್-ಪುಸ್ ಅಂಬುಕ್ ಕಲ್ತ್ ಮೇಲೆ ನಮ್ ಭಾಷಿ ಮಾತಾಡುಕೆ ಅವ್ರ್ ಭರಾಮಿಗ್ ಕಮ್ಮಿ ಆತ್ತ್. ಇಂಗ್ಲಿಷ್ ಮಾತಾಡುದೇ ಒಂದ್ ಜಾಪ್ ಅಂದೇಳಿ ಅವ್ರ್ ಲೆಕ್ಕ. ನಮ್ ಕೆಲ್ಸಕ್ಕೋ ಮತ್ತೊಂದಕ್ಕೋ ಎಷ್ಟ್ ಬೇಕೋ ಅಷ್ಟ್ ಮಾತಾಡಿ, ನಮ್ಮವ್ರ್ ಹತ್ರ ಮಾತಾಡುವತಿಗೆ ನಮ್ಮ್ ಭಾಷಿ ಮಾತಾಡ್ರೆ ಇವ್ರ ಗಂಟ್ ಎಂತ ಹೋತ್ತೋ ನಂಗಂತೂ ಗೊತಿಲ್ಲ. ಹೀಂಗಿನರ್ ಇಲ್ದೇ ಇಲ್ಲ ಕುಂದಾಪ್ರ ಬದ್ಯಗೆ ಅಂದೇಳಿ ಹೇಳುಕಾತಿಲ್ಲ. ಆರ್ ನಂಗ್ ಗೊತ್ತಿದ್ದ್ ಮಟಿಗೆ ಅಂತರ್ ಮಸ್ತ್ ಜನ ಇಲ್ಲ. ನೀವ್ ಎಂತ್ ಅಂತ್ರಿ…?

 

ನಮ್ ಭಾಷಿ ಮಾತಾಡುಕೆ ಹುಣ್ಸಿಹಣ್ ಮಾಡ್ವರನ್ ಕಂಡ್ರ್ ಕೂಡ್ಲೇ ಒಂದ್ ಕತಿ ನೆನ್ಪ್ ಆತ್ತ್ ಕಾಣಿ. ಇದು ಎಲ್ಲೋ ಓದದ್ದೋ ಯಾರೋ ಹೇಳದ್ದೋ ನೆನ್ಪ್ ಆತಿಲ್ಲ. ಆರೆ ಕತಿ ಭಾರಿ ಗಮ್ಮತಿತ್ತ್. ಕುಂದಾಪ್ರ ಬದಿಯಳ್ ಒಬ್ಳ್ ಫಾರಿನ್ನಿಗ್ ಮದಿ ಆಯಿ ಹೋದ್ಲಂಬ್ರ್. ಮದಿ ಆಯಿ ಒಂದ್ ವರ್ಷ ಆರ್ ಮೇಲೆ ಮೊದಲ್ನೇ ಹೆರ್ಗಿಗೆ ಅಂದೇಳಿ ಅವ್ಳ್ ಗಂಡ ಅವ್ಳನ್ ಊರಿಗ್ ಬಿಟ್ಟ್ ಹೋದ ಅಂಬ್ರ್. ಅವ್ಳ್ ಅಮ್ಮ ಅವ್ಳನ್ ಕರ್ಕಂಡ್ ಡಾಕ್ಟ್ರ ಹತ್ರ ಕರ್ಕಂಡ್ ಹೋರ್. ಡಾಕ್ಟ್ರೂ ಕುಂದಾಪ್ರ ಬದಿಯರೇ… ಆರೂ ಇವ್ಳ್ ಫಾರಿನ್ನಿಂದ ಬಂದದ್ದಲ್ದಾ ॒ಅದನ್ನ್ ತೋರ್ಸ್‌ಕಂದೇಳಿ ಇವ್ಳ್ ಡಾಕ್ಟ್ರತ್ರ ರೀ ಟುಸ್–ಪುಸ್ ಅಂದೇಳಿ ಬಟ್ಲರ್ ಇಂಗ್ಲೀಷ್‌ಗೇ ಮಾತುಡುದಂಬ್ರ್… ಅವ್ಳ್ ಮಾತಾಡ್ತಿದ್ದ ತಪ್ ತಪ್ ಇಂಗ್ಲೀಷ್ ಕೇಂಡ್, ಡಾಕ್ಟ್ರಿಗೂ ಒಳ್ಗೊಳ್ಗೇ ತಡ್ಕಂಬ್ಕೆ ಆಗ್ದಿದ್ದಷ್ಟ್ ನೆಗಿ ಬತಿತ್ತ್… ಆರೂ ಕಷ್ಟ್ ಪಟ್ಟ್ ನೆಗಿ ತಡ್ಕಂಡ್ ಇದ್ರ್. ಆಯ್ತ್, ಅವ್ಳನ್ನ ಪರೀಕ್ಷೆ ಮಾಡಿ ಮಾತ್ರಿ, ಔಷಿದ್ಧಿ ಎಲ್ಲ ಕೊಟ್ಟ್, ಹದ್ನೈದ್ ದಿನ ಬಿಟ್ಟ್ ಆಸ್ಪತ್ರಿಗ್ ಬಂದ್ ಸೇರುಕ್ ಹೇಳ್ರಂಬ್ರ್. ಸರಿ ಹದ್ನೈದ್ ದಿನ ಹೋಯ್ತ್, ಅವ್ಳನ್ ಆಸ್ಪತ್ರಿಗೆ ಸೇರ್ಸ್ರ್, ಆಗ್ಳಿಕೂ ಅವ್ಳ್ ಮಾತ್ ಪೂರಾ ಬಟ್ಲರ್ ಇಂಗ್ಲೀಷೇ..  ಎಲ್ಲಿವgಗ್ ಅಂದ್ರ್ ಗುಡ್ಸಿ ಒರ್ಸುಕೆ ಬಪ್ಪರ್ ಹತ್ರವೂ ಇಂಗ್ಲೀಶೇ… ಸರಿ ಇನ್ನೇನ್ ಅವ್ಳಿಗೆ ಹೆರ್ಗಿ ಹೊಟ್ಟಿ ನೋವ್ ಶುರುವಾಯ್ತ್, ಹೆರ್ಗಿ ವಾರ್ಡಿಗೆ ಕರ್ಕಂಡ್ ಹೋದ್ರ್, ಅಷ್ಟೊತ್ತಿಗೆ ಅಲ್ಲಿಗ್ ಬಂದ್ ಡಾಕ್ಟ್ರಿಗೆ ಅವ್ಳ್ ಬೊಬ್ಬಿ ಕೇಣತ್ತಂಬ್ರ್… ಅಯಯ್ಯಬ್ಯೋ, ಹೊಟ್ಟಿ ನೋವ್ ತಡುಕಾತಿಲ್ಯೋ, ನಂಗೆಡಿದೋ… ಡಾಕ್ಟ್ರೆ ನೋವ್ ಕಡ್ಮಿ ಆಪುಕೆ ಎಂತಾರು ಕೋಡಿನ್ಯೋ… ಅವ್ಳ್ ಬೊಬ್ಬಿಯೇ ಬೊಬ್ಬಿ… ಅಚ್ಚ ಕುಂದಾಪ್ರ ಕನ್ನಡದಗೇ… 🙂

  

ನೀವೆಲ್ಲ ಹೀಂಗ್ ಜಾಪ್ ಮಾಡುವರಲ್ಲ ಅಂದೇಳಿ ನಂಗ್ ಗೊತ್ತಿತ್ತ್… ಇಲ್ದಿದ್ರೆ ನೀವೆಲ್ಲ ಈ ಬ್ಲಾಗಿಗೆ ಬತ್ತಿದ್ರ್ಯಾ? ನಿಮ್ಮ್ ಮಕ್ಳತ್ರ ಕುಂದಾಪ್ರ ಕನ್ನಡದಗೇ ಮಾತಾಡ್ತ್ರಿ ಅಲ್ದಾ?

 

ಹಾಂಗೂ ಒಂದ್ ಕಾಲ ಇದ್ದಿತ್ತ್ ಕಾಣಿ…

ಈ ಬ್ಲಾಗ್ ಬದಿಗೆ ಮಂಡಿ ಹಾಕಿ ಮನ್ಕಣ್ದೆ ಸುಮಾರ್ ದಿನ ಆಯ್ತ್. ಹಾಂಗಂದೇಳಿ ಬರುಕ್ ಪುರ್ಸೊತ್ ಇಲ್ಲ, ಬರುಕ್ ಮನ್ಸಿಲ್ಲ ಅಂದೇಳಿ ಅಲ್ಲ. ಹಾಂಗ್ ಕೇಂಡ್ರೆ ಈ ಬ್ಲಾಗಿಗೆ ಬರುಕೆ ನಂಗೂ ಮಸ್ತ್ ಖುಷಿಯೇ. ಆರೂ ಕಳ್ದ್ ತಿಂಗ್ಳ್ ಇಡೀ ಏನೋ ಒಂದ್ನಮನಿ ಉದಾಶಿನ ಹಿಡ್ದಂಗ್ ಆಯಿತ್. ಈಗ ಅದ್ನೆಲ್ಲ ಕೊಡ್ಕಿ ಹಾಕಿ ಬರುಕ್ ಕೂಕಂಡಿದೆ. ಇನ್ನ್ ಮೇಲೆ ಹೀಂಗೆಲ್ಲ ಹಾಂಟ್ ಹಾಕುದಿಲ್ಲ ಅಕಾ… ಸುಳ್ಳಾ-ಬದ್ಧವಾ ನೀವೇ ಕಾಣಿ ಬೇಕಾರೆ. ಈ ಬದಿಗೆಲ್ಲಾರೂ ನೀವ್ ನೀಕಿ ಕಂಡದ್ದೇ ಹೌದಾರೆ ಒಂದ್ ನಾಕ್ ಮಾತ್ ಹೇಳಿ ಮಾರಾಯ್ರೆ… ಇದ್ ಸಾಪಿತ್ತ್, ಇಲ್ಲಾ ಇದ ಚೂರೂ ಲಾಯ್ಕಿರಲ್ಲ, ಹೀಂಗ್ ಹೀಂಗ್ ಬರ್ದ್ರೆ ಒಳ್ಳೆದಿರತ್ತ್… ಅಂದೇಳಿ ಏನಾರೂ ಹೇಳ್ರೆ ನಂಗೂ ಬರುಕ್ ಒಂದ್ ಉಮೇದ್ ಬತ್ತ್. ಹೇಳ್ತ್ರಿ ಅಲ್ದಾ?

ನೀವ್ ಏನೇ ಹೇಳಿ ಬೇಕಾರೆ.. ನಾವ ಸಣ್ಣಕಿಪ್ಪ ಸುರಿಗಿದ್ದ ದಿನದ್ ನೆನ್ಪಿನ ಚಂದ ಬೇರೆ ಯಾವ್ದಕ್ ಸತೇ ಬತ್ತಿಲ್ಲ. ಡಿಸೆಂಬರ್-ಜನವರಿ ಸುರಿಗೆ ಹಗೂರ ಹೂ ಬಿಡುಕೆ ಸುರುವಾಪ ಗ್ವಾಯ್ ಮರದಗೆ ಫೆಬ್ರವರಿ ಬಪ್ಪತಿಗೆ ಒಂದೊಂದೇ ಮಿಜ್ರ್ ಬಿಡುಕ್ ಶುರುವಾತ್. ಕೈಯೆಲ್ಲ ಸೊನಿಯಾತ್ ಬ್ಯಾಡ ಅಂದ್ರೂ ಕೇಣ್ದೆ ಮಿಜ್ರ್ ಎಲ್ಲಾ ಕೊಯ್ಕಂಡ್ ಬಂದ್, ಕತ್ತಿಯೋ, ಬ್ಲೇಡೋ ಹಿಡ್ಕಂಡ್ ಮಿಜ್ರನ್ನ ಬಗ್ತಿ ಮಾಡಿ, ಅದ್ರ್ ಒಳ್ಗಿನ ಬೆಳಿ ಬೆಳಿ ಚಿರ್ಲ್(ತಿರುಳು) ತಿಂಬುದನ್ನ್ ಎಣ್ಸಕಂಡ್ರೆ ಬಾಯಗೆ ನೀರ್ ಒಡುಕೆ ಶುರುವಾತ್ತ್. ಹೆಸ್ರ್‌ಬ್ಯಾಳಿ ಪಾಯ್ಸಕ್ಕೆ ಇದನ್ನ ಹಾಕ್ರಂತೂ ಭಾರಿ ಲಾಯ್ಕಿರತ್ತ್. ಕಡಿಗೆ ಗ್ವಾಯ್ ಹಣ್ನೆಲ್ಲಾ ಬಿಳ್ದ್ ಹೋಯಿ ನಾಕ್ ಮಳಿ ಬಿದ್ರ್ ಕೂಡ್ಲೆ ಮಕ್ಳೆಲ್ಲಾ ಗ್ವಾಯ್ ಮರದ ಅಡಿಯೇ. ಎಂತಕಂದ್ರೆ ಬಿದ್ದ್ ಹುಟ್ಟದ್ ಗ್ವಾಯ್ ಬೀಜ ಬೆದಿ ಬಂದಿರತ್ತಲ್ದಾ.. ಅದ್ ದೊಡ್ಡದಾಯ್ಕಿದ್ರೇ ಹುಡ್ಕಿ ಅದರ ಎಸಳು ಹಿಡ್ಕಂಡ್ ತಿಂತಾ ಇದ್ರೆ… ಹ್ಯಾಂಗೆ ಹೇಳುದ್ ಅದ್ರ್ ರುಚಿ… ಆರೆ ಅದೆಲ್ಲಾರೂ ಚೂರು ಬೆಳದ್ರೆ ಅದ್ರ ರುಚಿ ಪೂರಾ ಹೋಯಿ ಒಂದ್ನಮನಿ ರಬ್ಬರ್ ಜಗ್ದಾಂಗ್ ಆತ್ತ್

ಆಗೆಲ್ಲಾ ಜೋರ್ ಮಳಿ ಬಂದ್ರ್ ಸಾಕ್.. ಶಾಲಿಗೆ ರಜಿ… ಯಾಕಂದ್ರೆ ಹೊಳಿ, ತೋಡ್, ಹಳ್ಳ ದಾಟ್ಕಂಡ್, ಸಂಕದ ಮೇಲೆ ನೆಡ್ಕಂಡ್ ಬಪ್ಪರಿಗೆ ಮನಿಗೆ ಹೋಪುಕೆ ಕಷ್ಟ ಆಪ್ಕಾಗ ಅಂದೇಳಿ. ನಾನ ಸಿದ್ಧಾಪ್ರದಗೆ ಎಂಟನೇ ಕ್ಲಾಸಿಗೆ ಹೋಪ್ ಸಮಿಗೆ ಒಂದಿನ ಜೋರ್ ಮಳಿ ಬಂದ್ ಶಾಲಿಗ್ ಬೆಳಿಗ್ಗೆಯೆ ರಜಿ ಕೊಟ್ಟಿದ್ರ್. ಮನಿಗ್ ಹೋಪ ಅಂದ್ರೆ ಹತ್ತ್ ಗಂಟಿ ಬಸ್ಸ್ ಹೋಯಾಯಿತ್ತ್. ಇನ್ನ್ ಬಸ್ ಇಪ್ದ್ ಹನ್ನೆರ್ಡ್ ಗಂಟಿಗೇ ಸೈ. ಸರಿ ಎಂತ ಮಾಡುದ್ ಅಂದೇಳಿ ನಂ ಬದಿಗೆ ಹೋಪ ಮಕ್ಳೆಲ್ಲಾ ಒಟ್ಟಾಯಿ ಮಾತಾಡ್ಕಂಡ್… ನೆಡ್ಕಂಡ್ ಹೋಪ ಅಂದೇಳಿ ತೀರ್ಮಾನ ಆಯ್ತ್. ಸಿದ್ಧಾಪ್ರದಿಂದ ನಮ್ಮ್ ಮನಿಗೆ ಸುಮಾರ್ ಹನ್ನೊಂದ್-ಹನ್ನೆರ್ಡ್ ಕಿಲೋಮೀಟ್ರ್ ಆತ್ತ್. ಆರೆ ಆಗ್ಳಿಕೆ ಅದೆಲ್ಲ ಒಂದ್ ಲೆಕ್ಕವಾ? ಸರಿ ಹೊರ್ಟೇ ಬಿಡ್ತ್. ನಮ್ಗ್ ಶಾಲಿ ಬಿಡುಕೂ ಮಳಿ ಕೈದ್ ಆಪುಕೂ ಸಮಾ ಆಯ್ತ್. ಆರೂ ನಾಕೆಂಟ್ ಹುಂಡ್ ಬೀಳ್ತಾ ಇದ್ದಿತ್. ಹೀಂಗೆ ಪಟ್ಟಾಂಗ ಹೊಡಿತಾ ನೆಡ್ಕಂಡ್ ಹೋಪತಿಗೆ , ದಾರಿ ಬದ್ಯಗೆ ಒಂದ್ ಬದಿ ಉಜರ್ ಬತ್ತಾ ಇದ್ದಿತ್ತ್. ಅಲ್ಲೇ ಬುತ್ತಿ ಊಟ ಮುಗ್ಸಿ, ಬುತ್ತಿ ತೊಳ್ಕಂಡ್ ಮತ್ತ ನೆಡುಕ್ ಶುರು ಮಾಡದ್ದೇ… ಮಾತಾಡ್ತಾ ಮಾತಾಡ್ತಾ ಕಮಲಶಿಲೆ ಪಾರಿ ಹತ್ತದ್ದೇ ಗೊತ್ತಾಯಲ್ಲ. ಪಾರಿ ಹತ್ತಿ ಆರ್ ಮೇಲೆ ನಮ್ಮ್ ಮಂಗನಾಟ ಶುರುವಾಯ್ತ್. ಎಲ್ಲ್ ನೆಲ್ಲಿಮರ, ಚಾಪಿ ಮರ, ಚೂರಿ ಹಣ್ಣಿನ ಗಿಡ, ನೇರ್ಲ್ ಮರ ಅಂದೇಳಿ ಹುಡ್ಕಂಡ್ ಸಿಕ್ಕದ್ದನ್ನೆಲ್ಲಾ ಗುಳುಂ ಸ್ವಾಹಾ ಮಾಡಿ, ಚಡ್ಡಿ ಕಿಸಿಗಿಷ್ಟ್, ಬುತ್ತಿ ಒಳ್ಗ್ ಇಷ್ಟ್ ಅಂದೇಳಿ ತುಂಬಿ ಮನಿಗ್ ಬಪ್ಪತಿಗೆ ಮೂರ್ ಗಂಟಿ ಬಸ್ಸಿನ ಹಾರ್ನ್ ಕೇಂತಾ ಇದ್ದಿತ್ತ್. ಅಷ್ಟ್ ನೆಡದ್ರೂ ಸಾಕಾಯ್ತ್ ಅಂತ ಅನ್ಸಲೇ ಇಲ್ಲ.

ಹೀಂಗೇ ಹೇಳುಕ್ ಹೊರಟ್ರೆ ಈ ನಮನೀದ್ ಸುಮಾರ್ ಕತಿ ಇತ್ತ್. ಎಲ್ಲಾ ಇವತ್ತೇ ಹೇಳ್ರೆ ನಾಳಿಗೂ ಒಂಚೂರ್ ಬ್ಯಾಡ್ದಾ? ನಿಮ್ದೂ ಹೀಂಗಿಂದೆಂತಾರೂ ನೆನ್ಪ್ ಇದ್ರೆ ಹೇಳಿ ಕಾಂಬ 🙂

ನವ್ರಾತ್ರಿಯಂದ್ರೆ…ಹೊಸ್ತು….ಹುಲಿಯಾಸ… ಹೂವಿನಕೋಲು…ಪಾಣಾರ್ರ ವೇಷ

ನವ್ರಾತ್ರಿ ಬಂತಂದ್ರ್ ಸಾಕ್. ನೆನ್ಪ್ ಊರ್ ಬದಿ ಮುಖ ಮಾಡ್ಕಂಡ್ ಕೂಕಣತ್. ಮಾಲಯ ಅಮಾಸಿ ಮುಗದ್ದೇ ತಡ… ಎಲ್ಲರ್ ಮನ್ಯಗೂ ಕದ್ರ್ ಪೂಜಿ ಮಾಡಿ…ಅದನ್ ತಂದ್‌ಕಟ್ಟಿ ಹೊಸ್ತ್ ಮಾಡು ಗೌಜಿ ಶುರುವಾತ್ತ್. ನಮ್ಗೆ ಅಂದ್ರೆ ಮಕ್ಳಿಗೆಲ್ಲಾ ಗಡ್ಜ್ ಗಮ್ಮತ್ತ್. ಅರ್ಧವಾರ್ಷಿಕ ಪರಿಕ್ಷೆ ಎಲ್ಲಾ ಮುಗ್ದ್ ಶಾಲಿಗ್ ಬೇರೆ ರಜಿ ಸಿಕ್ಕಿರತ್. ಮತ್ತ್ ಶಾಲಿ ಬದಿಗ್ ಮುಖ ಹಾಕುದ್ ದೀಪಾವಳಿ ಪಟಾಕಿ ಎಲ್ಲ ಖಾಲಿ ಆರ್ ಮೇಲೆ ಸೈ.

ಹೊಸ್ತಿನ ಊಟ ಮಾಡಿ… ಹೊಟ್ಟಿ ಭಾರ ಆದ್ದಕ್ಕೆ ಕಣ್ಣ್ ಎಳ್ದ್ ಎಳ್ದ್ ಬತ್ತಿರತ್ತ್…. ಒಂದ್ ಗಳ್ಗಿ ಅಡ್ಡಾತೆ ಅಂದೇಳಿ ಮಲ್ಕಂಡ್ರೆ ತಂಪ್ ಗಾಳಿಗೆ ಕಣ್ಣ್ ಮುಚ್ಚಿ ಹೋದ್ದೇ ಗೊತ್ತಾತಿಲ್ಲ.

 

ನವ್ರಾತ್ರಿ ಅಂದ್ರಗತಿಗೆ ಮತ್ತೊಂದ್ ನೆನ್ಪ್ ಬಪ್ಪುದ್ ನವರಾತ್ರಿ ಸುರಿಗ್ ಬಪ್ಪ ನಮ್-ನಮೂನಿ ಯಾಸ. ಅದ್ರಗೆ ನಂಗೆ ಹೌದೋ ಅಲ್ದೋ ಅಂಬಗೆ ಕಂಡ್ ನೆನ್ಪಿಪ್ದ್ ಪಾಣಾರ್ರ್ ಯಾಸ. ಪಾಣಾರ್ರ್ ಯಾಸ ವೇಷ ಹಾಕುವ ಒಬ್ಬ ನಮ್ಮೂರ್ ಬದಿಗೆ ಬತ್ತಿದ್ದ್ ನೆನ್ಪ ಹೆಚ್ ಕಡ್ಮಿ ಇಪ್ಪತ್ ವರ್ಷದ್ ಹಿಂದಿದ್… ಕಡಿ ಕಡಿಗೆ ಕಣ್‌ಮಾಯ್ಕ ಆದ ಹಾಂಗೆ ಈ ಯಾಸ ಹಾಕ್ವರ್ ಎಲ್ಲ್ ಹೋರೋ ಗೊತ್ತಿಲ್ಲ. ಇದ್ ನಮ್ಮೂರಿಂದ ಮಾತ್ರ ಹೋದ್ದಾ ಅತ್ವಾ ಬೇರೆ ಬದ್ಯಗೂ ಇಲ್ಯಾ ಅಂದೇಳಿ ಗೊತ್ತಿಲ್ಲ…ಆರೂ ಮಸ್ಕ್ ಮಸ್ಕ್ ಆಯಿ ಆ ವಿಚಿತ್ರ ಯಾಸ, ಕುಣ್ತ , ಅವ್ರದ್ದೇ ಎಂತದೋ ವಿಚಿತ್ರ ಪದ್ಯ ಕೇಂಡದ್ ನೆನ್ಪ್ ಇತ್ತ್. ಆರೆ ಈಗ್ಳೂ ಸತೆ ಮುಖಕ್ ಸಮಾ ಪೌಡ್ರ್, ಸ್ನೋ ಎಲ್ಲಾ ಬಳ್ಕಂಡರನ್ ಕಂಡ್ರೆ…ಇದೆಂತದಾ ಪಾಣರ್ರ ಯಾಸ ಅಂದೇಳಿ ಕುಶಾಲ್ ಮಾಡ್ತ್ರ್.

 

ನವ್ರಾತ್ರಿದ್ ಇನ್ನೊಂದ್ ಯಾಸ ಅಂದ್ರೆ ಅದು ಹುಲಿಯಾಸ…ಮೈತುಂಬಾ ಅರ್ಶಿನ ಬಣ್ಣ.. ಅದ್ರ್ ಮೇಲೆ ಕಪ್ಪ್ ಬರಿ ಎಳ್ದಾಂಗ್ ಪಟ್ಟಿ.. ಬಾಯಗ ಒಂದ್ ಲಿಂಬಿಹಣ್ಣ್ ಕಚ್ಕಂಡ್ ಬಪ್ಪ ಹುಲಿಯಾಸ್ದರ್… ಎರಡೋ..ಮೂರೋ..ನಾಕೋ ಹುಲಿ…ಒಬ್ಬ ಕೋವಿ ಹಿಡ್ಕಂಡ್ ಹುಲಿ ಬ್ಯಾಟಿ ಮಾಡುವನ್ ಯಾಸ. ಈ ಹುಲಿಯಾಸ ಕಾಂಬುಕೆ ಮಕ್ಳಿಗೆಲ್ಲ ಪುಕ್. ಅದ್ಕೆ ಬಾಗ್ಲ್ ಚಡಿಯಗೋ, ತಳಿಕಂಡ್ಯಗೆ ನೀಕ್ತಾ ಹುಲಿಯಾಸ ಕಂಡ್ ಹೆದ್ರಕಂತಿದ್ದದ್ ನೆನ್ಪಾರ್ ಈಗ ನೆಗಿ ಬತ್ತ್. ಸಣ್ಣ್ ಮಕ್ಳಂತೂ ಹೆದ್ರಿಕಂಡ್ ಚಡ್ಡಿಯೊಳ್ಗೇ.. ಒಂದ್..ಎರ್ಡ್ ಎಲ್ಲಾ ಮಾಡ್ಕಂಬುದೂ ಇರತ್ತ್.. ಆರೂ ಒಂದ್ ಖುಷಿ ಅಂದ್ರೆ.. ಊರ್ ಬದಿಗೆ ಹೋರ್ ಈ ಹುಲಿಯಾಸ ಕಾಂಬುಕೆ ಅಡ್ಡಿ ಇಲ್ಲ…. ಇತ್ತಿತ್ಲಾಯಿ ಯಾಸ ಹಾಕ್ವರ್ ಸ್ವಲ್ಪ ಕಡ್ಮಿ ಆಯಿರಂಬ್ರ..ಆರೂ… ಪೂರಾ ಕೈದಾಯಿಲ್ಲ ಅಂಬುದೇ ಸಮ್ಧಾನ.

 

ಇನ್ನೊಂದ್ ವಿಶೇಷ ನೆನ್ಪ್ ಅಂದ್ರೆ ಹೂವಿನ್ ಕೋಲ್….ಇದೊಂತರ ಸಣ್ಣ್ ಯಕ್ಷಗಾನದ ಕಣಗೆ. ಒಂದ್ ಕಲಶ…ಅದರ ಸುತ್ತ ಮಲ್ಗಿ ಹೂ ಸುತ್ತಿ ಮಾಡಿದ ಹೂವಿನ ಕೋಲ್ ಹಿಡ್ಕಂಡ್ , ಒಂದ್ ತಂಡ ಕಟ್ಕಂಡ್ ಮನಿ ಮನಿಗೂ ಹೋಯಿ ಯಾವ್ದಾರೂ ಯಕ್ಷಗಾನ ಪ್ರಸಂಗದ್ದ್ ಒಂದೆರ್ಡ್ ಪದ..ಅರ್ಥ ಹೇಳ್ತ್ರ್. ಇಬ್ರ್ ಅರ್ಥಧಾರಿಗಳು, ಒಬ್ರ್ ಭಾಗ್ವತ್ರ್, ಒಬ್ರ್ ಮದ್ಲಿಯರ್..ಹೀಂಗೆ ಒಂದ್ ಸಣ್ಣ್ ಮ್ಯಾಳವೇ ಇರತ್ತ್. ಹೂವಿನ ಕೋಲರ್ ಮನಿಗ್ ಬಂದ್ರೆ ಮನಿಗ್ ಒಳ್ಳೇದ್ ಅಂದೇಳಿ ಒಂದ್ ನಂಬ್ಕಿ. ಹೆಚ್ಚಾಯಿ ಬ್ರಹ್ಮಾವರ, ಸಾಲಿಗ್ರಾಮ, ತೆಕ್ಕಟ್ಟೆ, ಸಾಸ್ತಾನ, ಕುಂದಾಪ್ರ ಬದ್ಯಗೆ ಈ ಹೂವಿನ ಕೋಲಿನ ತಂಡದರ್ ಬತ್ತಿದ್ದಿರ್.  ಆರೆ ಇತ್ತಿತ್ಲಾಗೆ ಹೂವಿನ್ ಕೋಲು ಮಾಡುವರ್ ಕಣ್ಣಿಗ್ ಬೀಳುದೇ ಭಾರೀ ಅಪ್ರೂಪ. ಆರೂ ಮೊನ್ನೆ ಡೆಕ್ಕನ್ ಹೆರಾಲ್ದಗೆ ಒಂದ್ ಸುದ್ದಿ ಓದಿ ಖುಷಿ ಆಯ್ತ್.ಗುಂಡ್ಮಿ ರಘುರಾಮ ಭಾಗ್ವತ್ರ್ ಒಂದ್ ಹೂವಿನ ಕೋಲಿನ ತಂಡ ಕಟ್ಕಂಡ್ ಡೆಲ್ಲಿಗೆ ಹೋಯಿ..ಅಸ್ಕರ್, ಸೋನಿಯಾ ಗಾಂಧಿ ಮನಿಗೆಲ್ಲ ಹೋಯಿ ಹೋವಿನ ಕೋಲ್ ಪ್ರದರ್ಶನ ಮಾಡಿ ಬಂದಿರಂಬ್ರ್. ಅಲ್ದೇ ಬೇರೆ ಮಸ್ತ್ ಜನ್ರ್ ಮನಿಯಗೂ ಹೂವಿನ ಕೋಲು ತಂಡ ಕರ್ಕಂಡ್ ಹೋಯಿರಂಬ್ರ್…ಅವ್ರ ಪ್ರಯತ್ನ ಯಾರಾರೂ ಮೆಚ್ಚ್‌ಕಾದ್ದೇ.

 

ನಮ್ಗ್ ಬೇಕಿರ್ಲಿ ಬ್ಯಾಡ್ದಿರ್ಲಿ… ಬದ್ಲಾಪುದೆಲ್ಲ ಬದ್ಲಾತಾ ಇರತ್ತ್. ಹಳಿ ನೀರ್ ಹೋಯಿ ಸಮುದ್ರ ಸೇರತ್…ವರ್ಷವರ್ಷವೂ ಹೋಳಿಯಗೆ ಹೊಸ ನೀರ್ ಬಂದ್ ಹೊಳಿ ಕೆಂಪಾತ್ತ್. ಆದ್ರೂ ನಮ್ಗ್ ನೆನ್ಪ್ ಮಾಡ್ಕಂಡ್ ಖುಶಿ ಪಡುಕಾರೂ ನಾವ್ ಸಣ್ಣಕಿಪ್ಪತ್ತಿಗೆ ಇವೆಲ್ಲ ಇದ್ದಿತ್ ಅಂಬುದೇ ಒಂದ್ ಕುಶಿ…ಎಲ್ಲಾ ಹೊಸ್ತ್ ಹೊಸ್ತ್ ಆತಾ ಇಪ್ಪತಿಗೆ ವರ್ಷ, ವರ್ಷವೂ ಹಳ್ತ್ ಆತಾ ಹೋಪ್ದ್ ಅಂದ್ರೆ ನಾವೇ ಸೈ ಏನೋ…ಅಲ್ದಾ.. 🙂

ಗುಲಾಬಿ ಟಾಕೀಸಿಗೆ ಒಂದ್ಸಲ ಹೋಯ್ ಬಪ್ರ್ಯಲ…

ಅಂತೂ ಕಳ್ದ್ ವಾರ ಪಿ.ವಿ.ಆರ್ ಟಾಕೀಸಿಗ್ ಹೋಯಿ ಗುಲಾಬಿ ಟಾಕೀಸ್ ಕಂಡ್ಕಂಡ್ ಬಂದೆ. ವೈದೇಹಿ ಬರದ್ ಕತಿದ್ ಒಂದ್ ಸಣ್ಣ್ ಎಳಿ ಮಾತ್ರ ಇಟ್ಕಂಡಿರ್. ಕತಿ ಬದ್ಲ್ ಮಾಡ್ರೂ ಪಿಚ್ಚರ್ ಭಾರಿ ಲಾಯ್ಕ್ ಆಯಿ ಬಂದಿತ್. ಉಮಾಶ್ರೀಯಂತೂ ಕುಂದಾಪ್ರ್ ಬದ್ಯರ್ ಅಲ್ಲ ಅಂದೇಳಿ ಹೇಳುಕ್ ಯಡ್ಯ. ಹಾಂಗ್ ಕಾಂಬುಕ್ ಹೋರೆ ಎಂ.ಡಿ.ಪಲ್ಲವಿ ಮಾಡದ್ ನೇತ್ರ ಕುಂದಾಪ್ರ ಕನ್ನಡ ಮಾತಾಡ್ವತಿಗೆ ಒಂಚೂರ್ ಬೇರೆ ನಮ್ನಿ ಕೇಂತಿತ್ತ್. ಆರ್ ಇದೆಲ್ಲ ಅಷ್ಟ್ ದೊಡ್ ತಪ್ಪೇನಲ್ಲ ಬಿಡಿ. ನಾವ್ ಹುಟ್ಟಿನ್ ಲಗಾಯ್ತ್ ಊರಗೇ ಇದ್ದದ್. ಈಗೊಂದ್ ನಾಲ್ಕಾರ್ ವರ್ಷದ್ ಈಚಿಗೆ ಊರ್ ಬಿಟ್ಟದ್. ಆರೂ ಮಾತಾಡ್ವತಿಗೆ ಬ್ಯಾಡ ಅಂದ್ರೂ ಈ ಬದಿ ಕನ್ನಡ ಎಷ್ಟೋ ಸಲ ಎಳಿತ್ತ್. ಇನ್ ಅವ್ರ ನಾಕ್ ದಿನ್‌ದಗೆ ಅಷ್ಟಪ ಕಲ್ತ್ ಮಾತಾಡುದೇ ಹೆಚ್ಚ್.

 

ಇಡೀ ಪಿಚ್ಚರ್ ತುಂಬಾ ಕುಂದಾಪ್ರ ಕನ್ನಡವೇ ಇತ್ತ್. ಕಡ್ಲ್ ಬದೀ ಜನ್ರ್, ಅವ್ರ್ ಕುಶಾಲ್, ಅವ್ರ್ ಜಗ್ಳ, ಹೀಂಗೆ ಎಲ್ಲಕಿಂತ ಹೆಚ್ಚಾಯಿ ಜಾತಿ-ಧರ್ಮದ ಗಲಾಟಿ ಇಲ್ದಿದ್ ಊರಗೆ ಹ್ಯಾಂಗೆ ಇದೆಲ್ಲಾ ಶುರು ಆಯ್ತ್. ಒಟ್ಟಿಗಿದ್ದರೇ ಹ್ಯಾಂಗ್ ಒಬ್ರನ್ ಕಂಡ್ರೆ ಇನ್ನೊಬ್ರ್ ಅನ್ಮಾನ ಪಡುವಂಗಾಯ್ತ್… ಹೀಂಗೆ ಮೀನುಗಾರಿಕೆಗೆ ಬೇರೆಯರಿಗೆ ಬಪ್ಪುಕ್ ಬಿಟ್ರ್ ಮೇಲೆ ಹ್ಯಾಂಗ್ ನಮ್ ನಮ್ಮೊಳಗೆ ಗಲಾಟಿ ಶುರು ಆಯ್ತ್ ಅಂದೇಳಿ ತೋರ್ಸಿದ್ರ್.

 

ನಂಗ್ ಈ ಪಿಚ್ಚರ್ ಬಗ್ ಮಸ್ತ್ ಬರಿಕಂದೇಳಿ ಇದ್ದಿತ್. ಆರೆ ಸುಧನ್ವ ದೇರಾಜೆ ಬರದ್ದ್ ಒದ್ರ್ ಮೇಲೆ, ಬೇರೆ ಯಾರಿಗೂ ಬರುಕ್ ಎಂತದೂ ಬಾಕಿ ಈಡ್ದಿದ್ದ್ ಹಾಂಗೆ ಅವ್ರ್ ಒಂದ್ ಒಳ್ಳೇ ವಿಮರ್ಶೆ ಬರ್ದಿರ್. ಒಂದ್ಗಳ್ಗಿ ಪುರ್ಸೊತ್ತ್ ಮಾಡ್ಕಂಡ್ ಓದಿ.

 

ಹಾಂಗಾಯಿ ನಾ ಹೇಳುದ್ ಇಷ್ಟೇ…ಪಿಚ್ಚರ್ ಭಾರೀ ಲಾಯ್ಕ್ ಇತ್ತ್. ಇನ್ನ್ ಹೆಚ್ಚ್ ದಿನ ಟಾಕೀಸಗೆ ಇರತ್ತೋ ಇಲ್ಯೋ ಗೊತ್ತಿಲ್ಲ. ಪುರ್ಸೊತ್ತಾರೆ ಒಂದ್ಗಳ್ಗಿ ಹೊಯ್ ಕಂಡ್ಕಂಡ್ ಬನಿ. 

ಹಬ್ಬದ್ ಹೇಳ್ಕಿಗೆ ಹುಲಿ ಕೂಗತ್ತಂಬ್ರಪ್ಪ..

ಮೊನ್ನೆ ನನ್ ಫ್ರೆಂಡ್ ಒಬ್ಬ ಕಮಲಶಿಲೆಗೆ ಹೊಯಿ ಬಂದಿದ್ದ. ಅಲ್ಲಿನ್ ಗುಹೆ ಕಾಣ್ಕ್ ಅಂದೇಳಿಯೇ ಅಂವ ಹೋದ್ದ್. ಹೋಯಿ ಬಂದನೆ ಗುಹೆ ಕಂಡ್ಕಂಡ್ ಬಂದ್ ಕತಿಯೆಲ್ಲ ಹೇಳ್ತಿದ್ದ. ಸುಮಾರ್ ಫೊಟ ಎಲ್ಲಾ ತೆಗ್ದಿದ ಅಂಬ್ರ್. ಆ ಗುಹೆ ಭಾರಿ ಲಾಯ್ಕ್ ಇತ್ತ್ ಮರಾಯ್ರೆ. ನಾನ್ ಗುಹೆ ಕಾಂಬುಕ್ ಹೋಯಿ ಸುಮಾರ್ ವರ್ಷ ಆಯ್ತ್. ಆರೆ ಸುಮಾರ್ ದೊಡ್ಡ್ ಗುಹೆ. ಗುಹೆ ಒಳ್ಗೆ ಲೈಟ್ ಹಿಡ್ಕಂಡ್ ಹೋರೆ ಸುಮಾರ್ ದೂರ್ ಹೋಯ್ಲಕ್. ಅಂವ ಹೇಳದ್ದೆಲ್ಲ ಕೇಂಡ್ ಮೇಲೆ ನಾನೂ ಅವ್ನೊಟ್ಟಿಗ್ ಹೋಯ್ಲಕಿದ್ದಿತ್ ಅಂತ್ ಅನ್‌ಸ್ತ್. ಇರ್ಲಿ ಕಾಂಬ.. ಮತ್ತೇಗ್ಳಿಕಾರೂ ಹೋರ್ ಸೈ ಅಂದೇಳಿ ಸಮ್ಧಾನ ಮಾಡ್ಕಂಡ್, ಅವ್ನ್ ಹತ್ರ ಫೊಟ ಎಲ್ಲಾ ಕಳ್ಸುಕ್ ಹೇಳಿದೆ. ಅಂವ ಕಳ್ಸ್ರ್ ಮೇಲ್ ಬ್ಲಾಗಗೂ ಹಾಕ್ತೆ. ನೀವೂ ಕಾಣ್ಲಕ್ ನಮ್ಮೂರಿನ ಗುಹೆ.

 

ಹೀಂಗೆ ಗುಹೆ ಸುದ್ದಿ ಮಾತಾಡ್ತಿಪ್ಪತಿಗೆ ಒಂದ್ ನೆನ್ಪ್ ಬಂತ್ ಕಾಣಿ. ಆಗ್ಳಿಕೆ ನಮ್ಮೂರಿಗೆ ಪಾರ್ವತಮ್ಮ ಅಂದೇಳಿ ಒಬ್ರ್ ಹಳಿಯರ್ ಬತ್ತಿದ್ರ್. ಮನೆಯಗೆ ಮಾತಾಡ್ತಿದ್ದದ್ ಎಲ್ಲಾ ಕೆಮಿ ಮೇಲೆ ಬಿದ್ದ್ ಪ್ರಕಾರ, ಸುಮಾರ್ ಮೊದ್ಲ್ ಅವ್ರಿಗೆ ಎಂತದೋ ಒಂದ್ ಕಷ್ಟ ಬಂದ್ ಬದ್ಕಿನ್ ಮೇಲೆ ವೈರಾಗ್ಯ ಹುಟ್ಟಿತ್ತ್ ಅಂಬ್ರ್. ಒಂದ್ ನಮನಿ ಸನ್ಯಾಸಿ ಕಣಗೆ ಇದ್ದಿರ್. ಅವ್ರ್ ಇದೇ ಕಂಮ್ರಶಿಲೆ ಗುಹೆಯೊಳ್ಗೆ ಸುಮಾರ್ ಸಮ್ಯ ಕೂಕಂಡ್ ತಪಸ್ಸೆಲ್ಲಾ ಮಾಡಿರಂಬ್ರ್. ಆಗ್ಳಿಕೆ ಹುಲಿಯೆಲ್ಲ ಗುಹೆಯೊಳ್ಗೇ ಓಡಾಡ್ತ ಇರ್ತಿತ್. ಆರೆ ಅದ್ ದೇವ್ರ್ ಹುಲಿ ಆಪುಕೊಯಿ ಯಾರಿಗೂ ಏನೂ ಉಪದ್ರ ಮಾಡ್ತಿರ್‌ಲಿಲ್ಲ ಅಂಬ್ರಪ್ಪ. ಹಿಂದಿಂದೆಲ್ಲ ನಾವ್ ಎಲ್ಲ ಕಂಡಿತ್ ಅಲ್ದಾ? ಇದ್ರೂ ಇದ್ದಿಕ್. ಆರೆ ಈಗ ನೆನ್ಪಾಪ್ದ್ ಅಂದ್ರೆ, ಬಾಯ್ಕಳ್ಕಂದ್ ಕೂಕಂಡ್ ಅರ್ಧ ಪುಕ್, ಅರ್ಧ ಆಶ್ಚರ್ಯದಗೆ ಈ ಕತಿ ಎಲ್ಲಾ ಕೇಂತ ಕೂಕಂತಿದ್ದದ್.

 

ಹುಲಿ ಅಂದ್ರ್‌ಕೂಳೆ ಮತ್ತೊಂದ್ ನೆನ್ಪ್ ಬತ್ತ್ ಕಾಣಿ. ಪ್ರತಿವರ್ಷ ಕಮಲಶಿಲೆ ಹಬ್ಬದ್ ಸುರಿಗೆ, ಹಬ್ಬಕ್ ಸ್ವಲ್ಪ ದಿನ ಮೊದ್ಲ್ ಕಂಮ್ರಶಿಲೆ ಪಾರಿ ಮೇಲೆ ರಾತ್ರಿ ಹೊತ್ತಿಗೆ ಹುಲಿ ಕೂಗತ್ತಂಬ್ರ್. ಅದ್ ದೇವಿಯ ವಾಹನ ಹುಲಿಯೇ ಅಂಬ್ರ್. ಹಾಂಗ್ ಕೂಗುದ್ ಎಂತಕೆ ಕೇಂಡ್ರ್ಯಾ? ಹಬ್ಬ ಬಂತ್, ಎಲ್ಲ ಹಬ್ಬದ್ ತಯಾರಿಗೆ ದೇವ್‌ಸ್ಥಾನಕ್ ಬನಿ ಅಂದೇಳಿ ಹುಲಿ ಹೇಳ್ಕಿ ಮಾಡುದಂಬ್ರ್. ಹಿಂದೆಲ್ಲ ಹಬ್ಬದ್ ಹೇಳ್ಕಿಗೆ ಈ ಬ್ಯಾನರ್, ಕಾಗ್ದ್ ಎಲ್ಲ ಎಲ್ಲಿದ್ದಿತ್. ಹಾಂಗಾಯ್ ಹುಲಿದೇ ಹೇಳ್ಕಿ ಅಂಬ್ರ್. ಈಗ್ಳೂ ಹಬ್ಬದ್ ಸುರಿಗೆ ಹುಲಿ ಕೂಗಿ ಹೇಳ್ಕಿ ಮಾಡತ್ ಅಂತ್ರಪ್ಪ. ನಂಗ್ ಒಂದ್ಸಲವೂ ಕೇಣಲ್ಲ. ಆದ್ರೆ ಕೇಂಡರಿದ್ರಂಬ್ರಪ್ಪ. ಅಂದ್‌ಹಾಂಗೆ ಕಂಮ್ರಶಿಲೆ ಗುಹೆ ಬಗ್ಗೆ ಸುಮಾರ್ ಒಂದ್ ವರ್ಷದ್ ಹಿಂದೆ ಉದಯ ಟಿ.ವಿ.ಯಗೆ ರಾತ್ರಿ ಹತ್ ಗಂಟಿಗೆ ‘ನಂಬಿದ್ರೆ ನಂಬಿ’ಯಗೆ ತೋರ್ಸಿರ್. ನೀವ್ ಕಂಡಿರ್ಯಾ? ಕಾಣ್ದಿರೆ ಒಂದ್ಸಲ ಹೋಯ್ ಕಣ್ಕಂಡ್ ಬನಿ. ಒಳ್ಳೆ ಜಾಗ.

ಸಿದ್ಧಾಪ್ರ ಸಂತಿ ದಿನ ಬಸ್ ಹತ್ತುದಂದ್ರೆ….ಅಯ್ಯಬ್ಬ!

ಯಾವ್ದಾರೂ ಬೇಕ್ ಕಾಣಿ, ಈ ಸಂತಿ ದಿನ ಬಸ್ಸಗೆ ಹೋಪುದ್ ಮಾತ್ರ ಎಷ್ಟ್ ಕೊಟ್ರೂ ಬ್ಯಾಡ್ದೆ. ಅದ್ರಗೂ ಜೋರ ಸೆಕಿ ಇಪ್ಪ್ ಸಮಿಗೆ ಹೋಯ್ಕಾರೆ ಸಾಕ್‌ಬೇಕ್ ಅಂಬಂಗಾತ್. ಬುಧ್ವಾರ ಸಿದ್ಧಾಪ್ರದಗೆ ಸಂತಿ. ಹಾಂಗಂತೇಳಿ ಎಂತಾರೂ ಕೆಲ್ಸ ಇದ್ರೆ ಈ ವಾರ ಎಲ್ಲ ಕಾಂತ ಕೂಕಂಬುಕೆ ಆತ್ತಾ? ಅದೂ ದಿನ ಕೇಂಡರೊಟ್ಟಿಗ್ ಆ ದಿನ್‌ವೇ ಎಂತಾರೂ ಕೆಲ್ಸ ಬಂದ್ರೆ ಎಂತ ಮಾಡುಕಾತ್ತ್? ಒಟ್ಟ್ ಹೋಯ್ದಿರ್ ಉಪಾಯಿಲ್ಲ.

 

ನಾನ್ ಶಾಲಿಗ್ ಹೋಪತಿಗೆ ಬುಧ್ವಾರ ಬಂದ್ರ್ ಸಾಕ್. ಯಾಕಾರೂ ಬಂತೋ ಅಂತ್ ಅನ್ಸ್‌ತಿದ್ದಿತ್. ಬೆಳಿಗ್ಗೆ ಹ್ಯಾಂಗಿದ್ರೂ ಬೇಗ್ ಹೋಪುದಲ್ದಾ. ಹಾಂಗಾಯ್ ಬಚಾವ್. ಆರೆ ಸಾಂಯ್ಕಾಲ ಬಪ್ಪ್ ಕತಿ ಕೇಂಡ್ರ್ ಮಾತ್ರ ಸುಕ ಇಲ್ಲ. ಈ ಮಾಯ್ನ್‌ಕಾಯಿ ಉಪ್ಪಿಗ್ ಹಾಕ್ತ್ರ್ ಅಲ್ದಾ..ಥೇಟ್ ಅದೇ ನಮ್ನಿ. ಅದ್ರಗೂ ಬೆನ್ ಮೇಲೆ ಶಾಲಿ ಚೀಲ ಬೇರೆ. ಅದನ್ನ್ ಹೊತ್‌ಕಂಡ್ ಆ ಜನ್ರ್ ಎಡ್ಕಿಯಲ್ ನುರ್ಕಂತ ಒಳ್ಗ್ ಹೋಪ್ರ್ ಒಳ್ಗ್ ಮೈಯೆಲ್ಲ ಹೊಡಿಯಾದಂಗಾತ್. ಅರವತ್ತ್ ಜನ ಹಿಡೂ ಬಸ್ಸಿಗೆ ನೂರಿಪ್ಪತ್ ಜನ ತುಂಬ್ಸರೂ, ಇನ್ನೂ ನಾಕ್ ಜನ ಹಿಡ್ಸ್‌ಲಕ್ಕಲಾ ಅಂಬ್ ಉಮೇದಿ ಬಸ್ಸಿನರಿಗೆ. ಬಸ್ಸ್ ಹತ್ತುದ್ ಹ್ಯಾಂಗಿದ್ರೂ ಹತ್ತಿಯಾಯ್ತ್. ಆರೆ ಒಳ್ಗೆ ಉಸ್ರಾಡ್ತೆ ಅಂದ್ರೂ ಗಾಳಿ ಆಡುದಿಲ್ಲ. ಬೆವ್ರ್ ವಾಸ್ನಿ, ಸಂತಿಯಿಂದ ಎಲ್ಲ ಹಿಡ್ಕಂಡ್ ಬಂದ್ ಹೊಳಿ ಬಾಳಿಕಾಯಿ ವಾಸ್ನಿ ಎಲ್ಲಾ ಸೇರಿ ಗುಂ ಅಂತಿರತ್ತ್. ಕೆಳಗಿಪ್ಪತ್ತಿಗೆ ‘ಹ್ವಾಯ್..ಒಂಚೂರ್ ಜಾಗ ಬಿಡಿನಿ ನಾ ಒಂಚೂರ್ ಮೇಲ್ ಬತ್ನೆ..’ ಅಂದೇಳಿ ಮೇಲ್ ಹತ್‌ದರೆಲ್ಲ ಈಗ …ಪ್ಲೇಟ್ ಬದ್ಲ್ ಮಾಡಿ.. ‘ಎಂತಾ ತುಂಬ್‌ತ್ರ್ ಮಾರಾಯ್ರೆ ಹಂಗಾರೆ..ಈ ಬಸ್ಸ್ ಬಿಡುದೇ ಇಲ್ಯಾ ಕಾಂತ್’ ಅಂದ್ ಗೊಣಗೊಣ ಅಂದ್ರೂ ಬಸ್ಸಿನ್ ಕಂಡೆಕ್ಟ್ರಿಗೆ , ಏಜೆಂಟ್ರಿಗೆ ಎಡ್ದಷ್ಟ್ ಜನ ತುಂಬ್ಸುವರಿಗೆ ಮನ್ಸಿಗ್ ಸಮ್ದಾನ ಇಲ್ಲ. ‘ಹಿಂದೋಯ್ನಿ, ಮುಂದೋಯ್ನಿ, ಮೇಲ್ ಹತ್ತಿ… ಅಂದೇಳಿ ನಿಂತ್ ಜಾಗದಗೂ ನಿಲ್ಲುಕ್ ಬಿಡ್ದೆ ಅವ್ರ್ ಜನ ತುಂಬುವಷ್ಟೊತ್ತಿಗೆ ಇಲ್ಲ್ ಒಳ್ಗ್ ಇದ್ದರಿಗೆ ಒಂದ್ ಬೆವ್ರ್ ಸ್ನಾನ ಆಯಿರತ್

 

ಅಂತೂ ಒಳ್ಗ್ ಸಾಸ್ಮಿ ಕಾಳ್ ಹಾಕುಕೂ ಚಡಿ ಇಲ್ಲ ಅಂತ್ ಗ್ಯಾರಂಟಿ ಆರ್ ಮೇಲೆ ಟಾಪ್ ಹತ್ತುವರನ್ನೆಲ್ಲಾ ಹರ್ಸಿ, ಅವ್ರಿಗೆಲ್ಲಾ ಟಿಕೇಟ್ ಕೊಟ್ಟ್, ಬಾಗ್ಲಗೂ ಒಂದ್ ಇಪ್ಪತ್ತೈದ್ ಜನ ನೇಲುಕ್ ಶುರುವಾರ್ ಮೇಲೆ ಅಂತೂ ಬಸ್ಸ್ ಬಿಡ್ತ್ ಅಂದೇಳಿ ಆಯ್ತ್. ಬಸ್ಸ್ ಹೊರ್‌ಟ್ರಾರೂ ಸುಕ ಇತ್ತ? ನಾಕ್ ನಾಕ್ ಮಾರಿಗೊಂದೊಂದ್ ಸ್ಟಾಪ್. ಎಲ್ಲೋ ಮಧ್ಯ ಸೇರ್ಕಂಡರ್ ದಾರ್ಯಗಿದ್ದರದ್ದೆಲ್ಲ ಕಾಲ್ ಮೆಟ್ಟಿ, ಅವ್ರನ್ ದೂಡ್ಕಂಡ್ ಬಾಗ್ಲಿಗೆ ಬಪ್ಪತಿಗೆ ಬಸ್ ಹೊರ್ಟಾಯಿರತ್. ‘ಹೋಯ್…ಹೋಯ್ ನಿಲ್ಸಿನಿ.. ಇಳುಕಿತ್ತೇ ..’ ಅಂತ್ ಕೂಗಿ, ಕೈ ತಟ್ಟಿ ಬಸ್ಸ್ ನಿಲ್ಸಿ, ಅವ್ರನ್ ಇಳ್ಸಿ ಇನ್ನೇನ್ ಪಷ್ಟ್ ಗೇರಿಂದ ಸೆಕೆಂಡ್ ಗೇರಿಗ್ ಬಿದ್ದಿರತ್ ಅಷ್ಟೇ… ಮತ್ತೊಂದ್ ಸ್ಟಾಪ್ ಬಂದಾಯ್ತ್. ಅಂತೂ ಹಣಿಮಕ್ಕಿ, ಆಜ್ರಿ ಮೂರ್‌ಕೈ, ತಾರಿಕೋಡ್ಲ್, ಮುತ್ತಾಬೇರ್, ಕೆಳಂಜಿ ಮೋರಿ, ಸೊಸೈಟಿ, ರಾಂ ಭಟ್ರ್ ಅಂಗ್ಡಿ, ಎಡಮೊಗೆ ದಾರಿ, ಕಮಲಶಿಲೆ ದೇವಸ್ಥಾನ ಅಂದೇಳಿ ನಾಲ್ಕ್ ಕಿಲೋಮೀಟ್ರಿಗೆ ಹನ್ನೆರ್ಡ್ ಹದಿಮೂರ್ ಸ್ಟಾಪ್. ಅರೂ ಜನ ಇಳ್ದ್ ಇಳ್ದ್ ಒಂಚೂರ್ ಗಾಳಿ ಆಡುವಂಗೆ ಆಯಿರತ್ತ್. ಕಮ್ಲಶಿಲೆ ‘ಏರ್’ ಹತ್ತುಕ್ ಎಡಿದೋ ಅಂದೇಳಿ ಒರ್ಲತಾ ಎಕ್ಸ್‌ಟ್ರಾ ಗೇರಗೆ ಹಗೂರ ನಕ್ಕುಳ ಹರ್ದಂಗೆ ಹತ್ತಿ ಮೇಲ್ ಬಂದ್ ಮೇಲೆ ಅಯ್ಯಬ್ಬ ಅನ್ಸತ್ತ್. ಅಲ್ಲಿಂದ್ ಬಸ್ಸು ಮತ್ತೆ ಎಳ್‌ಬೇರ್ ದಾರಿ, ನಡ್‌ಮದ್ರಿ ದಾರಿ, ಸಾಯ್ಬರಂಗಡಿ, ಬಾಚುಗುಳಿ ಅಂತ ಮತ್ತೆ ಕಟ್ಟೆ ಪೂಜೆ ಮಾಡಿ ನಮ್ ಮನಿ ಹತ್ರ ಇಳು ಸುರಿಗೆ ಮೈಕೈ ಪೂರಾ ನೋವ್, ಅಂಗಿ ಚಡ್ಡಿ ಎಲ್ಲಾ ಬೇವ್ರ್ ವಾಸ್ನಿ. ಹೊಟ್ಟಿ ತಾಳ ಹಾಕ್ತಾ ಇದ್ರೂ, ನಾಕ್ ಚಂಬ್ ನೀರ್ ಮೈಮೇಲ್ ಬೀಳ್ದೆ ಎಂತ ತಿಂಬ್ಕೂ ಎಡಿಯ. ಅಂತೂ ಒಂದ್ ಸಂತಿ ದಿನದ ಬಸ್ಸಿನ ರಗ್ಳಿ ಮುಗೀತಲ್ಲ ಅಂತ್ ಸುಧಾರ್ಸ್‌ಕಂಬಷ್ಟೊತ್ತಿಗೆ ಮತ್ತೊಂದ್ ಬುಧ್ವಾರ ಬಂದಾಯಿರತ್ತ್.

 

ಮತ್ತೆ ಕುಂದಾಪ್ರದಗೆ ಜೋರ್ ಮಳಿ ಅಂಬ್ರಲಾ…

ನಂಗೆ ಬಪ್ಪುಕೆಡಿಯ ಅಂದೇಳಿ ಕೂಕಂಡಿದ್ದಿದ್ ಮಳಿರಾಯ ಕಡಿಗೂ ಕಣ್ಣ್ ಬಿಟ್ನಾ ಕಾಣತ್. ಬೆಂಗಳೂರಗೂ ನಾಕ್ ಹನಿ ಮಳಿ ಬಪ್ಪುಕ್ ಶುರು ಆಯಿತ್. ಕುಂದಾಪ್ರ ಬದ್ಯಗಂತೂ ಸಮಾ ಮಳಿ ಕುಟ್‌ತಾ ಇರ್ಕ್ ಅಲ್ದಾ? ಮಳಿ ಬಂದದ್ ಅಂಬುದ್ ಬ್ಯಾಸಾಯ ಮಾಡುವರಿಗ್ ಹೋದ್ ಜೀವ ಬಂದಂಗಾಯಿರ್ಕ್. “ಈ ವರ್ಷ ಮಳಿ ಕತಿ ಹೀಂಗೇ ಆರೆ ಯೆಂತ ಮಾಡುದ್. ಹೋಯ್ಲಿ ನೀರಾರು ಹಾರ್ಸುವ ಅಂದ್ರೆ ಕರೆಂಟ್ ಸತೆ ಇಪ್ಪುದಿಲ್ಲ” ಅಂದೇಳಿ ಮಂಡಿ ಮೇಲ್ ಕೈ ಹಾಯ್ಕಂಡ್ ಕೂಕಂಡರಿಗೆಲ್ಲ ಈಗ ಅಯ್ಯಬ್ಬ ಅಮಗ್ ಆಯಿರ್ಕ್.

 

ಈ ಮಳಿ ಕತಿ ಹೀಂಗೇ ಕಾಣಿ. ಕೆಲವ್ ಬದಿಲ್ ದೇವ್ರೆ ಯಾಕಾರೂ ಈ ಮಳಿ ಓಂದ್ ಕೈದ್ ಆತಿಲ್ಯೋ ಅಂತ್ ಹೇಳ್ರೂ ಕೇಣ್ಡೇ ಹಗ್ಲ್ ರಾತ್ರಿ ಸೊರ್ದ್ ಊರೆಲ್ಲಾ ಮುಳ್ಸಿ ಹಾಕತ್. ಇನ್ನ್ ಕೆಲವ್ ಬದಿಲ್ ಕೆಪ್ಪಿ ಮದಿ, ಕತ್ತಿ ಮದಿ, ನಾಯಿ ಮದಿ ಅಂದೇಳಿ ಇದ್ದ್ ಬದ್ದದ್ದೆಲ್ಲಾ ಮಾಡ್ರೂ ನಾಕ್ ಹುಂಡ್ ಮಳಿ ಬಂದ್ ಕೈದ್ ಆತ್ತ್. ಒಟ್ರಾಸಿ ಈ ಮಳಿನ್ ನಂಬ್ಕಂಡ್ ಆಯ್ಕಂಬ್ಕ್ ಆತಿಲ್ಲ ಕಾಣಿ.

 

ಏನೇ ಆಯ್ಲಿ. ಅಂತೂ ಕಡಿಕಾರೂ ಮಳಿ ಬಂತಲ..ಅಷ್ಟೇ ಸಾಕ್. ಈ ಮಳಿ ಒಂದ್ ಬರ್ದಿದ್ದಿರ್ ಎಲ್ಲರಿಗೂ ಭಾರಿ ಪಚೀತಿ ಆತಿದ್ದಿತ್. ಆ ಬದ್ಯಗೆ ತಮಿಳ್‌ನಾಡರ್ ಗಲಾಟಿ ಮಾಡ್ತಿದ್ರ್. ಇತ್ಲಾಗೆ ಕರೆಂಟಿಲ್ದೆ ಕತ್ಲಿಯಗೆ ಕೂಕಣ್ಕಿದ್ದಿತ್. ಬೆಳಿ ಪೂರಾ ಲಗಾಡಿ

 ಹೋತಿದ್ದಿತ್… ಸದ್ಯಕ್ಕಂತೂ ಮಳಿ ಕಣ್ ಬಿಟ್ ಕಾಂಬುಕೋಯಿ ಎಲ್ಲಾರು ಬಚಾವ್. ಈ ಜೋರ್ ಮಳಿ ಬಪ್ಪತಿಗೆ ನಂಗೂ ಊರ್ ಬದ್ಯಂಗೆ ನಾಕ್ ದಿನ ಮಳಿ ರಾಪ್ ಕಾಂತಾ ಕೂಕಣ್ಕ್ ಅಮಗಿತ್ತ್. ಆರ್ ಮಳಿ ಕಾಂಬುಕೆಲ್ಲಾ ರಜಿ ಕೊಡುಕೆ ಕಂಪ್ನಿಯರೇನ್ ನನ್ ಮಾವನಾ ಹೇಳಿ ಕಾಂಬ J

ಕುಂದಪ್ರಭ ಆನ್‌ಲೈನಂಗೆ ಸಿಕ್ಕತ್ ಗೊತ್ತಾ?

 

ಕುಂದಾಪ್ರದ್ ಕಾರ್ಬಾರ್ ಎಲ್ಲಾ ತಿಳ್ಕಣ್ಕ್ ಅಂಬಗಿದ್ರೆ, ಕುಂದಾಪ್ರದ್ದೇ ಪೇಪರ್ ಓದ್ಕ್ ಅಲ್ದಾ? ಕುಂದಾಪ್ರ್‌ದ್ ಸುದ್ದಿ ವಾರ ವಾರವೂ ಕಾಣ್ಕಂಬಗಿದ್ರೆ ಈ ಲಿಂಕ್ ಕ್ಲಿಕ್ ಮಾಡಿ <http://kundaprabha.com&gt;

ವಾರದ್ ಬಿಸಿಬಿಸಿ ಸುದ್ದಿ ಒಟ್ಟಿಗೆ ಧಾರವಾಹಿ , ಕಥೆ , ಅಂಕಣ , ರಂಗೋಲಿ ಎಲ್ಲಾನು ಕಾಂಬುಕ್ ಸಿಕ್ಕತ್. ಪುರ್ಸೊತ್ತಾದ್ರೆ ಒಂದ್ ಗಳ್ಗಿ ಹೋಯಿ ಬಿಸಿ ಬಿಸಿ ಸುದ್ದಿ ಓದ್ಕಂಡ್ ಬನಿ.

 

ಕುಂದಾಪ್ರದಗೆ ಈ ಸರ್ತಿ ಎಲೆಕ್ಷನ್ ಟೈಟ್ ಅಂಬ್ರಲಾ ಹೌದಾ..?

ಅಲ್ಲ ಮರಾಯ್ರೆ ಕುಂದಾಪ್ರದಗೆ ಈ ಸರ್ತಿ ಎಲೆಕ್ಷನ್ ಭಯಂಕರ ಟೈಟ್ ಅಂಬ್ರಲಾ ಹೌದೇ ಇದು? ಯಾರ್ ಬಾಯಗ್ ಕೇಂಡ್ರೂ ಒಂದೇ ಮಾತಪ್ಪಾ.. ಈ ಸರ್ತಿ ಯಾರ್ ಗೆಲ್ಲೂದ್ ಅಂದೇಳಿ ಈಗ್ಳೇ ಹೇಳುದ್ ಕಷ್ಟಾ ಮಾರ್ರೆ.. ಶೆಟ್ರಿಗೂ ಹೆಗ್ಡೆಯರಿಗೂ ಜೋರ್ ಫೈಟ್ ಇತ್ತ್ ಗೊತ್ತಿತಾ? ಯಾರ್ ಗೆದ್ರೂ ಮೂರ್ನಾಕ್ ಸಾವ್ರದ್ ಒಳ್ಗೇ ಕಾಣಿ ಬೇಕಾರೆ… ಎಂತಾರೂ ಓಟಿನ್ ಪೆಟ್ಗಿ ಬಿಚ್ಚುವರಿಗೆ ಎಂತದೂ ಹೇಳುಕ್ ಬತ್ತಿಲ್ಲ್ಯೇ…

 

ಅದೆಂತದೋ ಕ್ಷೇತ್ರ ವಿಭಜನೆ ಅಂಬ್ರಪ್ಪ. ಅದನ್ ಮಾಡಿ ನಮ್ ಬ್ರಹ್ಮಾವರದ್ ಹೆಗ್ಡಿಯರಿಗ್ ಈಗ ಅವ್ರ್ ಎಸೆಂಬ್ಲಿ ಕ್ಷೇತ್ರವೇ ಇಲ್ಲ ಅಂಬ್ರ್ ಕಾಣಿ. ಅದ್ಕೇ ಅವ್ರು ಈ ಸರ್ತಿ ಈ ದಳ ಪಕ್ಷೇತರ ಅಂದೇಳಿ ನಿಂತ್ರೆ ಸುಖ ಇಲ್ಲ ಅಂದೇಳಿ ಕಾಂಗ್ರೆಸ್ ಸೇರ್ಕಂಡ್ ಕುಂದಾಪ್ರದಗೆ ನಿಂತ್ಕಂಡಿರ್. ಅವ್ರು ಮುಂಚೆ ದಳದಗೆ ಇದ್ರಲ್ದಾ ಆಗ್ಳಿಕೆ ಒಂಸರ್ತಿ ಮೀನುಗಾರಿಕಾ ಮಂತ್ರಿ ಆಯಿದ್ದಿರ್. ಬ್ರಹ್ಮಾವರ ಕ್ಷೇತ್ರದಗೆ ಮಸ್ತ್ ಕೆಲ್ಸ ಎಲ್ಲ ಮಾಡಿರ್ ಅಂದೇಳಿ ಎಲ್ಲಾ ಹೇಳ್ತ್ರಪ್ಪ. ಮುಂಚೆ ಜನತಾದಳ ಒಡ್ದ್ ಹೋಯ್ತಲ್ಲ ಆಗ್ಳಿಕೆ ಪಕ್ಷೇತರ ಆಯಿ ನಿಂತ್ಕಂಡ್ ಸತೇ ಗೆದ್ದಿರ್ ಅಂದ್ರೆ ಅವ್ರ್ ಕೆಪಾಸಿಟಿ ಬಗ್ಗೆ ಎರ್ಡ್ ಮಾತ್ ಇಲ್ಲ ಬಿಡಿ. ಕಳ್ದ್ ಸುಮಾರ್ ಸಲ್ದಿಂದ ಬರೀ ಹೆಸ್ರಿಗ್ ಮಾತ್ರ ನಿಂತ್ಕಂತಿದ್ದ ಕಾಂಗ್ರೆಸ್‌ನರ್ ಈ ಸರ್ತಿ ಏನಾರೂ ಮಾಡಿ ಕುಂದಾಪ್ರದಗೆ ಗೆಲ್ಕ್ ಅಂದೇಳಿ ಎಣ್ಸಕಂಡಿರ್.

 

ಆರೆ ಅದು ಅಷ್ಟು ಸುಲಭದಂಗೆ ಮಾತ್ರ ಆಪ್ ಬಾಬಲ್ಲ. ಯಾಕಂದ್ರೆ ಬೇರೆ ಯಾರೇ ಬಿ.ಜೆ.ಪಿ. ಯಿಂದ ನಿಂತ್ಕಂಡಿದ್ರೂ ಹೆಗ್ಡೆಯರ್ ಆರಾಮ್ ಆಯಿ ಗೆಲ್ತಿದ್ರೋ ಏನೋ.. ಆರೆ ಹಾಲಾಡಿ ಶ್ರೀನಿವಾಸ್ ಶೆಟ್ರನ್ನ್ ಅಷ್ಟು ಸುಲ್ಭದಗೆ ಸೋಲ್ಸುಕಂತೂ ಆತಿಲ್ಲ. ಅದೂ ಅಲ್ದೆ ಹೆಗ್ಡೆಯರ ಕ್ಷೇತ್ರ ಬ್ರಹ್ಮಾವರದ್ ಸುಮಾರ್ ಭಾಗ ಬೇರೆ ಉಡ್ಪಿಗ್ ಹೊಯ್ತ್ಂಬ್ರ್.

 

ಇನ್ನು ಶ್ರೀನಿವಾಸ್ ಶೆಟ್ರ ವಿಷ್ಯಕ್ ಬಂದ್ರೆ ಅವ್ರು ಯೇನ್ ಕಡ್ಮಿ ಜನ ಅಲ್ದೇ. ಕುಂದಾಪ್ರದ್ ವಾಜಪೇಯಿ ಅಂದೇಳಿ ಹೆಸ್ರ್ ಮಾಡ್ದರ್ ಅಲ್ದೇ ಅವ್ರು. ಅದೂ ಅಲ್ದೆ ಬಡವರಿಗೆ, ಕಷ್ಟದಗೆ ಇದ್ದಿರಿಗೆಲ್ಲ ಮಸ್ತ್ ಉಪ್ಕಾರ ಮಾಡಿರಂಬ್ರ್. ಕೊಡುಗೈ ದಾನಿ ಅಜಾತಶತ್ರು ಶೆಟ್ರು ಅಂತೇಳಿ ಎಲ್ಲ ಹೆಸ್ರ್ ಮಾಡಿರ್ ಮರಾಯ್ರೆ. ಅಲ್ದೆ ಯಾವ್ ರಗ್ಳಿ, ಗಲಾಟಿಯಗೂ ಸಿಕ್ಕುವರಲ್ಲ. ಒಟ್ಟ್ ಗೆದ್ದ್ ಮೇಲ್ ಊರ್ ಬದಿ ಮುಖ ತೋರ್ಸ್ದೆ ಇಪ್ಪರ್ ಮಧ್ಯ ಶ್ರೀನಿವಸ್ ಶೆಟ್ರು ಒಬ್ರ್ ಒಳ್ಳೆ ಜನ ಮರಾಯ್ರೆ ಅಡ್ಡಿಲ್ಲ ಅಂದೇಳಿ ಎಲ್ರೂ ಹೇಳ್ತ್ರಪ್ಪ. ಆರೆ ಒಂದೇ ಒಂದ್ ಪೈಂಟ್ ಅಂದ್ರೆ.. ಬಿ.ಜೆ.ಪಿ.ಯರ್ ಸ್ಟ್ರಾಂಗ್ ಇಪ್ಪ್ ಕುಂದಾಪ್ರದ್ ಕೆಲವ್ ಜಾಗ ಈ ಸರ್ತಿ ಬೈಂದೂರಿಗ್ ಸೇರಿತಂಬ್ರ್. ಅದೇನಾರೂ ಹೆಚ್ ಕಡ್ಮಿ ಆರೆ ಮಾತ್ರ ಶೆಟ್ರಿಗೆ ಕಷ್ಟ ಅಂದೆಳಿ ಎಲ್ಲಾ ಮಾತಾಡ್ತ್ರಪ್ಪ.

 

ಒಟ್ಟ್ರಾಶಿ ಕುಂದಾಪ್ರದಂತೂ ಎಲ್ಲ್ ಕಂಡ್ರೂ ಇದೇ ಮಾತ್, ಮದಿ ಮನಿಗ್ ಹೊಯ್ನಿ, ಹಬ್ಬದ್ ಗರಕ್ ಹೋಯ್ನಿ, ಸಂತಿಗ್ ಹೋಯ್ನಿ, ಬಸ್ಸಗ್ ಹೋಯ್ನಿ, ಬೇಕಾರ್ ಮೀನ್ ಮಾರ್ಕೇಟಿಗ್ ಹೋಯ್ನಿ ಎಲ್ಲರ ಬಾಯಗೂ ಒಂದೇ ಜಪ.. ‘ಎಲೆಕ್ಷನ್ ಟೈಟ್ ಅಂಬ್ರಲ…’ ಇಬ್ರಗ್ ಯಾರ್ ಬೇಕಾರ್ ಗೆದ್ರೂ ಕ್ಷೇತ್ರಕ್ ಒಳ್ಳೇದ್ ಮಾಡುದನ್ನ, ಇಲ್ಲಿವರಿಗ್ ಮಾಡದ್ದನ್ನ ಮುಂದ್ವರ್ಸ್ಕಂಡ್ ಹೋಪುಕೆ ಇಬ್ರೂ ತಯಾರಿದ್ರು ಅಂಬುದ್ ಮಾತ್ರ ಸತ್ಯ. ಜನ್ರ್ ಯಾರಿಗ್ ಓಟ್ ಹಾಕಿರ್ ಅಂದೇಳಿ ಗೊತ್ತಾಪುಕೆ ಇಪ್ಪತ್ತೈದ್ನೆ ತಾರೀಕಿಗೆ ಪೆಟ್ಗಿ ಒಡುವರಿಗೆ ಗೊತ್ತಾತಿಲ್ಲ. ಅಲ್ಲಿವರಿಗೆ ಕುಂದಾಪ್ರದಗೆ…ಅವ್ರ್ ಗೆಲ್ತ್ರಾ ಇಲ್ಲ ಇವ್ರಾ ಬೆಟ್ ಕಟ್ಟುಕ್ ಬತ್ರ್ಯಾ ಅಂದೇಳಿ ಕೇಂತಾ ತಿರ್ಗುವರಿಗೇನು ತೊಂದ್ರಿ ಇಲ್ಲ.

ನಮ್ ಭಾಷಿ ಚಂದವೇ ಬೇರೆ ಕಾಣಿ…

ನಂಗಂತೂ ನಮ್ ಕುಂದಾಪ್ರ ಕನ್ನಡ ಕೇಂಡ್ರೆ ಅಷ್ಟಿಷ್ಟ್ ಖುಷಿ ಆಪುದಲ್ಲ ಗೊತ್ತಿತ?

ಅದ್ರಗೂ ಈಗ ಕೆಲ್ಸ ಮಾಡುಕ್ ಅಂತೆಳಿ ಊರ್ ಬಿಟ್ಟ್ ಬೆಂಗ್ಳೂರ್ ಸೇರ್ಕಂಡ್ ಮೇಲೆ ಯಾರೆ ಕುಂದಾಪ್ರದರ್ ಸಿಕ್ರೂ ಅವ್ರನ್ ಒಂದ್ಸಲ ಕುಂದಾಪ್ರ ಕನ್ನಡದಗೆ ಮಾತಾಡ್ಸ್‌ದಿದ್ರೆ ಸಮಾಧಾನವೇ ಆತಿಲ್ಲ. ಬೆಂಗ್ಳೂರಾಗಂತೂ ಬಿಡಿ ಆ ಭಾಷಿ ಈ ಭಾಷಿ ಅಂತೇಳಿ ಎಲ್ಲಾರೂ ಸೇರ್ಕಂಡ್ ಬೆಂಗ್ಳೂರ್ ಕನ್ನಡ ಅಂಬುದ್ ಒಳ್ಳೇ ಕಿಚಿಡಿ ಆದ್ ಕಂಡ್ಮೇಲೆ…ಇನ್ನೂ ಗಮಗಮ ಅಂತೆಳಿ ಪರಿಮಳ್ ಬಪ್ಪ ಕುಂದಗನ್ನಡ ಕೆಮಿ ಮೇಲೆ ಬಿದ್ರೆ ಆಪ್ ಖುಷಿ ಬಾಯ್ಮಾತಗೆ ಹೇಳುಕೆ ಆತಿಲ್ಯೇ..

 

ಕೆಲವ್ರೆಲ್ಲ ಇದ್ರ್ ಕಾಣಿ ಅವ್ರಿಗೆ ಕುಂದಾಪ್ರ ಕನ್ನಡದಗೆ ಮಾತಾಡುಕೆ ನಾಚ್ಕಿ ಆತ್ ಅಂಬ್ರ್. ಅಲ್ಲ ಈ ಬೇರೆ ಭಾಷಿಯರೆಲ್ಲ ಬಂದು ಅವ್ರವ್ರ ಭಾಷೆಯಗೆ ಮಾತಾಡುವತಿಗೆ ನಮ್ ಭಾಷಿ ಮಾತಾಡುಕೆ ನಮ್ಗೆ ಎಂತಕೆ ನಾಚ್ಕಿ ಆಯ್ಕ್ ನೀವೇ ಹೇಳಿ ಕಾಂಬ. ಅವ್ರಿಗೆಲ್ಲ ಆಗ ಇದೇ ಕುಂದಾಪ್ರ ಕನ್ನಡದಗೆ ಎಲಿಮೆಂಟ್ರಿ ಕಲ್ತದ್, ಇದೇ ಕುಂದಾಪ್ರ ಕನ್ನಡದಗೆ ಹೈಸ್ಕೂಲಗೆ ಪಾಠ ಕೇಂಡದ್ ಎಲ್ಲ ನೆನಪೇ ಹೋಯಿತ್ತಾ ಹಂಗಾರೆ? ಒಂದ್ನಾಕ್ ವರ್ಷ ಊರ್ ಬಿಟ್ರ್ ಕೂಡ್ಳೇ ಟುಸ್ ಪುಸ್ ಅಂದೇಳಿ ಇಂಗ್ಲೀಷ್ ಹಾರ್ಸುಕೆ ಕಲ್ತ್ ಕೂಡ್ಲೇ ಹುಟ್ಟಿನ ಲಾಗಾಯ್ತೂ ಆಡ್ಕಂಡ್ ಬಂದ ಭಾಷಿ ನೆನ್ಪ್ ಹೋತ್ ಅಂತಾರೆ ನಾಳಿಗ್ ಇವ್ರ್ ದೊಡ್ ಮನ್‌ಷ್ರು ಅನ್ಸ್ಕಂಬತಿಗೆ ಹೆತ್ ಅಪ್ಪ ಅಮ್ಮನ್ ನೆನ್ಪ್ ಆರು ಇರತ್ ಅಂದೇಳಿ ಏನ್ ಗ್ಯಾರಂಟಿ ಮಾರಾಯ್ರೆ…?

 

ಅದೆಲ್ಲ ಇರ್ಲಿ ಬಿಡಿ… ಇನ್ಮೇಲೆ ಪುರ್ಸೊತ್ತ್ ಸಿಕ್ದಾಗ್ಳಿಕೆಲ್ಲ ಕುಂದಾಪ್ರ ಕನ್ನಡದಗೆ ಎಂತಾರು ಒಂದಿಷ್ಟ್ ಬರುವ ಅಂದೇಳಿ ಮಾಡಿದ್ನೇ… ಓದಿ. ಲಾಯ್ಕ್ ಇದ್ರೆ ನಂಗೆ ಒಂದ್ಮಾತ್ ಹೇಳಿ…

 

ಒಂದ್ ಮಾತ್ ಮಾತ್ರ ನಾವೆಲ್ಲ ನೆನ್ಪಿಟ್ಕಣ್ಕಾದ್ ಅಂದ್ರೆ… ನೀವ್ ಯಾವ್ ಭಾಷಿ ಬೇಕಾರು ಕಲಿನಿ, ಎಲ್ಲಿಗ್ ಬೇಕಾರೂ ಹೋಯ್ನಿ ಆರೆ ನಮ್ ಭಾಷಿ, ಊರನ್ ಮಾತ್ರ ನೆನ್ಪ್ ಬಿಡ್ದಿದ್ರ್ ಸೈ.

 

ಹುಟ್ಟ್ರೆ ಕುಂದಾಪ್ರದಗೆ ಹುಟ್ಕ್

ಆಡ್ದ್ರೆ ಕುಂದಾಪ್ರ ಕನ್ನಡದಗೆ ಮಾತಾಡ್ಕ್,

ಬದ್ಕಿದ್ ಎತ್ತಿನ ಗಾಡಿ,

ಇದು ವಿಧಿ ಒಡ್ಸುವ ಗಾಡಿ….

ನನ್ ಮಾತ್ನ ನೀವ್ ಮರಿ ಬೇಡಿ…

ಕುಂದಾಪ್ರ ಕನ್ನಡವ ನೀವ್ ಮಾತಾಡಿ